Happy Phirr Bhag Jayegi (2018) with Sinhala Subtitles | හැපී ආයෙමත් පැනල ගිහින්…. [සිංහල උපසිරසි සමඟ]

හැපී No 1
මෙයා චීනෙට යන්නෙ එයාගෙ මහත්තයා ගුඩ්ඩුත් එක්ක. ගුඩ්ඩුගෙ සංගීත ප්‍රසංගයකට. එයාර්පෝට් එකෙන් එලියට ආවම ගුඩ්ඩු දකිනවා Prof. හර්ප්‍රීත් කෞර් කියල බෝඩ් එකක් කනපිට හරෝලා අල්ලන් ඉන්න චීන මනුස්සයෙක්ව. මේ දෙන්නා ඒ මනුස්සයත් එක්ක යනවා කැම්පස් එකකට. එතෙන්දි ගුඩ්ඩුට සිංදුවක් කියන්න ඕනෙ උනත් හැපීට බොන්සායි ගැන දේශනයක් කරන්නත් වෙනවා. බොන්සායි ගැන මෙලෝ දෙයක් නොදන්න හැපී ගහක් ගැන කියල බේරෙනවා. එතනින් එලියට එන මේ දෙන්නා චීනෙ ඇවිදින්න යනවා.

හැපී No 2
මෙයා චීනෙට එන්නෙ රස්සාවකට. එයාර්පෝට් එකේදි හර්ප්‍රීත් කෞර් සහ ගුර්දීප් සිං කියල බෝඩ් එකක් අල්ලන් ඉන්න චීන මනුස්සයෙක් එක්ක යනවා. ඒ මනුස්සයා මේ හැපීව එක්ක ගිහින් හිර කරනවා. මේ මිනිහා වැඩ කරන්නෙ චැන්ග් කියල කෙනෙකුට. චෑන්ග්ට ඕනෙ හැපීගෙ මහත්තයා ගුඩ්ඩුව ප්‍රාන ඇපයට තියාගෙන හැපී ලවා වැඩක් කරවගන්න. ඒ වැඩේට චෑන්ග් තව දෙන්නෙක්ව පැහැරගන්නවා. මගුල් අශ්වයා පිටේ මගුල් පෙරහැරේ ආපු දමන් සිං බග්ගාවයි, විශ්‍රාම උත්සවේ හිටපු ASP උස්මාන් අෆ්රිඩිවයි. ඒත් මේ දෙන්නව අරන් එද්දි හැපී පැනල ගිහින්.කරන්න හිටපු වැඩේ පැත්තකට දාලා චෑන්ග් මේ මිනිස්සු දෙන්නව දානවා හැපීව හොයන්න. හැපීව හොයාගන්න මේ දෙන්නා ආපහු චෑන්ග් ලගට එනවා වෙනුවට පැනල යනවා.

2016 අවුරුද්දෙ ආපු Happy Bhag Jayegi කියන චිත්‍රපටියෙ දෙවන කොටස තමයි මේ. හැබැයි ඒ දෙකේ වැඩි සම්බන්දයක් නම් නෑ. 2018 අගෝස්තු මාසෙ 24 වෙනිදා ඉන්දියාවෙ තිරගත වීම ආරම්බ කල මේ චිත්‍රපටිය අධ්‍යක්ශනය කරන්නෙ පලවෙනි චිත්‍රපටිය අධ්‍යක්ශනය කරපු Mudassar Aziz විසින්. රංගනයෙන් දායක වෙන්නෙ Sonakshi Sinha, Diana Penty, Jimmy Shergil, Ali Fazal, Jassi Gill, Piyush Mishra සහ Jason Tham. සංගීත අධ්‍යක්ශනය කරන්නෙ Sohail Sen. ගී පද රචනය Mudassar Aziz සහ Qamar Jalabadi ගෙන්.

පලවෙනි චිත්‍රපටිය බලපු අය දන්නව ඇති හැපී පැනල ගිහින් මොන ජංජාලයක්ද වෙන්නෙ කියල. මේ චිත්‍රපටියෙ හැපීල දෙන්නෙක්ගෙන් වෙන ජරමර තමයි තියෙන්නෙ. හොඳට හිනා වෙන්න පුලුවන් චිත්‍රපටියක්. හොඳ කොපියක් ඇවිත් සෑහෙන දවසක් උනත් ඉවර කරගන්න පුලුවන් උනේ අද තමයි. ඒ වගේම කවීනු මල්ලිටත් ස්තූති වන්ත වෙන්න ඕනෙ උදව් කලාට. ඉතින් බලන ගමන් කමෙන්ටුවක් දාගෙන යන්නත් අමතක කරන්න එපා. තවත් උපසිරැසියකින් මුන ගැසෙමු.

 

 

මෙම ලබා දී ඇති උපසිරසි HD RIP පිටපත් සඳහා ගැළපේ.

11,377 downloadsDownload Happy-Bhaag-Jayegi-Returns-2018.zip78 KB

https://d36zzuvfojr38z.cloudfront.net/wp_content/uploads/2012/10/Normal-.jpg මේ ලබා දී ඇති සිංහල උපසිරැසි පිළිබද “දහරා මුතු අමා” සොහොයුරියට හා “කවිනු වීරක්කොඩි” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔවුන්ගේ අවසරය මතම සිදුවිය යුතුය.

Subtitle Contributor Rank

SUBMAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවන් මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.