Raw (2016) AKA Grave Sinhala Subtitle | මිනී මසට ගිජු වූ ඇය! [චිත්‍රපටය සිංහල උපසිරැසි සමඟ] 18+

Cannibalism එහෙමත් නැත්තන් මිනී මස් කෑම අදටත් ලෝකයේ එලිපිට නොවූවද රහසිගතව විශාල වශයෙන් පවතින දෙයක්. පැරණි ගෝත්‍රික ජන කොට්ඨාස වල මෙන්න මේ මිනිමස් කෑම පිලිබඳ ප්‍රභලව ඉස්මතු කරන සාධක තියෙනවා. ලෝකය පුරාද, අන්තර්ජාලය තුලද (Dark Web තුල) සුවිසාල මිනී මස් වෙලදාමක් වෙන බව අපි කවුරුත් දන්නා දෙයක්.

මෙතරම් මස් ආශ්‍රිත ආහාර තියෙන නූතන ලෝකයකත් මෙවන් ජරා වෙලදාම් වෙන්නේ ඒ සඳහා හොඳ ඉල්ලුමක් තියෙන නිසා. තමන්ගේ වර්ගයාම උයලා කන්න ආස තරම් මොන තිරිසන්නුද මේ. මුන්ව පන පිටින් පුච්චන්න ඕන කියලා අපිට හිතෙන්න පුලුවන්.

ඒත් ඒක හුදෙක්ම ආසාවක් නෙවෙයි නම්…

ලෝකයට Cannibalism සම්බන්ධව ආන්දෝලනාත්මක කතා බහක් ඇති කරන්න සමත් සිනමා පටයක් බවට පත්වූ මෙම සලරුව Julia Ducournau ගේ විශිෂ්ට අධ්‍යක්ෂණයක්. කොටින්ම Toronto International Film Festival හි පැවති මෙහි මංගල දර්ශනයෙහිදීම සිනමාශාලා බලධාරීන්ට ගිලන්රථ සඳහා ඇමතුම් ලබා දෙන්න සිදුවුනේ චිත්‍රපටය නරඹමින් සිටි ප්‍රේක්ෂකයන් එකින් එකා සිහි නැතිවීමටත්, වමනය කරමින් පිටතට පැමිණීමත් නිසාය.

නූතන ලෝකයේ මසට ගිජු වී ජීවිතේ සිදුවන වෙනස්වීම්, හුදෙක් පන පිටින් මිනීමස් බුදින,මිනිස්සු කෑ ගහද්දී ඉරාගෙන කන Cannibal චිත්‍රපට වලින් ඔබ්බට ගොස් මේ තත්ත්වය තුල පුද්ගලයා පීඩා විඳින අයුරු, සමාජය මගින් ඇතිවන පීඩාව ඉතාමත් තාත්වික අයුරින් ප්‍රේක්ෂකයාට ඉදිරිපත් කිරීමට මෙම චිත්‍රපටය සමත් වෙනවා.

කතාව දෙසට හැරුනොත්…

Justine වෛද්‍ය විද්‍යාලයට ඇතුලත් වන්නේ අනෙක් ශිෂ්‍යයන් වගේම වෛද්‍ය සිහිනය පෙරදැරිවයි. පොඩි කාලයේ ඉදලම දෙමාපිය දැඩි රැකවරණය යටතේ හැදීවැඩුණු Justine දෙමාපියන්ගේ අල්ලෙන් ගිලිහෙන පලවෙනි අවස්ථාව තමයි මේක. මෙයාලගෙ මුලු පවුලම Vegetarian. දැඩි ලෙස Vegetarian. මන් එහෙම කියන්නේ Justine කැම්පස් එකට දාන්න එන අතරමග කෑම කන්න ගිය තැන වැරදිලා Justineගේ කෑම එකට Meatball එකක් වැටිලා. මේ ගැන අම්මා දැනගත්තා විතරයි කඩේ වැඩකරන අය එක්ක පුදුම විදියට රණ්ඩු වෙන්න පටන් ගන්නවා.

අනික මෙයාලගේ පවුලම වෛද්‍යවරු. අම්මා, තාත්තා තව මෙයාගෙ අක්කා. අක්කත් වෛද්‍යවරියක් වෙන්න ඔන්න මෙන්න ඉන්නෙ. ඒ කිව්වේ කැම්පස් එකේ අවසන් වසරේ (Justine යන කැම්පස් එකේම තමා). කොහොමින් හරි වෛද්‍ය විද්‍යාලයේ ජීවිතේ නම් Justineට ලේසි වෙන්නෑ. (කොහොමත් First Year Students ලට දෙන වද ගැන කියන්න ඕන නෑනේ). ඔන්න විද්‍යාලයේ රැග් එකේ ආරම්භයක් හැටියට මෙයාලට Rabbit Kidney (හා වකුගඩු) කන්න දෙනවා. තමන් Vegetarian කියලා කිව්වත් Justine ට අන්තිමට ඒක කන්න වෙනවා. මේ පොඩි මස් කෑල්ල Justineගෙ ජීවිතේ, තමන් නොදුටු නොසිතූ පැත්තකට වෙනස්කරන්න හේතු වෙනවා. ඉතින් මේ මස් ප්‍රශ්නෙම තියෙන එකම කෙනා Justine නෙමෙයි. ඔය කිව්වා ඇති.

එහෙනන් කතාව කවුරුත් බලන්න කියලා ආරාධනා කරනවා. කතාව අවසානයේ Cannibalism සම්බන්ධව වෙනස්ම මතයක් ඔබ තුල ඇතිකරන්න මේ සලරුව සමත් වෙයි. Ratings ගැනත් කියන්නන්… IMDb මීටරේ 7/10ක් එක්ක ටොමැටොමීටරේ 92% ක අගයක් දෙන්න මේ සලරුව සමත් වුනා. තවත් සඳහන් කරන්න අවශ්‍ය දෙයක් තමයි මෙය වැඩිහිටියන් පමණක් බැලීම සුදුසුයි කියලා. තිසර සහෝදරයා ප්‍රමුඛ ඇඩ්මින් මඩුල්ලත් මේ වෙලාවෙ මතක්කරනවා මේක මට කරන්න ලබා දීම වෙනුවෙන්.

අදට එහෙනන් ගිහින් එන්නන්,.. තවත් වෙනස්ම සලරුවකින් හමුවෙමු, එතකන් හැමෝටම ජය!..

විශේෂයෙන් මෙම ලිපිය සඳහා දායකත්වය:- සිනමාවේදීන් facebook පිටුව වෙනුවෙන් Victor Frankenstein විසින් පලකල ලිපිය.

 

Due to copyright issues, we do not provide any torrent links.

මෙම ලබා දී ඇති උපසිරසි BD පිටපත් සඳහා අදාළ වේ.

6,450 downloadsDownload Raw.2016.zip27 KB

මේ ලබා දී ඇති සිංහල උපසිරැසි පිළිබද “ලහිරු (විනෝ)” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

 

Subtitle Contributor Rank

BRONZE MEMBER
JOINING DATE – 2018-08-20
SUBMAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.