Majo no takkyûbin (1989) AKA Kiki’s Delivery Service Sinhala Subtitles | පුංචි මායාකාරිය! [සිංහල උපසිරැසි සමඟ]

මායාකාරියෙක් වයස අවුරුදු 13 වුන ගමන් තනියෙම අවුරුද්දක් ගෙදරින් පිට ජීවත් වෙන්න යන එක එයාලගෙ අතීතයෙ ඉඳන් එන සිරිතක්. කොස්සක නැගලා එයාලගෙ හුරතලා කළු පූසත් එක්ක යන ගමනට හැම මායාකාරියක්ම ඇඟිලි ගනිනවා. මොකද එයාලගෙ ජීවිතේ ස්වාධීනව ගෙවන්න තියෙන කැමැත්ත, නිදහස එයාලා උපරිමෙන්ම අගය කරන නිසා. කිකී කියන්නෙත් ඒ මොහොත වෙනුවෙන් බලාගෙන ඉන්න පුංචි මායාකාරියක්. මේ ගෙදරින් යන මොහොතට නෑදෑයන්, යාළුවෝ, පවුලෙ උදවියත් සහභාගී වෙනවා. ඒක ඒ තරම් සුභ කටයුත්තක්. මෙහෙම පිට වෙන මායා කාරියො තමන් හොයාගන්න නගරයක අවුරුද්දක් ජීවත් වෙන්න ඕනෙ. ඒ අතර එයාලට කැමති විදයට ජීවත් වෙන්න පුළුවන්. හිතන්න ඒ වගේ නිදහසක් ලැබුනොත් කොච්චර ෂෝක්ද කියලා. කිකීගෙ මේ නිදහස් ජීවිතය මොන වගේද කියලා බලන්න පුළුවන් Kiki’s Delivery Service චිත්‍රපටය නැරඹුවට පස්සෙ.

මේ චිත්‍රපටිය අපිව වෙනමම ලෝකයකට අරන් යනවා. හරියට කිව්වොත් අපි හිත ඇතුලෙන් බලාපොරොත්තු වෙන නිදහස උපරිමයෙන් මේකෙන් රසවිඳින්න පුළුවන්. මේක නැරඹුවොත් අනිවාරෙන් හැමෝම හිතයි මටත් මෙහෙම ඉන්න අවස්ථාවක් ලැබුනොත් කොච්චර හොඳද කියලා. ඒ හැඟීම විඳින්න නම් අනිවාරෙන්ම මේක බලන්නම ඕනේ. මේ චිත්‍රපටියේ නිර්මාණ ශිල්පියාගෙ අරමුණත් ඒ ලෝකය⁣ට ප්‍රේක්ෂකයාව අරන් යන එක. 1989 කියන්නෙ ගොඩක් ඈත වුනාට ජපන් ඇනිමේෂන් වල ගුණාත්මකභාවය ඒ විදියටම තියෙන චිත්‍රපටියක්. ට්‍රෙලර් එක බැලුවොත් මොන වගේද කියලා හිතාගන්න පුළුවන්.

නිමවුම පැත්තෙන් ගත්තොත් ස්ටූඩියෝ ජිබලි ගැන ඔයාලා අහලා ඇති. ජපන් ඇනිමේෂන් වල පුරෝගාමියා වගේම ගුණාත්මකම ඇනිමේටර්වරයා තමයි ජිබලි කියන්නෙ. ඒකෙන් බිහිවුන නිර්මාණ වෙන Spirited Away වැනි IMdb Top 250 අතර තියෙන චිත්‍රපටියක් බලපු කෙනෙක්ට ජිබලි නිර්මාණ මොන වගේද කියන්න ඕනෙ නෑ. Studio Ghibli සහා Walt Disney අතර අවුරුදු 15ක බෙදාහැරීමේ සහයෝගිතාවය අනුව නිර්මාණය වුනු පළවෙනි චිත්‍රපටිය තමයි Kiki’s Delivery Service කියන්නෙ. 1998 වන විට කැනඩාව හා ඇමෙරිකාව යන රටවල් වල ආදායම් තබමින් සිනමාහල් වල දාවනය වුන මේ චිත්‍රපටිය Top 250 අතර නොතිබුනත් IMdb 7.9කුත් Rotten Tomatoes වල 97%කුත් ලබාගන්න සමත් වෙලා තියෙනවා. ඉතින් මේ වගේ විශිෂ්ඨ කලා නිර්මාණයක් මගහැරගන්න එපා කියලා කියන ගමන් රසවිඳින්න ආරාධනා කරනවා.

 

 

Due to copyright issues, we do not provide any torrent links.

ලබා දී ඇති උපසිරසියට BR පිටපත සදහා අදාළ වේ.

3,346 downloadsDownload Kikis-Delivery-Service-1989.zip36 KB

https://d36zzuvfojr38z.cloudfront.net/wp_content/uploads/2017/10/නවෝදනී-තිළිණි.jpg මේ ලබා දී ඇති සිංහල උපසිරැසි පිළිබද “නවෝදනී තිළිණි” සොයුරියට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඇයගේ අවසරය මතම සිදුවිය යුතුය.

Subtitle Contributor Rank

BRONZE MEMBER
JOINING DATE – 2017-10-20
SUBMAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.