Escape from Uganda (2013) Sinhala Subtitles | නීතිය හැරදා යුක්තිය සොයා..! [සිංහල උපසිරැසි සමඟ]

ඔන්න ආයෙත් පාරක් මෑත කාලයේ තිරගතවීම් සිදුවුන මලයාලම් ෆිලුමක් අරගෙන ආවා! මේක Thriller කාණ්ඩය ඔස්සේ වර්ගීකරණය වුනු ෆිලුමක්.කොහොමත් හුඟ දෙනෙක් මලයාලම් thriller ෆිලුම් බලන්න කැමතියිනේ! මේක තමයි අප්‍රිකානු රටක වැඩිම දර්ශන ප්‍රමාණයක් රූපගතකිරීම් කරපු පළවෙනි මලයාලම් ෆිලුම.ඒ වගේම 80 දශකයේ අග භාගයේදී උගන්ඩාවේ සිදුවුණු සත්‍ය කතාවක් ඇසුරින් තමයි ෆිලුම හැදිලා තියෙන්නේ.කොහොමවුනත් ඒ කාලයේ සිද්දියක් ඇසුරින් නිර්මාණය වුනාට ෆිලුමේ තියෙන්නේ ඒ කාලයේ පසුබිමක් නෙවෙයි,වර්තමාන පරිසර පසුබිමක්.ඒ හින්දා කම්මැලිකමක් නැතුව හුඟක් අයට ෆිලුම බලන්න පුළුවන් වෙයි.

ෂිකා සහ ජයක්‍රිෂ්ණන් කියන්නේ කේරලයේ ඉඳලා ඇවිල්ලා උගන්ඩාවේ ජීවත්වෙන යුවලක්.මේ දෙන්නට මීනු කියලා හුරතල් දුවෙකුත් ඉන්නවා.ඉතින් මේ පුංචි පවුල ටික කාලයක් යනකල් බොහොම සතුටින් තමන්ගේ ජීවිතය ගෙවනවා.දවසක් මේ ෂිකා,ජේ(ජයක්‍රිෂ්ණන්) දෙන්නා ඒන්ජල් මැතිව් කියන උගන්ඩාවේ ඉන්න ෂිකාගේ යාළුවෙක්ව මුණගැහෙන්න යනවා.එතැනදී ඒන්ජල්ගේ යාළුවෙක් වෙන උගන්ඩාවේ නගරයක නගරාධිපතිගේ දුවෙකුත් මේ අයට මුණගැහෙනවා.ඉතින් මේ අය හින්දා ෂිකාට අවාසනාවන්ත ඉරණමකට ගොදුරුවෙන්න සිද්දවෙනවා.ඒ ඉරණම මොන වගේ එකක්ද?ජේ තමන්ගේ බිරිඳව ඒ ඉරණමෙන් මුදවගන්නේ කොහොමද?අවසානයේ මේ දෙන්නටම මේ දේවල්වලින් බේරිලා එන්න පුළුවන් වෙයිද? මේ ප්‍රශ්න විසඳගන්න ෆිලුම අරගෙනම බලන්න කියලා ආරාධනා කරනවා!

ෆිලුම ටිකක් පරණ නිසා seeds නම් අඩුයි.ඒ හින්දා torrent විදියට බාහන්න නම් ටික වෙලාවක් ඉවසන්න වෙනවා.ඒකට විකල්පයක් විදියට baiscopedownloads.com අඩවියට ගිහිල්ලා, ඒකේ තියෙන විදියට මේක Direct බාගන්න පුළුවන්.ඒ වගේම ” Escape From Uganda with English Subs – Malayalam Full Movie ” නමින් තියෙන YouTube පිටපතත් අවශ්‍ය නම් බාගන්න පුළුවන්.

මේක මගේ 20වෙනි උපසිරැසි නිර්මාණය.තවම අර්ධ ශතකයට ආවේ නැතත්,ෆිලුමකට ඉල්ලීමක් කරාම ඒකට ඉක්මනින් ප්‍රතිචාර දක්වන වගේම එවන උපසිරැසිය ඉක්මනින් අඩවියේ පලකරන්න රෑ දවල් නොබලා වෙහෙසෙන,නොමිලයේම තමන්ගේ කාලය,ශ්‍රමය මේ වෙනුවෙන් කැපකරන බයිස්කෝප් ඇඩ්මින් මඬුල්ල බොහොම ආදරයෙන් ගෞරවයෙන් මතක් කරන්නත් මේක අවස්ථාවක් කරගන්නවා!

පසුගිය සති කිහිපයේ හොඳ මලයාලම් ෆිලුම් කිහිපයක්ම තිරගතවීම් ඇරඹුවත් මේ දවස්වල ඒ එකකවත් හොඳ තත්ත්වයේ පිටපත් නම් අන්තර්ජාලයට නිකුත් වුනේ නෑ .ඒ අතරට මලයලාම් සුපිරි තරුව Dulquer Salman රඟපාන CIA (2017) ෆිලුමත් ඇතුලත්.ඉතින් මේ හැම ෆිලුමක්ම ඊළඟ සති කිහිපයේ එක දිගට අන්තර්ජාලයට නිකුත් වේවි කියන බලාපොරොත්තුවෙන් බලාගෙන ඉමු! ඒ වගේම CIA (2017)ත් හොඳ පිටපතක් ආපු ඉක්මනින්ම උපසිරැසියක් අරගෙන එන්න බලාපොරොත්තු වෙනවා.ඒ අතරතුර මේ විදියට මෑත කාලයේ ජනප්‍රිය වුනු මලයාලම් චිත්‍රපටිත් අපේ මලයාලම් රසිකයින් වෙනුවෙන් අරගෙන එන්න බලාපොරොත්තු වෙනවා!

තවත් ෆිලුමකින් ආයෙත් හමුවෙමු.එතෙක් ඔබට ජය!

 

 

 

Due to copyright issues, we do not provide any torrent links.

Escape from Uganda (2014) – DVD Rip – X264

ලබා දී ඇති උපසිරසි ඉහත පිටපත් සඳහා අදාළ වේ.

3,213 downloadsDownload Escape-from-Uganda-2014.zip77 KB

https://d36zzuvfojr38z.cloudfront.net/wp_content/uploads/2017/01/TharinduRRasanga1-e1485642059118.jpg මේ ලබා දී ඇති සිංහල උපසිරැසි පිළිබද “තරිඳු රසාංග” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

Subtitle Contributor Rank

BRONZE MEMBER
JOINING DATE – 2017-01-29
SUBMAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.