Drumline (2002) | මමයි වැඩකාරයා..

අද මම කට්ටියට අරගෙන එන්නේ මම පොඩි කාලෙ කට ඇරගෙන බලපු බයිස්කෝප් එකක්. තාමත් මම මේකෙ හොඳම කොටස් නැවත නැවතත් නරඹනවා. මහා ලොකු බරක් කතාවට නොතිබ්බට ඕනෙම කෙනෙක් මේ කතාව රසවිඳියි කියල හිතනවා. විශේෂයෙන්ම පාසැල් තූර්ය වාදක කණ්ඩායම සමඟ කිට්ටු සම්බන්ධකමක් තිබුනනම්, මේ බයිස්කෝප් එක ඔහුගේ/ඇයගේ බයිස්කෝප් එකතුවේ උඩටම ඒවි.

කතාව කෙටියෙන් මෙහෙමයි. Devon කියල අතිදක්ෂ drummer කෙනෙක් ඉන්නවා. මොහුගේ දක්ෂම කෙතරම්ද යන වග High School හි අවසාන දිනයේදී ඔහු පෙන්නන වැඩකින් අපිට හිතාගන්න පුලුවන්. මේ සුපිරි දක්ෂතාවය නිසාම ඔහු ප්‍රාන්තයේ හොඳම තූර්ය වාදක කණ්ඩායමක් තිබෙන College එකකට තේරෙනවා. ඔහු ඇත්තටම දක්ෂයි, ඒත් අලි ඔලුවෙ උපරිම එක. ඔහු අලුත් තැනේදිත් පරණ අලි ලයින් දෙනවා. ජේෂ්ඨයන්ට පවා. ඔය අතරේදීත් නියම වැඩ කෑලි ටිකක් පෙන්නවා. ඒ වගේම කතවා ඇතුලට කෙල්ලෙකුත් එනවා. ( නැත්නම් ඉතින් වැඩකුත් නැහැනේ 😉 මේ කෙල්ලගේ චරිතයට පණ පොවපු නිළියව ඔයාල දැකල පුරුදුත් ඇති. )

Devonගේ මේ අහංකාර හැසිරීම් රටාව ඔහුව සාර්ථකත්වයට ගෙන යාවිද? ඔහුට මෙහෙම තූර්ය වාදක කණ්ඩායම තුල රැඳෙන්න පුලුවන් වේවිද? ජිවිතේට එකතු කරගන්න දෙවලුත් තියෙනවා. ඇඟ කිළිපොලා යන drumming sequences එමටයි. මේක මගේ බයිස්කෝප් එකතුවේ විශේෂ තැනක් හිමිකරගෙන තියෙනවා. ඔබෙත් එහෙම වේවි කියල හිතනවා.