I Love You, Beth Cooper (2009) Sinhala Subtitles | පිස්සු හැදෙන ට්‍රිප් එකක් යමුද? [සිංහල උපසිරසි සමඟ]

කොහොමද යාලුවනේ, මේක මගේ පලවෙනි උපසිරැසි ගැන්වීම. ඉතින් අඩු පාඩු තියෙන්නෙ පුළුවන් හොඳේ. අවරුදු ගානක් බයිස්කෝප් එකත් එක්ක ඉන්න එකේ මටත් හිතුන සබ් එකක් කරන්න. එහෙම හිතුනෙ මාසයක් ගෙදර හිටියනෙ. එහෙම ඉද්දි කරන්න දේකුත් නැති එකේ පරණ ෆිල්ම් ආයෙ බලන්න ගත්ත. එහෙම බලන් යද්දි තමා මේක සෙට් උනේ. මන් මේක 2011 තමා බැලුවෙ ඒත් මේකෙ සිංහල සබ් තිබ්බෙ නෑ. මං ආයෙ බලන්න ගද්දි හිතුව දැන් නම් මේකට සබ් එකක් කරල ඇති කියල. එහෙම හිතල බයිස්කෝප් ඇවිත් බැලුවත් සබ් එකක් තිබ්බෙ නෑ. මේකෙ සබ් එක නැති එක නම් බයිස්කෝප් එකේ තිබ්බ ලොකු අඩුවක් වගේ මට දැනුනෙ. ඉතින් එතකොට තමා හිතුනෙ කව්රුත් කරනකම් ඉන්නෙ ඇයි මමම මේකට සබ් එක කරන්න ඕනෙ කියල. එහෙම හිතල සබ් එක කරන්න ගත්තත් වැඩේ හිතන තරම් ලේසි නෑ කියල කරන් යද්දි තමා තේරුනේ. මෙච්චර කල් සිංහල සබ් එකත් එක්ක රහ කර කර ලේසියෙන් ෆිල්ම් බැලුවත් සබ් කරන එක නම් ෆිල්ම් බලන තරම් ලේසි නෑ කියල තේරුනා. ඒත් කොහොම හරි වැඩේ  කරල ඉවර කරා. හරි ඒව දැන් ඇති ෆිල්ම් ඒක පැත්තට හැරෙමු.

මේක නිකුත් වෙන්නෙ 2009 අවුරුද්දෙ. Comedy, Romance ගණයට අයත් මේ ෆිල්ම් ඒක හදන්නෙ Larry Doyle නම් කතුවරයගේ නව කතාවක් ඇසුරෙන්. ෆිල්ම් එක අධ්‍යක්‍ෂණය කරන්නෙ අපි කව්රුත් හොඳට දන්න කියන අධ්‍යක්‍ෂ වරයෙක්. ඒ තමා Chris Joseph Columbus එහෙමත් නැත්තම්  Chris Columbus. අපි ආසාවෙන් බලපු Harry Potter චිත්‍රපට මාලාවෙ චිත්‍රපට කිහිපයක් අධ්‍යක්‍ෂණය කරෙත් එයා තමා. ඉතින් හිතාගන්නකෝ දැන් මේ ෆිල්ම් එක කොහොම ඇතිද කියල. මේකෙ ප්‍රධාන චරිත දෙකට රඟපෑමෙන් දායක වෙන්නෙ Hayden Lesley Panettiere සහ Paul Robert Rust යන නිළි නළු දේපල. මේකට IMDB අගය 5.3/10ක් ලැබිල තියනව. රේටින් ගැන බලල ෆිල්ම් එක බලන්නෙ නැතුව ඉන්න එපා. එහෙම උනොත් හොඳ ෆිල්ම් එකක් මිස් වෙන්නෙ.

