Golden Slumber (2018) AKA Gol-deun seul-leom-beo Sinhala Subtitles | රත්තරං යාළුවෝ [සිංහල උපසිරැසි සමඟ]

golden slumber කියන්නෙ 2018 පෙබරවාරි 16 තිරගත වුණු  Noh Dong-seok විසින් අධ්‍යක්ෂණය කරපු  Gang Dong-won, Han Hyo-joo ඇතුළු තවත් නළු නිලියන් රැසකගෙ රංගනයෙන් දායක වුණු action/thriller ගණයට අයත් වෙන චිත්‍රපටියක්. imdb අගය 7.2 ක අගයක් අරන් තියෙන මේ චිත්‍රපටියට පාදක වෙලා තියෙන්නෙ 2007 ජපන් නවකතාකරුවෙක් විසින් රචනය කරපු ‘golden slumber’ කියන නවකතාවයි.

මේ චිත්‍රපටිය දිවයන්නෙ ජනාදිපති අපේක්ෂක කෙනෙක්ගෙ වාහනේක සිද්දවෙන බෝම්බ පිපිරීමකට සැකකරුවෙක් වෙන ඇණවුම් භාරදෙන්නෙක් එහෙමත් නැත්තන් ඩිලිවරි මෑන් කෙනෙක්ගෙ පලා යෑමක් සම්බන්ධවයි. මේ සැකකාරය එහෙමත් නැත්තන් කිම් ගුන් වූ කියන හාදයා සෑහෙන්න අහිංසක පුද්ගලයෙක්. මිනිස්සුන්ව විශ්වාස කරන, හැමෝගෙම යහපත ගැන හිතන හරිම හොඳ ජීවතයක් ගත කරන කෙනෙක්. සමහරුන්ට මෙයාව පේන්නෙ නෝන්ජලයෙක් විදියට. ඒ වගේම තමයි මෙයාට ඉස්කෝලෙ යන කාලෙ හිටපු යාළුවො සෙට් එකක් ඉන්නවා. මේ අයට ඒ කාලෙ බෑන්ඩ් එකක් තිබුණා. ඒත් හැමෝම ලොකු වෙද්දි මේ අපිට වෙලා තියෙනව වගේ ඒ යාළුවො කොහෙ කොහෙවත්. හොයාගන්න හරි අමාරුයි. මේ චිත්‍රපටිය බලනකොට තේරෙයි යාළුකම සහ හොඳම යාළුවො කියන්නෙ මොනතරම් වටින දෙයක්ද කියලා. චිත්‍රපටිය ඉවර වෙද්දි තම තමන්ගෙ හොඳම යාළුවො කවුද කියල හැමෝටම මතක් වෙයි කියල මම හිතනවා. යාළුකම ගැන චිත්‍රපටියක් කිව්වත් මේකට වැරද්දක් නෑ.හරි එහෙනම්…

මේ සිද්දිය සිද්දවෙන දවසෙ උදේ මේ ඩිලිවරි මෑන් කෙනෙක් වෙන ගුන් වූට පරණ යාළුවෙක්ගෙන් කෝල් එකක් එනවා. මෙයා වැඩ කරන්නෙ රක්ෂණ සමාගමකට. අඩුගානෙ එහෙම තමයි අනිත් හැමෝම හිතාගෙන ඉන්නෙ. ඉතින් මේ දෙන්න හම්බෙලා ටිකක් කතා කරනවා. ඒ කරල එක තැනකදි දෙන්න වෙන් වෙනවා. ඊට පස්සෙ තමයි මේ ජනපති අපෙක්ෂකගෙ ඝාතනය සිද්ද වෙන්නෙ. ඊට පස්සෙ මේ ගුන් වුගෙ යාළුව ආපහු එයාට කතා කරල කියනවා.. මේ ඝාතනය කලේ ඔයා. තව බෝම්බයක් ඔයාගෙ අතේ තියනවයි කියලා. ඒත් මේ කිසිම දෙයක් අහිංසක ගුන් වූට හිතාගන්න බැරිවෙනවා.

ඉතින් එතන ඉඳන් තමයි ගුන් වුට කරදර පිට කරදර එන්නෙ. පොලිසියයි ආරක්ෂක අංශෙයි දෙකම මෙයා පස්සෙ පන්නන්න ගන්නවා. නොකරපු වැරැද්දකට මෙයාට අහුවෙන්න බැරි නිසා ගුන් වූගෙ පලා යෑම පටන් ගන්නවා.

ඉතින් මුල් ටික බලද්දි තේරෙයි කතාව කොච්චර හොඳද කියලා. මං දන්නව මං මොන බයිල ගැහුවත් කොරියන් බලන අය මේක බලනව කියලා. ඒ නිසා මම වැඩිය මේ ගැන නොකියම අදට ගිහින් එන්නම් වෙන දවසක තවත් උපසිරැසියකුත් අරගෙන.

ජය!

 

 

 

Due to copyright issues, we do not provide any torrent link.

මෙම ලබා දී ඇති උපසිරැසිය BR පිටපත් සඳහා අදාළ වේ.

3,722 downloadsDownload Golden-Slumber-2018.zip44 KB

මේ ලබා දී ඇති සිංහල උපසිරැසි පිළිබද “චාමල් කැලුම් අතපත්තු” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

 

Subtitle Contributor Rank

SILVER MEMBER
JOINING DATE – 2016-07-05
SUBMAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.