Kodathi Samaksham Balan Vakeel (2019) Sinhala Subtitle | ගොත ගහන නීතිඥවරයා.. [සිංහල උපසිරැසි සමඟ]

මම ආයෙමත් මලයාලයම් චිත්‍රපටියකට උපසිරසියක් අරගෙන තමයි මේ ආවේ. පරණ චිත්‍රපටිවලට තමයි වැඩිපුර සබ් කරේ. මේ පාර මං හිතුවා අලුත් චිත්‍රපටියකට සබ් දෙන්න. මේක මේ වසරෙ ආපු සිනමා පටයක්. වෙනදා වගේම ඉස්සර වෙලාම මගේ කලින් sub වලට comment කරපු සියලු දෙනාටම ස්තුතිවන්ත වෙනවා. මොකද ඒ අය හින්දමයි අපිට තවත් චිත්‍රපටිවලට sub 1ක් දෙන්න හිතෙන්නෙ. ඒ වගේම මේ sub 1 කරන්න අවසර දුන්නු තිසර සොයුරාටත් ස්තුතිවන්ත වෙනවා. මම මගේ නවවෙනි උපසිරසිය විදියට ඔයාලට අරගෙන ආවේ Kodathi Samaksham Balan Vakeel (2019) කියන චිත්‍රපටියයි. 21 February 2019 වෙනිද තමයි මේක නිකුත් වෙලා තියෙන්නෙ.

2h 35min ක ධාවන කාලයක් සහිත මේ සිනමා පටය IMDB අගය අතින් 6.2ක් ලබා ගෙන තියෙනවා. මේ සිනමා පටය action, Comedy, Crime, Mystery ඛාණ්ඩයන්ට වර්ග කරලා තියෙනව. මේ චිත්‍රපටයේ අධ්‍යක්ෂණය සහ කතාව B. Unnikrishnan ගෙන් සිදු වී ඇත. මෙහි රංගනයෙන් දායක වෙන්නෙ Dileep, Mamta Mohandas, Siddique, Suraaj Venjarammoodu, Priya Anand, Ganesh Kumar යන අයයි.

නීතිඥ බාලන්

ගොත ගහන නීතිඥයෙක් වන බාලක්‍රිෂ්ණන් එයාගෙ ගොතය නිසා වෘත්තියෙනුත් ඉදිරියට යන්නට හැකියාවක් නෑ. මෙයා ලැබෙන පොඩි පොඩි නඩු කතා කරලා තමයි ජීවත් වෙන්නෙ. කොටින්ම කියනවනම් ජීවත් වෙන්න සල්ලි ඉල්ලගන්නෙත් අම්මගෙන්. මෙහෙම ඉද්දී තාත්තා නඩුවකට පැටලිච්ච නිසා ඒකෙන් එයාව බේරගන්න මෙයාට සල්ලි ඕනෙ කරනවා. මේ නිසා මෙයා යම් නීති විරෝධී වැඩක් කරනවා. පැමිණිල්ලක් ගොණු නොකරපු නඩුවකට මෙයා නොතීසි යවනවා. මේකෙන් මෙයා ලොකු අමාරුවක වැටෙනවා.

අනුරාධා සුදර්ශන්

තාත්තා සමඟ ජීවත් වන කෙල්ලක් වන අනුරාධා පියාගේ මරණයෙන් දින 2කට පසු ඇය නොකරපු යම් චෝදනාවක් ඇයට එල්ල වෙනවා.මේ චෝදනාවත් සමඟ ඇයට බොහෝ කරදරවලට මුහුණ දෙන්නට සිදු වෙනවා.

සිද්දීන් 2ක් උනත් මේ දෙන්නා මුහුණ දීලා තියෙන්නෙ එකම අභිරහසකටයි. ඒ අභිරහස මොකක්ද කියලා වගේම මේක මේ දෙන්නා විසඳගන්නෙ කොහොමද කියලා ඔයාලා මේ චිත්‍රපටිය අරගෙන බලලම තේරුම් ගන්න. ආයෙත් චිත්‍රපටියකින් හමු වෙනකන් ඔය ගොල්ලො හැමෝටම බුදු සරණයි.

 

 

Due to copyright issues, we do not provide any torrent links.

මෙම ලබා දී ඇති උපසිරසි HD පිටපත් සඳහා අදාළ වේ.

6,455 downloadsDownload Kodathi-Samaksham-Balan-Vakeel-2019.zip82 KB

මේ ලබා දී ඇති සිංහල උපසිරැසි පිළිබද “පුබුදු ප්‍රසන්න” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

 

Subtitle Contributor Rank

BRONZE MEMBER
JOINING DATE – 2018-09-17
SUBMAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.