Gemini Ganeshanum Suruli Raajanum (2017) with Sinhala Subtitles | ඒ විනාඩිය මගේ ජීවිතය වෙනස් කළා [සිංහල උපසිරසි සමඟ]

ඔන්න එහෙනම් තවත් සුපිරි ෆිල්ම් එකක් ගේන්නයි මේ ලෑස්ති වෙන්නෙ. පැය දෙකක් පුරාවටම බඩ කට පිරෙන්න හිනා වෙවී බලන්න පුලුවන් ලස්සන කොමිඩියක් කිව්වොත් හරිද මන්ද. මේක කොමිඩියක් කිව්වට ආදර කතාවක්, එසේ මෙසේ එකක් නෙවෙයි හෙන අවුල් සහගත ආදර කතාවක්. සබ් එක කර කර ඉන්නකොට මටත් හිතුන අනේ මටත් මෙහම වෙයන් කියල. වාසනාවකට දෙවියො මට බලයක් දීල තියෙනව. ඕවට වෙලාවක් නෑ අෆ්ෆා. හරි, හරී එහෙනම් අපි යමු කතාවට.

චිත්‍රපටය අධ්‍යක්ෂණය සහ තිර රචනය කරන්නේ Ilavarasu Odam විසින්. ඒ වගේම D. Imman ගේ ලස්සන සිංදුත් තියෙනවා. ඉතින් මගේ කැමතිම නළුවෙක් තමයි කතාවේ ප්‍රධානම චරිතයට ඉන්නේ ඒ, Atharvaa. ඒ වගේම මේ කතාවේ ප්‍රධාන නිළියන් හතර දෙනෙක් ඉන්නවා. ඒ අය පිළිවෙලින් Regina Cassandra, Aishwarya Rajesh, Pranitha, Aishwarya Rajesh. කලින් කිව්වනේ සුපිරි කොමිඩියක් කියල. එහෙනම් අනිවාර්යයෙන් අපිට ආතල් දෙන්න කෙනෙකුත් ඉන්න ඕනි. ඔව් ඔව් දැන් හැම තැනම ඉන්න Soori තමයි ඒ ඩයල් එක. හරි එහෙනම් කතාව පොඩ්ඩක් කියන්නම්කෝ. හම්……. කොහෙන්ද පටන් ගන්නේ,

ජෙමිනි ලාවන්‍යලාගේ ගෙදරට යන්නේ ජෙමිනිගේ විවාහයට එන්න කියල ආරාධනා පත්‍රිකාවක් දෙන්නයි. හැබැයි කවුරුත්ම ඒ ගෙදර නෑ, ලාවන්‍යලා ඒ ගෙදරින් ගිහින්. ඒ ගැන තොරතුරක් දැනගන්න හිතන් ජෙමිනි උඩ ගෙදරට යනවා. එතනදි තමයි සුරුලිව හම්බ වෙන්නෙ. සුරුලි කියන්නෙ ණය කාර ලෝකයක්. එයාව ආශ්‍රේ කරන හැමෝගෙන්ම එයා ණයට සල්ලි අරගන්නවා. හැබැයි ඒ සල්ලි ආපහු ගන්න නම් ලැබෙන්නෙ නෑ. ඉතින් ජෙමිනි සුරුලිගෙන් උදව්වක් ඉල්ලනවා, ඒ තමයි ලාවන්‍යා හොයාගෙන එයාට ආරාධනා පත්‍රිකාව දෙන්න උදව් කරන්න කියල. තව ජෙමිනි කුලියට වාහනයකුත් ඉල්ලනවා. සුරුලිට මේක හොද චාන්ස් එකක්, මොකද සුරුලිගේ මාමට ට්‍රැවල් සර්විස් එකක් තියෙනව වගේම එයාට දෙන්න ණය මුදලකුත් තියෙන නිසා. සුරුලි ඉතින් යන ගාණට වඩා දෙගුණයක් වැඩි කරල ජෙමිනිට කියල මාමගෙ වාහනේ ලාවන්‍යව හොයාගෙන යනවා. වාහනේ යන අතරෙ ජෙමිනි එයාගෙ කතාව කියන්න පටන් ගන්නවා. ජෙමිනි කියන්නෙ එක කෙල්ලෙකුට වැඩි කාලයක් ආදරය කරන්න කැමති නැති දකින දකින ලස්සන කෙල්ලොත් එක්ක යාළු වෙන අමුතු කෙනෙක්. හැබැයි ඒ කවුරු හරි විවාහය ගැන කතා කළොත් ඔක්කොම වැඩ පැත්තකට දාල එයා හදන්නෙ ඒකෙන් බේරෙන්න. ඉතින් ඒ විදියට ජෙමිනි ගෑන් ළමයි හතර දෙනෙක් එක්ක යාළු වෙනවා. ඔය අතරෙ එයාට මාර ප්‍රශ්න වගයකට තමයි මුහුණ දෙන්න වෙන්නේ. එයා කොහොමද ගෑන් ළමයින්ව යාළු කරගන්නේ, එපා වුනාම එයාලගෙන් කොහොමද අයින් වෙන්නේ, විවාහයට අකමැති ජෙමිනි කාත් එක්කද මේ විවාහ වෙන්න යන්නේ, සුරුලිට මොනා වෙයිද ජෙමිනිත් එක්ක මේ යන ගමනෙන්. ඉතින් මේ ඔක්කොටම උත්තරේ ෆිල්ම් එක ඇතුලෙ තියෙනවා.

ඔන්න මම සහතික කරල කියනවා, පැය දෙකක් කිසිම දුකක් නැතුව හොදට හිනා වෙවී බලන්න පුලුවන් ලස්සන කතාවක් තමයි මේ කියල. දුක අමතක කරල සතුටට මුල් තැන දෙන්න මෙන්න අවස්ථාව. එහෙනම් ඔන්න මම ගියා, හැබැයි ආපහු එනවා ඕන් තවත් ලස්සන උපසිරැසියකින්. එහෙනම් ජය වේවා!

 

 

 

Due to copyright issues, we do not provide any torrent links.

මෙම ලබා දී ඇති උපසිරසි HDRip පිටපත සඳහා වලංගු වේ.

14,804 downloadsDownload Gemini-Ganeshanum-Suruli-Raajanum-2017.zip65 KB

https://d36zzuvfojr38z.cloudfront.net/wp_content/uploads/2017/01/SnakeRaj2-e1483998116503.jpg මේ ලබා දී ඇති සිංහල උපසිරැසි පිළිබද “SNAKE RAJ” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

Subtitle Contributor Rank

BRONZE MEMBER
JOINING DATE – 2014-12-28
SUBMAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.