Ghost Lab (2021) AKA El experimento fantasma Sinhala subtitles | මළගිය ආත්ම ගවේෂණය [සිංහල උපසිරසි]

ආසියානු horror ශානරය කියන්නෙ වෙනස්ම අත්දැකීමක්බව චිත්‍රපට නරඹන ප්‍රේක්ෂක හැමෝම දන්න කාරණයක්. Horror | Thriller | Drama අංශ නියෝජනය කරමින්, පහුගිය මැයි 26 වෙනිදා Netflix ඔස්සේ දිගහැරුනු මේ තායිලන්ත චිත්‍රපටය අද වෙනවිට මනාප 1100කින් පමණ IMDb මීටරය5.2 ක් දක්වා කරකවන්න සමත්වෙලා තියෙනවා. විශේෂයෙන්ම කියන්න ඕනෙ තායිලන්තයේ නිපදවුනු පලවෙනි Netflix Originated ෆිල්ම් එක තමයි මේ. කාලෙකින් බලපු වෙනස්ම හොරර් අත්දැකීමක් කියලත් කියන්නම ඕනෙ. Netflixලගෙ වැඩ ගැන මම අමුතුවෙන් සහතිකයක් දෙන්න උවමනාවක් නෑනෙ. මුලින්ම ෆිල්ම් එකේ විස්තර ටිකක් බලලා ඉමු.

Paween Purijitpanya
මේ තමයි චිත්‍රපටයේ අධ්‍යක්ෂකවරයා. හොරර් රසිකයෙක්නම් මෙයාව අමතක වෙන්න විදියක් නෑ.විශේෂයෙන්ම; Body sob 19 (2007), 4bia-(2008), Phobia 2-(2009), Seven Something-(2012) වගේ චිත්‍රපටිවලින් තමන්ගෙ හැකියාව ප්‍රේක්ෂකයාට ඉදිරිපත් කරලා තියෙනවා.

Thanapob Leeratanakajorn
නම පොඩ්ඩක් කියවන්න අමාරුයි වගේ දැනුනට ගනන් ගන්න එපා.මොකද මේ තමයි කතාවෙ ප්‍රධාන චරිතෙ. මීට කලින් Mary Is Happy, Mary Is Happy (2013), The Swimmers (2014), May Who? (2015), One for the Road (2021) වගේ චිත්‍රපටි තුලින් තමන්ගෙ රංගන හැකියාව පෙන්නපු රංගන ශිල්පියෙක්.

Paris Intarakomalyasut
බොහොම මෑතකදි ප්‍රධන දාරාවේ සිනමාවට ආපු නළුවෙක් කියල හඳුන්වන්න පුලුවන්. සුළු චරිත කිහිපයකට අමතරව මීට කලින් Tootsies and The Fake-2-19 කියන චිත්‍රපටියෙදි අපිට දැකගන්න පුලුවන් වුනා. මේ චරිතයට ඔහු මොන තරම් සාධාරණයක් කරනවද කියන එක ඔබම තීරණය කරන්න.

Nuttanicha Dungwattanawanich
වැරදිලාවත් නම කියවන්න එහෙම යන්න එපා.මොකද දිව පැටලෙන්න පුලුවන්.තායිලන්තෙ නම් එහෙම තමයි. විශේෂයෙන්ම වාසගම්. කොහොම උනත් ඔයා අග්නිදිග ආසියානු නිර්මාණ රසවිඳිනවනම් මේ මුහුණ හුරුපුරුදු වෙන්න ඕනෙ. මීට කලින් නිර්මාණ ගණනාවකට දායකත්වය සපයලා තියෙනවා. නිර්මාණ කීපයක් ඉක්මනට මතක් කරොත්; The Promise (2017), Bad Genius (2017), Shutter (2004), Happy Old Year (2019), A Gift (2016)

කතාව පැත්තට හැරුනොත්, ෆිල්ම් එකේ නමේ තියෙන විදිහටම මේ හොල්මන් ගැන කරන පරීෂණයක්. හැබැයි මේක කරන්නෙ වෙන කවුරුත් නෙවේ, වෘත්තියෙන් වෙද්යවරු දෙන්නෙක්, රෝහලක් ඇතුලෙදි. පොඩ්ඩක් අමුතුයි වගේ නේද.. ඒකනෙ කියන්නෙ. මේ තවත් එක් හොල්මන් ෆිල්ම් එකක් කියන ලේබලේ අලවන්න බැරි වෙනස්ම හොල්මන් ෆිල්ම් එකක්. සාමානයෙන් පරණ ගෙයක් ඇතුලෙ සද්ද දාන සාම්ප්‍රධායික හොල්මන් කතාවක් නෙවෙයි මේ. ඉතින් මේ වෙද්යවරුන් දෙන්නට පරීක්ෂණය සාර්ථක කරගන්න පුලුවන් වෙයිද? ඒ වෙනුවෙන් ජීවිත කීයක් කැප කරන්න සිද්ද වේවිද? තම තමන්ගෙ ජීවිතවලට මොනව වේයිද? ඒ වගේම මතක් කරන්න ඕනෙ, අනවශය වැල්වටාරම් නැතුව මුල සිට අගට කිසිම කම්මැලිකමක් නැතුව එකම ආකාරයේ කුතුහලයකින් නරඹන්නට පුලුවන් චිත්‍රපටියක් මේක. ඉතින් තවමත් බලපු නැති අයට ආරාධනා කරනවා මේ අපූරු නිර්මාණය රසවිඳින්න කියලා. බලලම තීරණය කරන්න. වෙනස්ම අත්දැකීමයි වේවි.

-ඔබ මරණින් මතු ජීවිතයක් ගැන විශ්වාස
කරනවද?
-එහෙමත් නැත්නම් ඔබ හොල්මන් ගැන විශ්වාස
කරනවද?
-ඔබ නිකමටවත් ඔබේ මතය
මිත්‍යා විශ්වාසයක්ද,
-එහෙමත් නැත්නම් විකාර අදහසක්ද,
කියල ඔප්පු කරලා තියෙනවද?
-ඉතිං අද මම ඔයාල හමුවට ඉදිරිපත් කරන්නෙ
ඔබේ විශ්වාසයන් වෙනස් කල හැකි,
-වැදගත් පුද්ගලයින් දෙදෙනෙක්,

• Director-Paween Purijitpanya
• writer-Paween Purijitpanya
• IMDb rate- 5.2
• google users-74%
• Country- Thailand
• Language- Thai
• Distributors- Netflix
• Run Time- 1h 57m

උපසිරැසිය ගන්න ගමන් පහලින් ඔයාලගෙ අදහස් දාගෙන යන්නත් අමතක කරන්න එපා.

 

 

 

Due to copyright issues, we do not provide any torrent link.

මෙම ලබා දී ඇති උපසිරැසිය WEB පිටපත් සඳහා අදාළ වේ.

4,907 downloadsDownload Ghost.Lab_.2021.zip41 KB

මේ ලබා දී ඇති සිංහල උපසිරැසි පිළිබද “කවිඳු ජයවර්ධන” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

 

Subtitle Contributor Rank

NEW MEMBER
JOINING DATE – 2021-08-29
SUB-MAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.