Engeyum Kadhal (2011) with Sinhala Subtitles | ‍‍සෑම තැනම අාදරය තිබේ… [සිංහල උපසිරසි සමඟ]

කොහොමද යාළුවනේ කට්ටියට? ඉතින් හා හා පුරා කියලා 2016 වසරත් ලැබුවා.. ඔන්න ඉතින් මාත් 2016 ට වැඩ අල්ලන්නයි මේ ලෑස්තිය. ලැබුවා වූ 2016 නව වසර සියළු දෙනාට සාමය, සතුට පිරුණු, අපේ ගොඩක් කොමික් රසිකයන් අමන්දානන්දයට පත් කරන්න සමත් වෙන වසරක් මෙන්ම සියළු දෙනාගේ සිතුම් පැතුම් ඉටුවන සුභ නව වසරක් වේවා යැයි මම මුළු හදවතින්ම ප්‍රාර්ථනා කරමි. ඉතින් සුභ මොහොතින් මේ වසරෙත් උපසිරැසි කිරීමේ වැඩේ මේ ෆිලුමෙන් ආරම්භ කරන්නයි ඔන්න මගේ ලෑස්තිය. ෆිලුම නම් ඉතින් 2011 වසරේ ආපු එකක්. ඉතින් පරණයිනේ. කියලා මේක නොබලපු අය නොබලා ඉන්න එපා. බාගෙන බලන්න ලස්සන කතාවක් තියෙන්නේ.

අද මේ දෙන ෆිලුමේ නම තමයි “එන්ගේයුම් කාදල්” මෙහි තේරුම තමයි ” සැම තැන ආදරය” කියන එකයි. ෆිලුමෙ නම් ඉතින් මුළුමනින්ම ආදර කතාවක් තමයි ගලාගෙන යන්නේ. ඒ වගේම ඉතා මියුරු ගීත කීපයකුත් මිහිරි පසුබිම් සංගීතයකුත් සමඟ මේ ෆිලුම හැඩවෙලා තියනවා. ෆිලුම අධ්‍යක්ෂණය කරන්නේ “ප්‍රභූ දේවා ” විසිනුයි. ඒ වගේ නිෂ්පාදන කටයුතු සිදු කරන්නේ “කල්පතී” සොහොයුරන් විසිනුයි. මේ කතාවට පාදක කරගෙන තියෙන්නේ 1975 වසරේ නිකුත් වූ ඇමරිකානු ෆිලුමක් වන “Love in the Afternoon” යන ෆිල්ම් එකයි. සංගීතය “හැරිස් ජෙයරාජ්” විසිනි. ඒ වගේම මෙහි ප්‍රධාන නළුවා වන්නේ “ජෙයම් රවී” ය. ඒ වගේම ප්‍රධාන නිළිය ලෙස “හංසිකා මෝත්වානි” රංගනයෙන් දායක වෙනවා. මේ දෙදෙනා පෙම්වතුන් ලෙස පළමු වතාවට එක් වන්නෙත් මෙම ෆිලුමෙන් තමයි.

දැන් ඉතින් කතාවත් ටිකක් කියන්නම් නේ. කමල් (ජෙයම්) කිය්නනේ සල්ලිකාර බිස්නස් මෑන් කෙනෙක්. මෙයා නිවාඩුවක් ලැබුණ ගමන් පැරිස් වලට ඇවිත් කෙල්ලොත් එක්ක උපරිම ලෙස විනෝද වෙනවා. නමුත් මොහු ආදරය කරන්න කැමති නැහැ. කවුරුහරි කෙල්ලෙක් ආදරය කළොත් එයා එතනින් මාරු වෙනවා. එතකොට කයල් (හංසිකා) කියන්නේ පෞද්ගලික පරීක්ෂක වරයෙක් වන “රාජශේකර්” නැමති පුද්ගලයාගේ දියණියයි. රාජශේකර් ළඟට පුද්ගලයෙක් එනවා තමාගේ පෙම්වතිය මේ “කමල්” කියන පුද්ලගයා එක්ක රවුම් ගහනවාද කියලා දැනගන්න. පස්සේ එය සත්‍යයක් වන අතර, මොහු යනවා තමාගේ පෙම්වතිය හා කමල් හමුවෙන්න ලෑස්තිවෙලා ඉන්න හෝටල් කාමරයට එය තහවුරු කරගන්න. මේ අතර කයල් කමල්ව බේරගන්න ඒ හෝටල් කාමරයට යනවා. පස්සේ ඉතින් මොකද වුණේ ? අර සිද්ධිය මාට්ටු වුනාද ? කයල් විසින් කමල්ව බේර ගත්තාද ? ඊට පස්සේ මේ දෙන්නා අතර මොනවා සිද්ධ වෙයිද ? ඒ ටික ඉතින් ඔයාලම බලන්නකෝ.

එහෙනම් ඉතින් වෙනදා වගේම සුපුරුදු ලෙස වරුණ රංගජිත් (වරූ) අයියට ලිපියේ සංස්කරණ කටයුතු වෙනුවෙන් ස්තූතිය පුද කරනවා. එහෙනම් ඉතින් මේ වසරත් සුභ වෙන්න කියලා සහ සිංහල සබ් වලින් පිරී ඉතිරී යන වසරක් වෙන්න කියලා ප්‍රාර්ථනා කරමින් මම අදට සමුගන්නවා.

සියළු දෙනාටම සුභම සුභ නව වසරක් වේවා…!!!

  

 

 

1.4 GB (BR) කොපිය මෙතනින් බාගන්න

ecc881e8933114dbd36d7e8a761cdb24202d16b1 Hash tag එක මාර්ගයෙන් ඉතා පහසුවෙන්ම, මෘදුකාංගය හරහා පමණක් ටොරන්ට් එක බාගත කරගන්න උපදෙස් සිංහලෙන්ම මෙතන තියනවා.

3,171 downloadsDownload Engeyum-Kadhal-2011-baiscopelk.zip44 KB

 

https://d36zzuvfojr38z.cloudfront.net/wp_content/uploads/2014/04/SIRAJ-PRIYANTHA.jpg මේ ලබා දී ඇති සිංහල උපසිරැසි පිළිබද “සිරාජ් ප්‍රියන්ත” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.