Howl’s Moving Castle (2004) | රුවෙන් වෙන් කල නොහැකි හදවත්. [සිංහල උපසිරසි සමඟ]

ඉතිං ආයුබෝවන්. මේ මගේ හතරවැනි උපසිරැසි නිර්මාණය වගේම පළමු ඇනිමේෂන් උපසිරැසි නිර්මාණය. මේක එවන්න හුගක් කල් ගියේ මැටිල්ඩා සබ් දාන කාලේ ඉදන් මම අසනීපෙන් හිටපු නිසා. ඒත් මම අසනීපේ කියල වැඩේ අතහැරියේ නෑ. බාර ගත්ත වැඩක් මොනම විදිහකින් හරි ඉවර කරන එකයි මගේ ප්‍රතිපත්තිය. ඒ නිසා බයිස්කොප් සිංහල වෙබ් අඩවියෙන් සබ් දෙන්න මම ඉල්ලපු ඇනිමේෂන් නිර්මාණයේ සිංහල උපසිරැසි ටිකත් ඉවර කරලාම නැවතුණේ. මේක පරක්කු කළාට සමාවෙන්න. මම හිතනවා මම සබ් දීපු අනිත් චිත්‍රපටවලට වගේම මේකටත් හොද ප්‍රතිචාර ලැබෙයි කියලා.

මේ කතාව මායාව සමග එකතු උණ කතාවක්. මේකේ කථා නායකයා හවුල් කියල කෙනෙක්. එයාට පොඩි කාලෙම රාක්ෂයෙක් නිසා එයාගේ හදවත අහිමි වෙනවා. ඒත් ගිනි රාක්ෂයෙක් ගේ හදවතකිනුයි මෙයා ජීවත් උණේ. හරියට නිකං එකම හදවත දෙන්නෙක්ට බද්ධ වෙලා වගේ. එක්කෙනෙකුට වෙන දෙයක් දෙන්නටම වෙනවා. හදිසියෙවත් ගිනි රාක්ෂයාගේ හදවත මිය ගියොත් හවුලුත් මැරෙනවා. ඒ නිසා මේ දෙන්නා හිටියේ ඇවිදින ගෙදරක. මේ ගිනි රාක්ෂයා තමයි මේ ගෙදර ඇවිද්දවන්නේ. ගෙයක් කිව්වාට ඒක මාලිගාවක්. ඉතිං ඔහොම ඉන්න කොට තමා කතාව සොෆි ගෙන් ඇරඹෙන්නේ. එයාටම කියල තොප්පි කඩයක් තියෙනවා. ඒත් එයාගේ තාත්තා මැරිලා . අම්මා විතරයි එයාට හිටියේ. ඒත් එයා සොෆී ගැන ඒ තරම් ලොකු සැලකිල්ලක් දැක්වුයේ නෑ. ඒ නිසාම සොෆී තනියම වගේයි හිටියේ. ඒත් මෙයා දවසක් ගමනක් යද්දී අතරමග මෙයාව රාජකීය සොල්දාදුවො දෙන්නෙක්ට හමුවෙනවා. එයාල මෙයාව බය කරනවා. එතකොට තමා හවුල් එන්නේ. මේ දෙන්නගේ මේ හමුවීමෙන් පස්සේ ඒක ටිකින් ටික කතාව ඉදිරියට යන්නේ මායා කර්ම ගැන කියවෙන දේවල් එක්ක. සමහරැ කියනවා මේ හවුල් කියන කෙනා ලස්සන ගෑනු ළමයිගේ හදවත් හොරකම් කරනවා කියලා.

මේ දේවල් අතරේ දවසක් රෑ සොෆී ගේ තොප්පි කඩේට මායාකාරියක් එනවා. එයා ආවයින් පස්සේ මේ සොෆී මහළු කාන්තාවක් බවට හැරෙනවා. කොහොම හරි මේ මැහැල්ල හවුල්වත් මුණ ගැහෙනවා. ඒ දෙන්නගේ ආදරේ තව වැඩිවෙනවා. ඒ කොහොමද කියලා බලන්නනං කථාවේ ඉතිරි හරිය බලන්නම ඕන.

මේක ලස්සන ආදර කතාවක්. Hauru no ugoku shiro කියන මේ ජපන් කාටූන් එක IMDB හොඳම චිත්‍රපට 250 අතර 151 වෙනි ස්ථානයේ රැඳිලා තියෙනවා. ආදරේට කොයිතරම් බලයක් තියෙනවද කියලා මේ කථාවෙන් හොදටම ඔප්පු වෙනවා. කථාව බලලම උපසිරැසියේ ගුණ දොස් කියන්න. බුදු සරණයි !

 

 

6,297 downloadsDownload Howls.Moving.Castle.2004.baiscopelk.zip43 KB

 

මේ ලබා දී ඇති සිංහල උපසිරැසි පිළිබද “දීප්ත තුෂාර” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගෙ අවසරය මතම සිදුවිය යුතුය.