Fire and Ice (1983) Sinhala Subtitles | උණුසුමේ සහ සිසිලසේ සංග්‍රාමය [සිංහල උපසිරැසි]

 

Fire and Ice (1983) Sinhala Subtitles

මට කාලෙක ඉදලම ආසාවක් තිබුනා සිංහල උපසිරැසියක් හදලා බයිස්කෝප් වෙබ් අඩවියට එකතු කරන්න. ඉතින් ඒ සිහිනය සැබෑ කරගන්න ගමන් මම ඔයාලට මගේ පළවෙනි සිංහල උපසිරැසිය විදිහට 1983 වර්ශයේ නිකුත්වුන Fire and Ice ඇනිමේෂන් චිත්‍රපටය අරගෙන ආවා..

මේ චිත්‍රපටය ගැන කියනව නම් IMDB 6.5 ක අගයක් ගත්ත මේ නිර්මාණය අධ්‍යක්ෂණය කරල තියෙන්නෙ Ralph Bakshi විසිනුයි. මොහු කැපී පෙනෙන ඇනිමේෂන් චිත්‍රපට කිහිපයක්ම හදපු අධ්‍යක්ෂකවරයෙක්.ඔහුගෙ වැඩ අතර The Lord of the Rings 1978 චිත්‍රපටය එහෙම ගොඩක් සුවිශේෂයි.

මේක නිර්මාණය කරල තියෙන්නෙ Bakshi සහ Frazetta විසින් නිර්මාණය කරන ලද චරිතයන් පාදක කරගෙනයි. මේකෙ තිරපිටපත ලියල තියෙන්නෙ මාවල් කොමික් වෙනුවෙන් කෝනාන් කතා ලියපු Gerry Conway සහ Roy Thomas කියන දෙන්නා.

මේ චිත්‍රපටය හදන්න මේ පිරිස ගත්ත මහන්සිය මෙන්න මේ යූ ටියුබ් වීඩියෝ පටය හරහා ඔබට දැකබලා ගන්න පුලුවන්..

මේ චිත්‍රපටයේ කතාව ගැන කිව්වොත් මනංකල්පිත දේශයක සීත උතුරු ප්‍රදේශයේ සිටින බලවත් පාලකයෙකු විසින් සමස්ථ ලෝකය තමන්ගෙ යටතට ගැනීම සඳහා කරන විශාල ආක්‍රමණයකුත් , එම ආක්‍රමණයට එරෙහිව පිරිසක් කරන නැගී සිටීමකුත් තමයි මේකෙ තියෙන්නෙ..මීට වඩා මම මේ ගැන කියන්න ගියොත් කතාව ස්පොයිල් වෙනවා..ඒ නිසා මම තව මුකුත් ඒ ගැන කියන්න යන්නෙ නෑ…

2023 අගෝස්තු මාසෙදි මේ චරිත පාදක කරගෙන කොමික් එකකුත් නිකුත් උනා.මේ වෙනකොට නම් තවත් කොමික් කිහිපයක්ම නිකුත් වෙලා තියෙනවා. මේ චිත්‍රපටය පාදක කරගෙන පසුකාලීනව 2010 දි පමණ ලයිව් ඇක්ෂන් චිත්‍රපටයක් හදන්න කතාබහක් ඇතිවුනත් පසුකාලීනව ඒක සිදු නොවෙන තැනට වැඩකටයුතු සිදුවෙලා තියෙනවා.

මේක මගේ පලවෙනි උපසිරැසි ගැන්වීම නිසා සහ ඉංග්‍රීසි උපසිරැසිය සහ චිත්‍රපටයේ තිබුන දෙබස්වල වෙනස්කම් නිසා සමහරවිට අඩුපාඩු තියෙන්න පුලුවන්. මම ඒවා උපරිමයෙන් අවම කරගෙන උපසිරැසිය සකසන්න උත්සාහ කලා , නමුත් එහෙම අඩුපාඩු දකින්න තියෙනව නම් ඇත්තටම මම කණගාටුව ප්‍රකාශ කරනවා. එහෙනං ආයෙත් දවසක තවත් උපසිරැසියකින් හමුවෙමු..

Fire and Ice (1983) Sinhala Subtitles

 

 

 

Due to copyright issues, We do not provide any torrent links.

මෙම ලබා දී ඇති උපසිරසිය Bluray පිටපත් සඳහා ලබා දී ඇත

737 downloadsDownload Fire-and-Ice-1983-Sinhala-Subtitles.zip15 KB

මේ ලබා දී ඇති සිංහල උපසිරැසි පිළිබද “තරිඳු ලක්ෂාන්” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

 

 

Subtitle Contributor Rank

NEW MEMBER
JOINING DATE – 2025-01-04
SUBMAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.