Everything Must Go (2010) with Sinhala Subtitles | හැමදෙයක්ම තාවකාලිකයි ! [සිංහල උපසිරසි සමඟ]

මේ අරගෙන ආවේ වෙන සහෝදරයෙක් විසින් ලිපියක් විතරක් ඉදිරිපත් කරලා තියෙන චිත්‍රපටියකට උපසිරැසියක්.මේක ඉතින් Comedy/Drama ගණයට තමයි අයත් වෙන්නේ.සමහර අයටනම් ඒ නිසා බලද්දී කම්මැලි හිතේවි. එකම දවසක් තුලදී රැකියාව, බිරිඳ වගේම තමන් ඉන්න ගෙදරත් අහිමි වෙන මනුස්සයෙක්ගේ අපිළිවෙල ජීවිතය අසල්වැසි මිනිසුන් කිහිප දෙනෙකුගේ උදව්වෙන් පිළිවෙලක් වෙන විදිය තමයි මේ චිත්‍රපටියෙන් පෙන්වන්නේ. IMDM 6.4ක් අරන් තියෙනවා. ප්‍රධාන චරිතය නිරූපණය කරන්නේ Will Ferrell.

අලුතින්ම නිකුත් වෙන චිත්‍රපටි වලට උපසිරැසි ලබාදෙන්න බයිස්කෝප් වෙබ් අඩවියේ සාමාජිකයන් හැමවිටම කටයුතු කරනවා. පරණ චිත්‍රපටි වලට සිංහල උපසිරැසි ලබාදෙන්නේ ඒවා බලන්නත් කැමති ප්‍රේක්ෂකයෝ පිරිසක් ඉන්න නිසා. ඉතින් කැමති අය අරගෙන බලන්න. ගිහින් එන්නම්.

ජය වේවා !

කලින් පලකරන ලද උදා සොහොයුරාගේ ලිපිය

නික් හැල්සි අලෙවි ප්‍රවර්ධකයෙක්. එක් දිනක ඔහුගේ ආයතනයෙන් ඔහුට දැනුම් දෙන්නේ ඔහු සේවයෙන් ඉවත් කිරීමට තීරණය කර ඇති බව. ඔහු ඒ හිත් අමාරුවෙන් නිවසට එද්දී දක්නට ලැබෙන්නේ කිසිසේත්ම නොසිතූ දසුනක්. ඔහුට සිය නිවසට ඇතුළුවෙන්නවත් විදිහක් නෑ. ඔහුගේ බිරිඳ ගෙදර නෑ. අලිමදිවට හරක් කිව්ව වාගේ, එකක් මදිවට තව එකක්. බිරිඳ ඔහුව හැරගිහින්. හේතුව තද-බල ලෙස ඇල්කොහොල් වලට ඇබ්බැහි වූවෙකු වන නික් බිරිඳගේ විශ්වාසය කඩකිරීම.

හ්ම්…..ඉතිං ඔහුගේ බඩු හැම දේම එළියට දාල තමයි ගිහින් තියෙන්නේ, තව ඔහුට ඇතුළුවෙන්න බැරි වෙන්න නිවසෙහි ආරක්ෂක අගුළු පවා වෙනස් කරලා. ඉතින් දැන් ඔහු මොකද කරන්නේ? මොනව කරන්නද ජීවිතේට එන හැටියට මුහුණ දෙනවා. හරියන අතකට ගහ උළුවස්සා කියල, පෙරළෙන පිට හොඳයි කියනවා මිස වෙන මොකද කරන්නේ?

හැබැයි ඔහුට මේ වැඩේදී තව නව යහළුවන් පිරිසක් හමුවෙනවා. ඒ අයගේත් උදව්වෙන් ආපහු නිසි මගට එළඹෙන්නට ඔහුට හැකිවෙනවා. මිනිසෙකුගේ ජීවිතයට කෙතරම් ප්‍රශ්න ගැටළු ආවත් ඒවාට මුහුණ දෙමින්; මොනතරම් අනපේක්ෂිත තත්ත්වයන් උද්ගත වුවත් ඒවා භාරගනිමින් ජීවිතය හැඩගස්වා ගත හැකි බව පෙන්වා දෙන ‘විල් ෆෙරෙල්’ රඟන මේ සිනමාපටය ඔබට සතුටකුත් වින්දනයකුත් ගෙන ඒවි.

 

 

Due to copyright issues, we do not provide any torrent links.

Everything.Must.Go.2010.BluRay.720p.x264 YIFY

මෙම ලබා දී ඇති උපසිරසි BR පිටපත් සඳහා වලංගු වේ.

2,379 downloadsDownload Everything-Must-Go-2010.zip38 KB

https://d36zzuvfojr38z.cloudfront.net/wp_content/uploads/2012/10/Normal-.jpg මේ ලබා දී ඇති සිංහල උපසිරැසි පිළිබද “රුෂානි දිසානායක” සොහොයුරියට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඇයගේ අවසරය මතම සිදුවිය යුතුය.

Subtitle Contributor Rank

BRONZE MEMBER
JOINING DATE – 2015-04-21
SUBMAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.