Life of a King (2013) with Sinhala Subtitles | අපූරු චෙස් ගුරුවරයා [සිංහල උපසිරසි සමඟ]

කොහොමද යාලුවනේ..! මේ තමයි මගේ මුල්ම උපසිරැසිය. ගොඩක් කාලෙක ඉඳලා තිබ්බ හීනයක් තමයි මේ හැබෑ වුනේ. බයිස්කෝප් අඩවියෙන් සේවාව ලබාගන්න පටන්ගෙන දැන් අවුරුදු දෙකා මාරක් විතර වෙනවා. එදා ඉඳන් තිබ්බ හීනයක් තමයි කවදා හරි මගේම කියලා උපසිරැසියක් කරලා සයිට් එකට දානවා කියන එක. කොහෙද ඉතින් A/L එක්ක ඕවට වෙලාව. දැන් ඉති විභාගෙත් ඉවර එකේ, ගෙදර free එකේ ඉන්න නිසා සබ් එකක් කරන්න හිතුනා. කොහොම කොහොම හරි මහන්සි වෙලා සබ් එක කරා. ස්තූතිවන්ත වෙනවා බයිස්කෝප් අඩවියට මට මේ අවස්තාව ලබා දීම ගැන.

හරි දැන් කතාවට බහිමු. මුලින්ම කියන්න ඕනේ මේක අපිට නිතර බලන්න හම්බවෙන ෆිල්ම් වගේ  Action film එකක් නෙමෙයි. නමුත් ඉතාම රසවත් ටිකක් සංවේදී ෆිල්ම් එකක්. විෂේශයෙන් කියන්න ඕනේ මේ ෆිල්ම් එකට පාදක වෙලා තියෙන්නේ සත්‍ය කතාවක් කියන එක. ෆිල්ම් එක තිරගත වුනේ 2013 දී. මේකේ ප්‍රධාන චරිතය වන ඉයුජීන් බ්‍රවුන්ට පණ පොවන්නේ  Cuba Gooding. ඉයුජීන් බ්‍රවුන් කියන්නේ තරුණ කාලේ සෙල්ලක්කාර විදිහට ගත කරපු මැර වැඩ කරපු, කල්ලි ගැහිලා හිටපු මැර නායකයෙක්. එයා එයාගේ ළමයි ගැන කිසි දෙයක් හොයලා බලන්නේ නැහැ. මිනිහා සෙට් එකක් එක්ක බැංකුවක් මංකොල්ල කන්න ගිහින් පොලීසියට කොටු වෙනවා. අවුරුදු 17 කට හිරේ විලංගුවේ වැටෙනවා. හිරේදී එයා අනෙක් කූඩුවේ ඉන්න එයාගේ යාලුවත් එක්ක චෙස් අදින්න පුරුදු වෙනවා. මුලු අවුරුදු 17 පුරාවට යාලුවත් එක්ක චෙස් අදිනවා. එයා කරපු වැරදි ගැන වටහා ගන්නවා. අවුරුදු 17 පස්සේ හොඳ මිනිහෙක් විදිහට එළියට එනවා. එලියට ආපු ඉයුජීන්ව එයාගේ ළමයි ප්‍රතික්ශේප කරනවා. අපරාධකාරයෙක් වෙලා හිටපු නිසා එයා රස්සාවක් හොයා ගන්න හෙන කට්ටක් කනවා. කොහොමහරි ඉස්කෝලෙක අතුගාන රස්සාවක් හොයා ගන්නවා. ඒ ඉස්කොලේ ඉන්නේ ටිකක් තද පොරවල් ටිකක්. උන් පන්තිකාමර වල මත්ද්‍රව්‍ය ජාවාරම් කරනවා. දවසක් උන් කට්ටිය පන්තිභාර ගුරුතුමියව බය කරලා පන්න ගන්නවා. ඊට පස්සේ ඉයුජීන්ට ඒ පන්තිය බලාගන්න වෙනවා. එයා ඒ ළමයින්ව මෙල්ල කරගන්න හැටිත් ඒ අයට චෙස් අදින්න පුරුදු කරන හැටිත්. ඔහුට විඳින්න වෙන අප්‍රමාණ දුක් ගැහැටත්. ඒ දුප්පත් ළමයින්ගේ ජීවිත මොහු ගොඩ දාන හැටිත්  සමහර ළමයි විඳින දුක්ඛිත ජීවිත ගැනත් ඇමරිකාවේ සුප්‍රසිද්ධ Big Chair චෙස් club එක ආරම්භ කරන හැටිත් අපූරුවට නිරූපනය කරලා තියෙන රසවත් ඒ වගේම සංවේදී චිත්‍රපටයක් කියලා මෙය හඳුන්වන්න පුලුවන්.

හරි එහෙනම් චිත්‍රපටය නරඹන්න කියලා හැමෝටම ආරාධනා කරනවා. ඔයාලගේ දිරි ගැන්වීම්, මෙවන් නිර්මාණ තවතවත් කිරීමට රුකුලක් වේවි. එහෙනම් නැවත හමුවෙන තුරු සමුගන්නම්. කට්ටියටම ජය වේවා..!

 

 

 

Due to copyright issues, we do not provide any torrent links.

 

Life.of.a.King.2013.720p.BluRay.x264.YIFY

මෙම ලබා දී ඇති උපසිරැසි ඉහත පිටපත සඳහා අදාළ වේ.

1,261 downloadsDownload Life.of_.a.King_.2013.Baiscopelk.com_.rar36 KB

 

https://d36zzuvfojr38z.cloudfront.net/wp_content/uploads/2016/09/RaveenPerera1-e1474176681911.png මේ ලබා දී ඇති සිංහල උපසිරැසි පිළිබද “රවීන් පෙරේරා” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.