Mandy (2018) Sinhala Subtitles | ආගමික අන්තවාදීන්ගේ ඉරණම විසඳූ පළිගැනීමේ දූතයා…!! [සිංහල උපසිරසි සමඟ] (+18)

Horror කියන නම ඇහුවමත් සමහර අයට නම් එපාවෙනවත් ඇති, බොහොමයක් Horror චිත්‍රපට වල කතාවට මූලික කරගන්න රාත්‍රී කාලයේ පාළු ගෙදරක ඉඳන් බැලුවත් කිසිම බයක් දැනෙන්නෙ නැති විදිහෙ හොල්මන්, එක එක ආයුධ වලින් දරුණු විදිහට මිනිස්සු මරා දමන දර්ශන ඒ චිත්‍රපට හැම එකකම වගේ නොඅඩුව තිබුණත්, මගේ පුද්ගලික මතය අනුව අවුරුද්දකට නිකුත්වෙන Horror චිත්‍රපට සුළු ප්‍රමාණයක් ඇරෙන්න බොහොමයක් Horror චිත්‍රපට වල කිසිදු හරයක් හෝ නරඹන ප්‍රේක්ෂකයාට සාධාරණයක් ඉටුවන්නෙ නම් නැහැ. ඒ කාරණේ ගැන, මගේ අදහස පිළිබඳව ඔයාලත් මාත් එක්ක එකඟවෙයි කියල හිතනවා. ඉතින් උඩ කියල තියෙන කරුණු කාරණා පදනම් කරගෙන සමහර කට්ටිය Horror චිත්‍රපට නැරඹීමෙන් පවා ඈත්වෙලා තියෙනවා. එහෙනම් සුපුරුදු පරිදි Horror චිත්‍රපට නරඹන අයට වගේම ඒකාකාරී Horror චිත්‍රපට දර්ශන වලින් විඩාවට පත්වෙලා ඉන්න අයටත් මුල් බැසගත් Horror සම්ප්‍රදායෙන් මඳක් ඔබ්බට ගිය වෙනස්ම ආකාරයේ Horror චිත්‍රපටයක් අරගෙන එන්නයි මේ සූදානම…

අද කතාව ගැන නම ලොකු විස්තරයක් කරන්න අදහසක් නෑ. මොකද මේ කතාව වචනෙන් විස්තර කරනවට වඩා නරඹලාම වටහාගන්න ඕනි විදිහෙ කතාවක්. හරි එහෙනම්, රෙඩ් මිලර් සහ මැන්ඩි බ්ලූම් කියන්නෙ 1980 ගණන් වල ඇමෙරිකාවේ පිටිසර බද ප්‍රදේශයක කාටවත් කරදරයක් හිරිහැරයක් නොවී තමන්ගෙ පාඩුවේ ජීවත්වුණු තරුණ ජෝඩුවක්. රෙඩ් මිලර් තමන්ගෙ බිරිඳට ඒ කියන්නෙ මැන්ඩිට ගොඩක් ආදරෙයි. මැන්ඩිත් රෙඩ් මිලර්ට ගොඩක් ආදරෙයි. ඒත් මේ දෙමාල්ලන්ගෙ ආදර කැදැල්ල කැඩිල බිඳිල යන්නෙ කවුරුවත් නොහිතපු මොහොතක. අතරමඟදී පාරෙ ගමන් කරන මැන්ඩිව දකින ක්‍රිස්තියානි අන්තවාදී ආගමික කණ්ඩායමක නායයෙකුට මැන්ඩිව තමන් ගාවට අරගන්න ඕනිවෙනවා. අන්තවාදියෝ කිව්වට මේ යක්කු සම්පූර්ණ මොළේ අවුල්වෙච්චි හාදයෝ ටිකක්.

ඉතින් ලොක්කගේ ආසාව සපුරන්න මේ කණ්ඩායමේ සාමාජිකයො කීපදෙනෙක් ඇවිත් මැන්ඩිවයි, රෙඩ් මිලර්වයි අල්ලගන්නවා. කොහොමින් කොහොම හරි මේ අන්තවාදීන්ගෙ ආසාවන් සංසිදවන්න අහිසක මැන්ඩිට එයාගෙ ජීවිතෙන් වන්දි ගෙවන්න සිද්දවෙනවා. ඉතින් තමන්ගෙ ආදරණීය බිරිඳගේ ජීවිතේ බිල්ලට අරගත්තු ආගමික අන්තවාදීන්ගෙන් පළිගන්න රෙඩ් මිලර් ඒ අන්තවාදීන්ව දඩයම් කරන්න පටන්ගන්නවා. ඉතින් මෙතනින් එහාට නරඹන ඔබට බාරයි… විස්තරේ ටිකක් අපැහැදිලි වගේ වුණත් කිසි සැකයක් හිතන්න එපා කතාව බලද්දි හැම දෙයක්ම බලාගන්න පුළුවන් වෙයි.

Action | Horror | Thriller යන සිනමා වර්ගීකරණයන්ට අයත්ව 2018 සැප්තැම්බර් 16 සිට තිරගත වීම ඇරඹූ මෙම සලරුව අධ්‍යක්ෂණය කර ඇත්තේ Beyond the Black Rainbow (2010) චිත්‍රපටය අධ්‍යක්ෂණය කළ Panos Cosmatos නම් අධ්‍යක්ෂකවරයා විසිනුයි. තිර පිටපත රචනා කර ඇත්තේ Panos Cosmatos සහ Aaron Stewart-Ahn විසිනුයි. චිත්‍රපට ප්‍රේක්ෂකයින් අතර ඉතාමත් ජනප්‍රිය හොලිවුඩ් රංගධරයෙක් වන Nicolas Cage විසින් මෙම සලරුවේ ප්‍රධාන චරිතයට දායක වී ඇති අතර සෙසු චරිත සඳහා Andrea Riseborough, Linus Roache, Bill Duke, Richard Brake, Ned Dennehy, Olwen Fouere, Sam Louwyck සහ Hayley Saywell යන නළු නිළියන් තම රංගන දායකත්වය ලබා දී තිබෙනවා. මිනිත්තු 121ක කාලයක් පුරාවට ගලා යන වෙනස්ම ආකාරයේ කතා පුවතක් රැගත් මෙම සලරුවට IMDb දර්ශකයේ 6.9/10ක අගයකුත් Rotten Tomatoes හි 93% මනාප ප්‍රතිශතයක් වගෙම google පරිශීලකයින්ගේ 85% මනාප ප්‍රතිශතයක් හිමිවී තිබෙනවා.

“No One Knows Where They Come From”

~~DESTINY IS ALL~~
~~සියල්ල දෛවයයි~~

 

 

 

Due to copyright issues, we do not provide any torrent link.

මෙම ලබා දී ඇති උපසිරසි WEB/Bluray පිටපත් සඳහා අදාළ වේ.

6,787 downloadsDownload Mandy-2018-Bluray-update.zip36 KB

මේ ලබා දී ඇති සිංහල උපසිරැසි පිළිබද “ ඉසුරු සම්පත් සිරිසේන ” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

 

Subtitle Contributor Rank

BRONZE MEMBER
JOINING DATE – 2016-07-13
SUBMAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.