Ghost Stories (2019) Sinhala Subtitles | අද්භූත කතා එකතුව [සිංහල උපසිරසි සමඟ]

මුලින්ම ලැබුවා වූ 2020 නව වසර බයිස්කෝප් කණ්ඩායමටත්, බයිස්කෝප් වෙබ් අඩවියෙන් උපසිරැසි ලබා ගන්නා සියලුම දෙනාටත්, ශ්‍රී ලංකාවේ වගේම ලෝකයේ වෙසෙන සියලුම දෙනාටත්, විශ්ව රූ රැජින ඇතුළු විශ්වයේ වෙසෙන සියලුම දෙනාටත් වාසනාවන්ත නව වසරක් වේවා කියලා හදවතින්ම ප්‍රාර්ථනා කරනවා.

2018 මැයි මාසයේ මගේ 27 වෙනි උපසිරැසිය කලාට පස්සේ බයිස්කෝප් වෙබ් අඩවියේ මගේ නමින් ලියැවෙන පළවෙනි උපසිරැසිය තමයි මේ. ඇත්තටම අවුරුදු එකහමාරකට වැඩි කාලයක් මගේ අතින් නිර්මාණයක් උනේ නෑ. ඒකට මගේ පුද්ගලික ජීවිතයේ සමහර සිදුවීම් බලපෑවත් 2020 දි මම තීරණය කරා අඩුම තරමින් මාසයකට එක නිර්මාණයක් වත් කරන්න.

එහෙම හිතාගෙන කරපු 2020 ට අදාළ පළවෙනි නිර්මාණය (සමස්ථයක් විදිහට ගත්තම මගේ 28 වන නිර්මාණය) තමයි මේ. 

සාමාන්‍යයෙන් මං උපසිරැසි හදන්නේ ඉංග්‍රීසි චිත්‍රපට වලට. ඒ වුනත් මේක හින්දි චිත්‍රපටයක්. හැබැයි මම බැලුවේ නම් දෙමළ බසින් හඬකවපු කොපියක්. සුප්‍රසිද්ධ Netflix සමාගම ජනවාරි පළවෙනිදා උණු උණුවේ release කරපු මේ චිත්‍රපටය නම් ඇත්තටම අද්භූත කතා හතරක එකතුවක්. තව විදිහකට කියනවා නම් මේ තනි චිත්‍රපටයක් නම් නෙමෙයි. කෙටි චිත්‍රපට හතරකින් තමයි මේ සමස්ථ නිර්මාණය හැදිලා තියෙන්නේ. ඒක නිසා සාම්ප්‍රදායික කතා සාරාංශයක් මං මේ චිත්‍රපටයට අදාලව කරන්නේ නෑ මොකද එහෙම උනොත් මට කතා හතරක් කියන්න වෙන නිසා.

කෙටි චිත්‍රපටය හතර අධ්‍යක්‍ෂණය කරලා තියෙන්නේ Karan Johar, Dibakar Banerjee, Zoya Akhtar සහ Anurag Kashyap විසින්. එතකොට නළු නිලියන් ගැන කියනවා නම් Sobhita Dhulipala, Mrunal Thakur, Avinash Tiwary, Janhvi Kapoor, Surekha Sikri, Raghuvir Yadav, Gulshan Devaiah, Vijay Varma සහ Pavail Gulati ප්‍රධාන වශයෙන් රඟපානවා.

සමස්ථ චිත්‍රපටයේ IMDb අගය නම් 4.2 ක් විතර තමයි වෙන්නේ. හොල්මන් කියන වචනයට වඩා අද්භූත කියන වචනය කතා හතර බැලුවම පාවිච්චි කරන එක හොඳයි කියල මට හිතුනා. මොකද කතා බැලුවම බය හිතෙනවට වඩා අමුතු පුදුමාකාර හැඟීමක් එන නිසයි.

හරි එහෙනම් දැනට එච්චරයි. චිත්‍රපටය බලලා පුළුවන් නම් comment එකකුත් දාගෙන යන්න කියල ඉල්ලනවා.

හැමෝටම ජය.!

 

 

 

Due to copyright issues, we do not provide any torrent links.

මෙම ලබා දී ඇති උපසිරැසිය WEB Rip/ WEB DL/ HD Rip පිටපත් සඳහා අදාළ වේ.

7,113 downloadsDownload Ghost-Stories-2020.zip28 KB

මේ ලබා දී ඇති සිංහල උපසිරැසි පිළිබද “චාමිකර විදානගේ (චාමි)” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

 

Subtitle Contributor Rank

BRONZE MEMBER
JOINING DATE – 2015-02-03
SUBMAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.