Irupathiyonnaam Noottaandu (2019) Sinhala Subtitles | ආදරය ද? ආගම ද? [සිංහල උපසිරැසි]

සුභ දවසක් බයිස්කෝප් සිංහලෙන් සමග රැදී සිටින ඔයාලට!!. ඔන්න මං කාලෙකට පස්සෙ සිංහල උපසිරැසියක් අරගෙන ආවා. හරියටම අවුරුද්දකට පස්සෙ තමා සබ් එකක් ඔයාලට අරං එන්නේ. මගේ පස් වෙනි උපසිරැසිකරණය. ඒ වගේම මගේ පලවෙනි මලයාලම් සිනමා උපසිරැසිකරණය. ඇත්තටම කිව්වොත් මේ සබ් එක කරන්න භාර අරං අවුරුද්දකට වැඩී. ඒත් කැම්පස් එකේ එක්සෑම් එක්කයි ඒකෙ වැඩ එක්කයි මට මේක කරලා ඉවර කරන්න ලොකු කාලයක් ගියා. අපි එහෙනම් සබ් එක ගැන ඉදිරියට කතා කරමු.

අද මං අරගෙන ආවෙ 2019 අවුරුද්දේ තිරගත වෙච්ච Irupathiyonnaam Noottaandu කියන මලයාලම් චිත්‍රපටය. මේ ෆිල්ම් එක Action,Romance හා Adventure කාණ්ඩයට අයත් ෆිල්ම් එකක්. මේකෙ ප්‍රධාන චරිතය රගපන්නෙ Mohanlal ගේ පුතෙක් වන Pranav Mohanlal වන අතර අනෙක් නලු නිලියන් වන්නේ Zaya David, Manoj K. Jayan හා G. Suresh Kumar යන අයයි. අධ්‍යක්ෂණය කරන්නෙ Arun Gopy විසින්.

මේක සාමාන්‍යෙන් අපි බලාපොරොත්තු වන මලයාලම් ෆිල්ම් වල ස්වභාවය මේ ෆිල්ම් එකෙන් ටිකක් ගිලිහිලා දෝ කියාලා ඔයාලට හිතෙන්න පුලුවන්. ෆිල්ම් එක බලලාම ඔයාල ඒක තීරණය කරන්න. එකෙන් මූලිකව කතා කරන්නෙ ආගම්වාදය නිසා ආදරයට වන බලපෑම ගැනයි. ඒ වගේම ආගම කියන එක බාධවක් නොකරගෙන ආදරය ඉදිරියට පවත්වා ගත යුතුයි කියලා මේ ෆිල්ම් එකෙන් පණිවිඩයක් දෙනවා.

මං කතාව කෙටියෙන් කියන්නම් වෙනදා වගේ, ගොආ වල හෝටල් අයිතිකරුවෙක් හා හොද සර්ෆින් ක්‍රීඩකයෙක් වන අප්පු (Pranav Mohanlal) කියාලා කෙනෙක් ඉන්නවා. ඒ වගෙම එයාගෙ තාත්තා බාබා(Manoj K. Jayan) වල හිටපු පරණ මැරයෙක්. ඒ වගේම අහම්බෙන් අප්පුට සායා (Zaya David) කියාල ගෑණු ලමෙක් හම්බෙනවා ක්ලබ් එකක දි. ඉතිං අවසානෙදි එයාගෙ හෝටලයට එයා නතර වෙන්න එනවා. මේ දෙදෙනා අතරින් අප්පුට සායා ගැන ආදරයක් ඇති වෙනවා. ඉතිං පස්සෙ මේකට අකමැති වෙලා සායා හෝටලෙන් යනවා. ඊටපස්සෙ බාබා කියනවා සායව එක්කං එන්න කේරලේට යන්න කියල. එහිදි එයා දැනගන්නවා, සායා කන්‍යා සොයුරියක් වෙලා කියාලා.

ඉතිං ඊටපස්සෙ අප්පු මේක දැනගත්තාම මොක ද කරන්නේ. සායත් එක්ක ආදරය කරන එක නවතාවි ද?. අප්පුට සායගෙ ආදරය දිනා ගන්න හැකි වේවි ද?. ඒක දැනගන්න නම් අනිවාර්‍යෙන්ම මේ ෆිල්ම් එක බලන්න.

එහෙනම් ආයි නැවතත් උපසිරැසිකරණයකින් හමුවන තෙක් ඔබ සියළු දෙනාටම, රටේ පවතින දරුණු කොවිඩ් වසංගතයෙන් ආරක්ෂා වී සිටීමට නිදුක් නීරෝගී ලෙස ජීවත් වෙන්න වාසනාව ලැබේවා කියාලා

 

 

Due to copyright issues, we do not provide any torrent link. 

ලබා දී ඇති උපසිරසි Proper Web-DL පිටපත් සඳහා අදාළ වේ.

5,111 downloadsDownload Irupathiyonnaam-Noottaandu-2019.zip89 KB

මේ ලබා දී ඇති සිංහල උපසිරැසි පිළිබද “ රවිදු හේෂාන්” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

 

Subtitle Contributor Rank

BRONZE MEMBER
JOINING DATE – 2020-05-05
SUBMAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.