John Wick: Chapter 4 (2023) Sinhala Subtitles | සුබ ගමන් වික් මහත්මයා [සිංහල උපසිරසි] (*550)

කොහොමද කට්ටිය. ඔන්න එහෙමනම් මේ ආවේ හැමෝම මග බලාන උන්නු ජෝන් වික් චිත්‍රපටමාලාවේ 4වැනි සහ අවසන් සිනමාපටය අරගෙනයි. සමාවෙන්න ඕන මේ උපසිරැසිය ගේන්න දවසක් විතර පමා වුනා. ඉතින් ඒකට සමාව ඉල්ලනවා ප්‍රථමයෙන්ම.

අපි මේ චිත්‍රපටය ගැන යම් විමසීමක් කළොත් මාර්තු 24 වෙනිදා ඇමරිකාවෙදි තිරගත වීම් ආරම්භ කළ ජෝන් වික් සිනමාපටය මේ වන විට IMDB අගය 8.1 ක් සහ කුණු තක්කාලි දර්ශකයේ 94%ක අගයක් අරගන්න සමත් වෙලා තියෙන්නෙ ඉහළ ප්‍රේක්‍ෂක ප්‍රතිචාරයක්ද සමගින්. එසේම මේ වන විට ඩොලර් මිලියන 400කට වැඩි ආදායමක් උපයාගෙන තිබෙන්නේ ජෝන් වික් චිත්‍රපට මාලාවේ චිත්‍රපටයක් ලබා ගත් ඉහළම ආදායම් වාර්තාවට හිමිකම් කියමින්. Keanu Reeves, Donnie Yen, Bill Skarsgård, Laurence Fishburne, Hiroyuki Sanada, Lance Reddick, Scott Adkins, Ian McShane යන විශිෂ්ඨ නළුනිලියන් රැසක් මෙහි ප්‍රධාන චරිත නිරූපනය කරනවා.

මෙවර සිනමාපටයේ කතාව වෙන්නෙ ජෝන් වික් පෙර සිනමාපටයේ වින්ස්ටන් විසින් ඔහුට වෙඩි තබා වහලකින් බිමට දැම්මාට පස්සේ දිවි ගලවාගැනීමෙන් අනතුරුව හයි ටේබල් එක විනාශ කිරීමේ මෙහෙයුමකට එළඹීමයි. තමන්ගෙ නිදහස සහ මුදුව ලබාගැනීමේ අපේක්ෂාවෙන් ජෝන් වික් විසින් ජ්‍යෙෂ්ඨයාව ඝාතනය කරන අතරම එයට ප්‍රතිචාරයක් විදිහට හයි ටේබල් එක නිව්යෝක් කොන්ටිනෙන්ටල් හෝටලය විනාශ කරන්න පෙළඹෙනවා. මේ නිසාම ජෝන් වික් තමන්ගෙ පරණ මිත්‍රයින් සහ පවුලේ අය වෙත යන්නත් පෙළඹෙනවා වගේම, මෙවර ජෝන් වික්ගේ ප්‍රබලම ප්‍රතිවාදියා බවට පත්වෙන්නේ ග්‍රමොන්ට් වංශාධිපතිවරයා. එහෙමනම් ජෝන් වික් සහ හයි ටේබල් එක අතර ඇති විරසකයට, මහා යුද්ධයට මෙවර අවසානයක් ලැබේවිද කියලා බලන එක ඔබටම බාරයි.

ඒ වගේම මේ සිනමාපටය මගේ උපසිරසි ජීවිතේදීත් විශේෂ කඩයිමක් සනිටුහන් කරන සිනමාපටයක් කිව්වොත් නිවැරදියි. ඒ මොකද මේක මගේ උපසිරසි දිවියේ 550වැනි උපශිර්ශය නිසා. එහෙමනම් ප්‍රථමයෙන් ඔබ හමුවේ මා උපසිරසි දිවියේ ආ ගමන් මග මෙලෙස දිග හරින්නම්.

• පළමු උපසිරැසිය 2015.04.19
• 50වන උපසිරැසිය 2015.10.23
• 100වැනි උපසිරැසිය 2016.03.10
• 150වැනි උපසිරැසිය 2016.09.13
• 200වැනි උපසිරැසිය 2017.02.23
• 250වැනි උපසිරැසිය 2017.09.11
• 300වැනි උපසිරැසිය 2018.04.23
• 350වැනි උපසිරැසිය 2018.11.11
• 400වැනි උපසිරැසිය 2019.07.10
• 450වැනි උපසිරැසිය 2019.11.12
• 500වැනි උපසිරැසිය 2020.11.19

යන දිනයන්වල සනිටුහන් වෙලා තියෙනවා. ඉතින් හැමදාම වගේ කියන්න තියෙන්නෙ මේ තරම් දීර්ඝ ගමනක් එන්න හේතු වුන ප්‍රධානම කොට්ටාෂය වෙන්නෙ අපෙන් උපසිරසි බාගත කරගෙන යන බයිස්කෝප් රසික රසිකාවියන් වෙන ඔබ. ඒ වගේම ඒ අය අතරිනුත් කමෙන්ට් එකක් දාලා අපිව දිරිමත් කරලා යන්න තරම් නිහතමානි වෙන අතලොස්සක් තරම් වූ පිරිස. ඉතින් ඒ සියල්ලන්ටම විශේෂයෙන්ම තුති පුද කරන්න ඕන. ඒ වගේම තමා අපේ බයිස්කෝප් ඇඩ්මින් මණ්ඩලය ඇතුළු සහෝදර උපසිරසිකරුවන් සියළු දෙනාවත් මේ අවස්ථාවේ ඉතාම ආදරෙන් සිහිපත් කරන්නම ඕන. මොකද ඒ අයගෙනුත් මේ ගමන විශාල සහයෝගයක් ලැබුනා වගේම ඉතාම හොද මිතුරු මිතුරියන් පිරිසක් හදුනා ගන්නට ලැබී තිබෙනවා. එහෙමනම් වැඩි දේවල් කියවන්න යන්නෙ නැතුව මා සමුගන්නවා ඔබට වික් මහත්මයාගේ අවසන් වික්‍රමය බලන්නට ආරාධනා කරමින්. යලිත් උපසිරසියකින් හමු වෙන තෙක් ඔබට ජයෙන් ජය!.

උපසිරසි යාවත්කාලින කිරීම වෙනුවෙන් සනුක අක්නාත් ට අපගේ ස්තුතිය

 

 

     

Due to copyright issues, we no longer provide any torrent links.

ලබා දී ඇති උපසිරසි WEB/Bluray පිටපත් සඳහා අදාළ වේ.

28,978 downloadsDownload John.Wcik_.Chapter.4.2023-Bluray-Update.zip67 KB

මේ ලබා දී ඇති සිංහල උපසිරැසි පිළිබද “මධුකප්‍රිය පෙරේරා” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

 

Subtitle Contributor Rank

PLATINUM MEMBER
JOINING DATE – 2015-04-19
SUBMAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.