Fashion (2008) | විලාසිතා මන බඳිනා විලාසිතා [සිංහල උපසිරසි සමඟ]

ඉතින් මගෙ පළවෙනි උපසිරැසිය ලබා දීල දෙවෙනි එක ඔයාලට දෙන්න මට ගොඩක් කල් ගියා. ඒ මොකද අවිවේකී ජීවිතෙත් එක්ක මේ ෆිල්ම් එකට උපසිරැසි දැම්මෙ ඉඩ ලැබෙන හැටියටයි. මේ ෆිල්ම් එක රිලීස් වෙලා තියෙන්නෙ 2008 ඔක්තෝබර් වලදී. ඔයාල ගොඩක් අය මේ ෆිල්ම් එක බලල ඇති. ඒත් සිංහල සබ් එකක් එක්ක ඔයාලට මේක දෙන්න ඕන කියල මට හිතුන. සාමාන්යඅ හින්දි චිත්‍රපටියකට වඩා ටිකක් වෙනස් කතාවක් තියෙන්නෙ. මේ චිත්‍රපටිය අධ්‍යක්ෂණය කරල තියෙන්න මධූර් බන්ධාකර්. ඔහු ෆිල්ම් ෆෙයාර් සම්මාන උළෙලෙදි හොදම අධ්යමක්ෂකට නිර්දේශ වෙනව මෙම චිත්රූපටිය අධ්ය්ක්ෂණය කිරීම වෙනුවෙන්. මේග්නා මාතූර් කියන ප්‍රධාන චරිතයට පන පොවන්නෙ සුරූපී ප්‍රියන්කා චොප්රා. ඇය මේ චිත්‍රපටියට ඉන්දියානු ජාතික චිත්‍රපටි සම්මාන උළෙලෙදි වගේම ෆිල්ම් ෆෙයාර් සම්මාන උළෙලෙදිත් හොදම නිළියට හිමි සම්මානය හිමිකර ගන්නවා. ඇයත් සමග කන්ගනා රනාවුට් සහය නිළිය ලෙස ඉතා දක්ෂ රඟපෑමක නියලෙනවා. ඇයත් හොදම සහාය නිළියට හිමි සම්මාන ඉන්දියානු ජාතික චිත්‍රපටි සම්මාන උළෙලෙදි වගේම ෆිල්ම ෆෙයාර් සම්ම්න උළෙලෙදිත් හිමිකර ගන්නවා.

ඉතින් කතාව පොඩ්ඩක් කියනව නම්, මේග්නා මාතූර් මුම්බායට ගොඩක් ඈත පිටිසර චන්දිගාර් කියන කුඩා නගරයක ඉපැදුන කෙල්ලෙක්. ඇය ඒ නගරෙ තිබුන රූප සුන්දරී තරගයකින් ජයගන්නවා. එහිදි ඇතිවන සම්බන්ධකම් උඩ ඇය දෙමව්පියන්ගෙ බලවත් විරුද්ධත්වය මැද්දෙ මුම්බායට යන්න තීරණය කරනව මෝස්තර නිරූපින ශිල්පිනියක් වෙන්න හිතාගෙන. ඇයට ප්‍රසිද්ධ නිරුපිකාවක් වෙන්න එතරම් ලෙහෙසි වෙන්නෙ නෑ. වෙලාවකට ජය තවත් වෙලාවක පරාජය දරාගන්න ඇයට සිද්ධ වෙනව. මේ ගමනෙදි ඇයට විශේෂ පුද්ගලයන් කිහිප දෙනෙක් හමු වෙනව. ඒ අය ඇයගෙ ජයග්‍රහනයට අවංකවම උදව් කරනව වගේම තවත් අය ඇයව ඔවුන් ගෙ අවශ්‍යතාවයන් ඉටුකරගන්න ඉත්තෙක් විදිහට විතරක් යොදා ගන්නව. ඇය හිතන තරම් ඒ ක්ෂේත්‍රය සරළ සුන්දර නෑ. දක්ෂ නිරූපිකවක් වෙන්න නම් ලැජ්ජ බය යන දෙකම අමතක කරන්න වෙනව. දක්ෂ නිරූපිකාවක් වෙන්න ඇයට ඉතා විශාල කැපකිරීමක් කරන්න සිද්ද වෙනව වගේම ගොඩක් මහන්සි වෙන්න සිද්ද වෙනව.

කොහොම උනත් ඔයාලටචිත්‍රපටිය  බලන්න වෙනව කතාව මොනවගේද කියල දැනගන්න නම්. මොකද මේක තවත් එක කොල්ලෙකුයි කෙල්ලෙකුයි අතර ඇතිවන සරළ ආදර කතාවක් පදනම් කර ගෙන නිමැවුන එකක් නෙමේ. මේක වෙනස් ආරේ කතාවක්. ඒවගේම හැමෝම තමන්ගෙ චරිතයට විශාල කැපකිරීමක් කරල ඉතා දක්ෂ ලෙස රඟපානව. ඉඩ තියෙන හැටියට තවත් සබ් එකක් අරගෙන ළඟදීම එන්නම්. එහෙනම් ඔයාල හැමෝටම ජය වේවා කියල පතනවා.

 

 

583 downloadsDownload Fashion-2008.zip77 KB

 

මේ ලබා දී ඇති සිංහල උපසිරැසි පිළිබද “සුරාජ් නිලන්ත” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගෙ අවසරය මතම සිදුවිය යුතුය.