Lakshmi (2014) Sinhala Subtitles | ආත්මය බිඳ දැමිය නොහැකි දැරියකගේ සැබෑ කථාව [සිංහල උපසිරැසි සමඟ] (18+)

මිනිස් ජාවාරම් හා ළමා ගණිකා වෙළදාමේ දරුණු යථාර්තය නිරාවරණය කිරීමට Nagesh Kukunoor විසින් ගෙන ආ මෙම සිනමා පටය ඉන්දියවේ අන්ද්‍රා ප්‍රදේශයේ මුලින් විභාග වු නඩුවකට අදාල සත්‍ය සිදුවීමක් පාදක කරගෙන නිර්මාණය වී ඇත. Imdb අගය 8.1/10 ලබා බටහිර සිනමා සම්මාන උළෙලවල් ගණනාවකින් ඇගයීමට ලක්වී, ඉන්දියානු චිත්‍රපට සංස්ථාව මගින් වාරණයකටද ලක් වී තිබු මෙම සිනමා නිර්මාණය වැඩිහිටියන්ට වඩා සුදුසුය යන ලේබලයෙන් යටතේ ඔබට නැරඹීමට ඇරයුම් කරමි.

ලක්ෂ්මී නම් අවුරුදු 14 ක දැරියක් වටා ගෙති ඇති මෙම කථාව ඇය ගමෙන් නගරයට රැගෙන එන දර්ශණයකින් ආරම්භ වේ. ගණිකා ජාවාරම්කරයන් සතුව ඇති බලය හා ඔවුන් ගැහැණු සමාජය දෙස බලන ආකාරයත්, ගණිකා වෙළදාම ඔවුන් ඉතා සැහැල්ලුවෙන් කරන ආකාරයත්, ජරාවට නීතිය නැමෙන ආකරයද මනාව පෙන්වා දී ඇත.

විටෙක ගණිකා නිවාසයේ දී වෙන සමහර අසුන්දර දේවල් සුන්දර ආකාරයට අධ්‍යක්ෂකවරයාගේ ඇසෙන් අපට පෙන්වා දී ඇත.‍ මෙම මඩමට එන උමා නම් එක් කරුණාවන්ත කාන්තාවක් එහි සේවයේ නිරතවන යුවතියන්ට චොකලට් සනිපාරක්ෂක දේවල්වලට අමතරව කොන්ඩම්ද ලබා දෙයි. “කොන්ඩම් අනිවාර්යයි” ඇය එසේ පවසයි.

ඒවගේම ඇයගේ නේවාසික මිතුරිය විසින් ගණිකා වෘත්තියේ පහත් භාවය විඳවීමකින් තොරව විදිමට ලක්ෂ්මීට කියා දෙන අකාරයත්. ඇය මෙම ජීවිතයෙන් පැනයාමට කිහිපවරක් උත්සහ කරන ආකාරයෙන්ද මෙම වහල්භාවය ඇය හැමවිටම ප්‍රතික්ශේප කර ඇති බවද පෙනේ, මෙම මඩමතුල සිටින යුවතියන් කරන සෑම වැරද්දකටම දඩුවම් ලබන්නේ එහි පාලිකාව වශයෙන් සිටිනා ‘ජෝතී’ නම් කාන්තාවටයි, ඇය මවක් වන අතර තම දියණියගේ උසස් අධ්‍යාපනය අවසන් වනතුරු මෙම රැකියාවේ නිරතවේ. මෙහිදි මොහාන් නම් රාජ්‍ය නොවන සංවිධානයක පුද්ගලයකු මාර්ගයෙන් මෙම ජාවාරම නිතිය ඉදිරියට ගෙන එන අතර අවසානයේ තම දියණියගේ අනාගතය වෙනුවෙන් ගුහාගතව ගණිකා වෘත්තියේ යෙදුනු මවක් එය තම දුවට එලිවිමෙන් හා තමන් මුහුන දුන් වේදනාව අවසානයේ පිටකරන අයුරු දැක්වෙන ඉතා සංවේදී දර්ශණයක්ද ඇත.

පුංචි දැරිවියකටත් ලොකු ලිංගික වටිනාකමක් දෙන, ගැහැණියක් විසින් ගැහැණියක් මුදලට විකුණන, දුප්පත් නිවටකමට තම දියණිය විකුණන බියජනක කුරිරු සමාජයක් තුල අප්‍රතිහරිත ධෛර්ය්‍යයෙන් හා අධිෂ්ඨානයෙන් පිරි ලක්ෂ්මී නම් ඇය බියගුල්ලන් පිරි රටක වීරවරියකු වූවාය.

ඉන්දීය වානිජ හා ජනප්‍රිය ධාරාවෙන් අයත් නොවන මෙවැනි විකල්ප ධාරාවේ විශිෂ්ඨ ආකාරයේ නිර්මාණ සම්මාන උළෙලවල්වල ඇගයිමට ලක්වුවද, සාමාන්‍ය පොදු මහජනයා අතර කථා බහට ලක් නොවන අතර බයිස්කෝප් අඩවියතුල මෙවැනි ආකාරයේ නිර්මාණ රසවිඳින සුළු පිරිසක් ඇති අතර මාද කෙනෙනි, ලෝකයේ බිහිවු හොදම චිත්‍රපට අප නැරඹුවේ මෙම අඩවියට පිංසිදුවන්නට බැවින් රටවල් 195 ක් ඇති මෙම විශ්වය තුල බිහිවන හොද නිර්මාණයන්ට උපසිරැසි ලබා දීමට ඔබටත් ආරාධනා කරමින් නවතිමි. බයිස්කෝ අඩවියට ජය.

 

 

 

Due to copyright issues, we do not provide any torrent links.

මෙම ලබා දී ඇති උපසිරසි WEBRip පිටපත් සඳහා අදාළ වේ.

6,540 downloadsDownload Lakshmi-2014.zip45 KB

https://d36zzuvfojr38z.cloudfront.net/wp_content/uploads/2018/06/chandana-madihage-new.jpg මේ ලබා දී ඇති සිංහල උපසිරැසි පිළිබද “Chanmatara” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

Subtitle Contributor Rank

NEW MEMBER
JOINING DATE – 2018-03-31
SUBMAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.