Finding Fanny (2014) | මට මගේ නොවන මගේ ම ආදරයක් තිබුණා…. [සිංහල උපසිරසි සමඟ]

ඔන්න යාළුවනේ අදත් අරං ආවා ලස්සන සලරුවක්. මේක ටිකක් විශේෂයි. මොකද මේ මගෙ 10 වෙනි උපසිරසි ගැන්වීම. ඉතිං මුලින් ම කියන්න ඕන මේක දෙන්න හිටියෙ මීට ගොඩක් කලිං. වෙන කෙනෙක් බාර අරගෙන තිබුණෙ, කරන්න. ඒත් එයාට කරගන්න විදියක් නැති වෙලා. ඔන්න එතකොට අපේ හසන්ත අයියා මට කිව්වා පුළුවන් නම් මලේ කරන්න කියලා. මමත් සමීර සහෝ එක්ක කරන්න හොඳ ෆිලුමක් හොය හොය හිටියෙ ඒ වෙද්දි. ඉතිං මං එකෙන්ම වැඩේ බාරගත්තා. දැන් බලමුකො මේක මොකද්ද කියලා. 2014 සැප්තැම්බර් 12 වෙනිදා ඇමරිකාවේ තිරගත වීම ආරම්භ කරපු ලස්සන හිංදි චිත්‍රපටයක්. මේ චිත්‍රපටය අධ්‍යක්ෂණය කරල තියෙන්නේ Cocktail (2012), Being Cyrus (2005) වැනි ජනප්‍රිය චිත්‍රපට අධ්‍යක්ෂණය කල Homi Adajania විසින්. ඉත්දියාවේ ගෝවා ප්‍රදේශයේ දී 2013 ඔක්තෝබර් මාසයෙන් ආරම්භ කර දින 36 ක් මෙය රූපගත කර තිබෙනවා.

චිත්‍රපටයේ රංගනයෙන් දායක වන පිරිස මෙහෙමයි. බොලිවුඩ් සිනමාවේ විශිෂ්ට රංගනවේදීන් වන, නස්රුදීන් ෂා, පන්කජ් කපූර්, ඩිම්පල් කපාඩියා, බොලිවුඩ් කඩවසම් නළු අර්ජුන් කපූර් සහ තාරකාව දීපිකා පදුකෝන්. මෙම චිත්‍රපටයේ ෆැනීගේ චරිතය රඟපානු ලබන්නේ, ”ඔබ නැතුව ඔබ එක්ක ” සිංහල චිත්‍රපටයේ රඟපාන අංජලී පටෙල්ය. IMDB සිනමා දර්ශකයේ 6.1 ක අගයක් ලබා ගැනීමට මෙය සමත් වෙලා තියනවා. Comedy | Drama | Romance යටතේ මෙය වර්ග කර තිබෙනවා.

කතන්දරේ ගැන ටිකක් බලමු දැන්. ගෝවා වල පොකොලිම් කියන පුංචි ගමේ ජීවත් වන චරිත 5 ක් වටා තමයි කතාව ගෙතිල තියෙන්නෙ. ගමේ වියපත් තැපැල්කරුවා වන ෆර්ඩි, දවසක් රෑ දොර අරින කොට, දොරට යටින් රිංගවපු පරණ ලියුමක් හම්බවෙනවා. ඒ ලියුම එයා ඊට අවුරුදු 46 කට කලින් තම ආදරවන්ති(ෆැනී)ට ලියපු ලියුමක්. එතනින් පස්සෙ තමයි හැමදේම සිද්ධ වෙන්න පටන් ගන්නෙ.

ඉතිං එතනින් එහාට මං මොකුත් කියන්න යන්නෙ නෑ. අරගෙනම බලන්නකෝ. තව දෙයක් කියන්න ඕන ඉංග්‍රීසි උපසිරැසි පිටපතේ ගොඩක් අවුල් තිබුණා. සමහර ටයිම් ලයින් අලුතෙන් දාන්න වුණා. පුළුවන් තරම් අඩුපාඩු හැදුවා. හොඳ නරක කියන එක චිත්‍රපටිය බලන ඔයාලට බාරයි. මගෙ තව අදහසක් තියනවා. වැඩේ පටන් ගන්න කලිං අපේ යාළුවන්ගේ අදහස් දැනගන්න ඕනෙ නිසයි කියන්නෙ. ලබන ජනවාරි මාසෙ ඉඳං බයිස්කෝපි මංසලට, සිනමාවේ ඉතිහාසය ගැන ලිපි පෙලක් ලියන්න අදහසක් තියනවා…. ඒ ගැනත් මතක් කරලා අදහසක් කොටාදාලා යන්න කියල මතක් කරමින් ගිහිං එන්නයි මේ සූදානම….

 

 

700 MB කොපිය මෙතනින් බාගන්න

a575f0dcc700eb0502076e314a2af5ef38adbace

1.02 GB කොපිය මෙතනින් බාගන්න

D80C73966D8EDAB46C51B50045C502A328B5F70F ටොරන්ට් ලින්ක් ක්‍රියා නොකරයිනම් ඒ ලින්ක් එකට යටින් ඇති හෑෂ් (hash) එක google හි සෙවුමක් කරන්න. එවිට ලැබෙන ඕනෑම ටොරන්ට් අඩවියකින් එම ටොරන්ට් එක බාගත කරගන්න.

8,957 downloadsDownload Finding-Fanny-2014.zip82 KB

 

https://d36zzuvfojr38z.cloudfront.net/wp_content/uploads/2014/07/රුවන්-සම්පත්.jpg මේ ලබා දී ඇති සිංහල උපසිරැසි පිළිබද “රුවන් සම්පත් වර්ණසිරි” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.