කතාව ගැන පොඩ්ඩක් කිව්වොත්, Denis කියන්නෙ පාසලේ ඉන්න කව්රුත් වැඩිය ගනන් ගන්නෙ නැති කෙනෙක්. එයාගෙ යාළුවා Rich Munsch කියන්නෙත් ඒ වගේම කෙනෙක්. ඉතින් මේ පාසලේ ඉන්න පට්ටම සුපිරිම කෙල්ලට (Beth Cooper) Denis ලව් කරනව පොඩි කාලෙ ඉඳන්ම. Denis පාසලේ උපාධි උත්සවේදි හැමෝම ඉදිරියේ එයාගෙ ආදරේ ගැන Beth Cooper ට කියනව. ඊට පස්සෙ මොකද වෙන්නෙ කියල ෆිල්ම් එක බලලම දැන ගන්නකෝ. මේ ෆිල්ම් එක කිසිම කම්මැලි කමක් නැතුව හොඳට හිනා වෙවී බලන්න පුළුවන් එකක්. ඒ වගේම තනියම බලනව නම් ගොඩක් හොඳයි. ඉතින් ආයෙත් මේ වගේ ෆිල්ම් එකක් අරගෙන එනකම් දැනට සමුගන්නව. Comment එකක් දාන්නත් අමතක කරන්න එපා.

ස්තුතියි,

පොතේ ගුරා සහෝදරයා පෙර පළකරනා ලද ලිපිය

ඕන් හා හා පුරා කියලා අලුත් සතියේ මම කට්ටියටම දෙන්නේ හාස්‍යමය බයිස්කෝප් එකක්.

ලොව පුරා ගොඩාක් ජනප්‍රිය Heroes රූපවාහිනී කතා මාලාවේ Claire Bennet චරිතයට පණ පොවන ඉතාමත් සුරූපී/සරාගී නිළියක් වන Hayden Panettiere වටා තමයි මේ කතාව ගොඩ නැඟෙන්නේ.

කතාව කෙටියෙන් මෙහෙමයි. Dennis කියන්නේ පාසැලේ වැඩකටයුතු වලට බොහෝම දක්ෂ, එහෙත් ටිකක් පසුබට හැසිරීම් රටාවක් තියෙන කොල්ලෙක්. කට්ටියගේම පාසැල් ජීවිතයේ අන්තිම දිනයේදී, සරුවාංගෙ තියෙන ඔක්කොම ධෛරිය එකතු කරලා, තම හිතේ Beth වෙනුවෙන් තියෙන ආදරය හැමෝම ඉදිරියේ ප්‍රකාශ කරනවා. මේ Beth කියන්නේ පාසැලේ ඉන්න නිකම්ම නිකං කෙල්ලක් නම් කමක් නැහැ කියමුකෝ. පාසැලේ පට්ටම කෙල්ල තමා මෙයා, මරුමුස් කොල්ලෙකුත් ඉන්නවා. එතනින් එහාට වෙන දේවල් ගැන ඉතින් අටුවා ටීකා ඕනෙ නැහැනේ. 😉

කතාවනම් එල. මහාලොකු බරපතලකමක් නම් නැහැ. ඒත් හොඳට හිනා වෙලා ඇඟේ ලේ ටිකක් පිරිසිදු කරගන්න නම් කියාපු කතාව. Dennis, Beth සමඟ අපුරූ පැය 24ක් ගත කරනවා. ඊට පස්සේ දෙන්නගෙම ජීවිත වෙනස් වෙනවා. ජීවිතේට එකතු කරගන්න දෙයක් නැතුවාම නෙවෙයි.

 

 

 

Due to copyright issues, we do not provide any torrent link.

මෙම ලබා දී ඇති උපසිරැසි BR පිටපත් සඳහා අදාළ වේ.

9,850 downloadsDownload I-Love-You-Beth-Cooper-2009-2.zip50 KB

මේ ලබා දී ඇති සිංහල උපසිරැසි පිළිබද “ සුජිත් ප්‍රියංකර ” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

 

Subtitle Contributor Rank

NEW MEMBER
JOINING DATE – 2020-05-15
SUB-MAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.