Jamaica Inn (1939) with sinhala subtitles | ජැමෙයිකා තානායම [සිංහල උපසිරසි සමඟ]

1939 වසරේ තිරගත වූ ඇල්ෆ්රඩ් හිච්කොක් මහතාගේ තවත් සිනමා සලරුවක් මා ඔබ වෙත ගෙන ආවා. ඩැෆ්නි ඩූ මොරියර් නම් බ්‍රිතාන්‍යය ලේකකයාගේ එනමින් වන නවකතාව පාදක කරගෙන මෙම සිනමා පටය නිපදවා ඇත. අන්තර්ජාලය වාර්ථා කරන අන්දමට මෙය හිච්කොක් මහතාගේ අසාර්ථක චිත්‍රපට ලැයිස්තුවේ ඉහලින්ම පවතින්නකි. එමෙන්ම ඔහු එක්සත් ජනපදයට සංක්‍රමණය වීමට පෙර බ්‍රිතාන්‍යයේදී රූගත කරන ලද අවසාන චිත්‍රපටයද මෙම ජැමෙයිකා ඉන් ය. හිච්කොක් මහතා විසින් ඩැෆ්නි ඩූ මොරියර් ගේ නවකතා කිහිපයක්ම සිනමා පට බවට පත් කර ඇත.

18 වන සියවසේ එංගලන්තයේ කෝර්න්වෝල් වෙරළ තීරය පසුබිම් කරගෙන ලියවුන මෙම කතාව මුහුදු කොල්ලකරුවන් පිරිසක් වටා ගෙතී ඇත්තකි. කොර්න්වෝල් මුහුදු තීරය ගල්පර වලින් ගහන භයානක මුහුදු තීරයකි. නාවිකයන් සඳහා තබා ඇති ආලෝක සඥා නිවා නාවිකයන් රවටා, එම නැව් වෙරල කිට්ටුවට ගෙන ගල්පර වල හැපීමට සැලැස්වීම කොල්ලකරුවන්ගේ පහසුම උපායයි. පසුව ගිලෙන නැවේ සියලුම වටිනා වස්තුව ලබාගෙන සියලු නාවිකයන් මරා දමනු ලබයි.

ලොයිඩ් නාවික සමාගම මේ පිලිබඳ සෙවීමට නිළධාරියෙක් කෝන්වොල් වෙත එවන අතර ඔහුද වෙස් වලාගෙන මෙම කල්ලිය හා එකතු වේ. ඔහු සොයාගන්නේ මේ සියල්ල පිටුපස තවත් මහමොළකරුවකු සිටින බවයි. කල්ලිය තුල ඇතිවන ප්‍රශ්නයක් නිසා මොහුව එල්ලා මැරීමට තීරණය කර තනායමේම බාල්කයක ඔහුව එල්ලා දමනු ලැබේ. නමුත් එදිනම එම තානායමට පැමිණෙන එහි හිමිකරුගේ ලේලිය විසින් ඔහුව බේරා හරී.

මංකොල්ල කරුවන් ඔවුන් පසුපස ලුහුබඳින විට ඔවුන් සහය පතා දිව යන්නේ ප්‍රදෙශයේ නීතිය හා සාමය රකින පුද්ගලයාගේ නිවසටයි. නමුත් ඔවුන් දිවගොස් ඇත්තේ වෘකයකුගේ ගුහාවකට බව තේරුම් ගන්නාවිට ඔවුන් බොහෝ ප්‍රමාදය. නමුත් අවසානයේ කෙසේ හෝ තම රාජකාරිය ඉටු කිරීමට ටෙරන්ස් නම් වූ හමුදා නිළධාරියා සමත් වේ.

Yify torrent අඩවියෙන් චිත්‍රපටයේ පිටපත ලබාගන්න.

 

 

 

Due to copyright issues, we do not provide any torrent links.

 

මෙම ලබා දී ඇති උපසිරසි yify පිටපත් සඳහා අදාළ වේ.

156 downloadsDownload Jamaica-Inn-1939.zip56 KB

 

https://d36zzuvfojr38z.cloudfront.net/wp_content/uploads/2015/07/බුද්ධික-නුවන්.jpg මේ ලබා දී ඇති සිංහල උපසිරැසි පිළිබද “බුද්ධික නුවන්” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.