Forever My Girl (2018) Sinhala Subtitles | සදහටම අපි අපේ [සිංහල උපසිරසි සමඟ]

වසර අටකට පෙර

මට හිතා ගන්න බෑ මොනවා කියන්නද කියලා. ඔයාලට හිතා ගන්න පුලුවන්ද අද දවස මොකක්ද කියලා. කෙල්ලෙක්ගේ ජීවිතේ ලස්සනම දවස! සුදු පාට මංගල ගවොමකින් සැරසිලා හිටපු මට, කුවින් නෝනා ගෙනැත් දුන්නා ලස්සනම ලස්සන මල් කලඹක්! මේ මල් වගේම මගේ ජීවිතෙත් අදින් පස්සේ ලස්සන වෙයි, සුවඳ දෙයි. හැමෝම වර්ණනා කරන්නේ මගේ ලස්සන! සතුටට අපේ අම්මා අඩන්නත් ගත්තා. ඇත්ත තමයි, මගේ ඇස් සතුටින් දිලිසෙනවා, මාව සතුටින් පිරිලා ඉතිරිලා ගිහින්. මේ විදියට මාව දැක්කොතින් එයා මොනවා කියයිද! කියන්න අමතක වුනානේ, එයාගේ නම ලියම්. ලියම් පේජ්. එයා ගොඩාක් හොඳ කෙනෙක්. අපේ ආදර කතාව පටන් ගත්තේ ඉස්කෝලේ කාලෙදි. එයා මට පිස්සුවෙන් වගේ ආදරේ කරා. මටත් එයාට වඩා කෙනෙක් හිටියේ නෑ. එයා මේ දවස් වල ටිකක් ප්‍රසිද්ධයි. ඇත්තටම කිව්වොත් එයාට සින්දුවෙන් කෙනෙක්ව පිස්සු වට්ටන්න පුලුවන්. රේඩියෝ එකෙත් එයාගේ සින්දු යනවා. ඉතින්, මගේ ජීවිතේ හැමදේම හිතනවටත් වඩා ලස්සනට සිද්ධ වෙනවා. නියමයි නේද?

වසර අටකට පසු

මුලින්ම කියන්නම් මම ඔයාලා හිතන තරම් හොඳ මිනිහෙක් නෙවේ වෙන්නැති. මට මගේම හේතු තියනවා. අතීතේ මට හරියට හීනයක් වගේ.මම කැමතියි, බැඳීම් නැති වෙන තරමට. ජීවිතේට එක එක්කෙනා එනවා, යනවා. එහෙමයි කියලා මම එයාලාව මගේ ජීවිතේ කොටසක් කරගන්න යන්නෙ නෑ. මම ගොඩක් වැඩ අධික මනුස්සයෙක්. ඔව්, සමහරවිට කසාදයක් බඳින්න, දරුවෙක් හදන්න මට ඕනකමක් නැත්තේ ඒ නිසා වෙන්නත් ඇති.මම ගායකයෙක්. පත්තර වල මං ගැන කියන්නේ සුපිරි ගායන තරුව ලියම් කියලා. බොරු කියන්න ඕන නෑනේ, වැඩියෙන්ම මට පිස්සු වැටිලා ඉන්නේ කෙල්ලෝ. මගේ ජීවිතේ ඔහේ ගත වෙනවා. කෙල්ලෝ, මත්පැන්, සංගීතේ, ඕවාත් එක්ක. අපරාදේ කියන්න බෑ මගේ හැමදේම බලා කියා ගන්නේ සෑම්. මිනිහා නැත්නම් මට මොකුත් කරගන්න වෙන්නේ නෑ. මොකද මම ගොඩක් වෙලාවට හොඳ සිහියෙන් නෙවේනේ ඉන්නේ.

ඕක තමයි මට ඔයාලට කියන්න පුලුවන් ටික. මම තාමත් ඉස්කෝලේ කාලේ පාවිච්චි කරපු කසිකබල් ෆෝන් එක පාවිච්චි කරන්නෙ මොකද, හැමදාම මම අහන වොයිස්මේල් මැසේජ් එක කාගෙන්ද, කවදාවත් ඇත්තටම කෙල්ලෙක්ට ආදරේ කරලා නැද්ද වගේ අනවශ්‍ය ප්‍රශ්න මගෙන් අහන්නෙපා.

අවුරුදු අටකට කලින් කතාවකුයි, ඊට පස්සේ කතාවකුයි එකට සම්බන්ධ වුනොත් සමහරවිට ජීවිතේ පෙරළියක් වෙන්නත් ඉඩ තියනවා. මුලින්ම කියන්නම්, පිටින් බලලා කාටවත් චරිත සහතික දෙන්න යන්නෙපා. සමහරවිට හිතන්නෙවත් නැති හේතුවක් දෙන්නෙක් වෙන් කරන්න පුලුවන්, දෙන්නෙක් එකතු කරන්නත් පුලුවන්. Forever my Girl 2018 චිත්‍රපටය, Bethany Ashton Wolf ගේ අධ්‍යක්ෂණයෙනුත්, Alex Roe සහ Jessica Rothe ගේ අපූරු රංගනයෙනුත් හැඩ වුන මේක බොහොම සුන්දර, සංගීතයත් එක්ක හරි අපූරුවට ගලා යන, සංවේදි ආදර අන්දරයක්. මෙය IMDb දර්ශකයේ 6.5 ක අගයක් දිනා ගන්නට සමත් වී තිබෙනවා.

ඇත්තෙන්ම මේ චිත්‍රපටයට සිංහල උපසිරැසිය ගේන්න හිටියේ අපේ සොහාන් මල්ලි. එයාට වෙලාවක් හොයා ගන්න අමාරු නිසා සිසිල අයියා තමයි මගෙන් මේක කරන්න කැමතිද කියලා ඇහුවේ. ඉතින්, ඇඩ්මින් සිසිල අයියටයි, සොහාන් මල්ලිටයි ස්තූතියි. ලස්සනට සබ් එක කරන්න අක්කේ කියලා, සොහාන් මට කිව්වත් එක්ක. ලස්සනද කියලා ඉතින් ඔයාලා තමා බලලා කියන්න ඕනේ.

එහෙමනම්, ආදරය, වේදනාව මුසු වුන බොහොම අපූරු ගීත කිහිපයකුත් රස විඳින්නට මේත් එක්කම ඔයාලට ආරාධනා කරලා මම සමුගන්නම්.

ආයුබෝවන්.

 

 

 

Due to copyright issues, we do not provide any torrent links.

මෙම ලබා දී ඇති උපසිරැසි BR පිටපත් සඳහා අදාළ වේ.

13,670 downloadsDownload Forever-My-Girl-2018-1.zip119 KB

https://d36zzuvfojr38z.cloudfront.net/wp_content/uploads/2017/02/HelaliHemamali-e1485986499743.jpg මේ ලබා දී ඇති සිංහල උපසිරැසි පිළිබද “හෙළිලි හේමමාලි” සොහොයුරියට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඇයගේ අවසරය මතම සිදුවිය යුතුය.

Subtitle Contributor Rank

GOLD MEMBER
JOINING DATE – 2017-02-02
SUBMAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.