The Snow Walker (2003) Sinhala Subtitles | සුබ ගමන්, මා සොයුරානෙනි…….. [සිංහල උපසිරසි සමඟ]

මුලින්ම ස්තූතිවන්ත වෙන්න ඕනෙ මම කලින් කරපු “ Beirut (2018) හුදෙකලා ප්‍රහාරකයා……. ” උපසිරැසියට එක වචනෙකින් හරි මට ස්තූති කරපු හැම දෙනාටම. මොකද ඒ දිරි ගැන්වීම් නිසා තමයි මොන තරම් කාර්යබහුල උනත් මේ වෙනුවෙනුත් කාලය වෙන් කර ගන්න පුලුවන් උනේ.

මම මේ පාර උපසිරැසියක් කරන්න තෝර ගත්තෙ මටත් අහම්බෙකින් වගේ බලන්න ලැබුන පට්ටම ෆිල්ම් එකකටයි. IMDb දර්ශකයේ 7.4 ක් Rotten Tomatoes වර්ගීකරනයේ 86% එක්කම ලෝකෙ වටේ සිනමා සම්මාන උලෙළවල් නියෝජනය කරල සම්මාන 9ක් සහ නිර්දේශවීම් 24 ක් ලබාගත්තු සුපිරිම කැනේඩියානු ෆිල්ම් එකක්. පැය 1යි විනාඩි 43 ක් යනකල් උඩට ගත්තු හුස්ම පහලට දාන්න අමතක කරවන, ඉවර උනාට පස්සෙ හද පතුලට ඊයම් බරුවක් ගිලා බැහැලා වගේ හදවත සංවේදී කරවන ෆිල්ම් එකක් ලගදි බැලුවෙ නැත්තන්, අනිවා මෙන්න ඔයාල හොයපු ෆිල්ම් එක. අවංකවම කිව්වොත් මේ ෆිල්ම් එක ගැන මට මුලින්ම අහන්න ලැබුනෙ මීට අවුරුදු 5කට විතර කලින්. ඒ දවස් වලම බලන්න කියලා ඩවුන්ලෝඩ් කරලා තියා ගත්තත් අවුරුදු 5ක් පුරාවටම හාර්ඩ් එකේ කොනක පුස්කාකා තිබිලා පහුගිය දවසක ෆිල්ම් එකක් බලන්න හිතිලා හොද ෆිල්ම් එකක් හොය හොය ඉන්නකොට අහම්බෙකින් වගේ මේක සෙට් උනා. අන්තිමේදි ෆිල්ම් එක ඉවර වෙන්නත් කලින් සබ් එක කරන්නත් බාරගෙන තමයි වැඩේ නතර උනේ.

චාලී හොලිඩේ කියන්නෙ දෙවෙනි ලෝක යුද්ද කාලෙ සටන් කරපු ප්‍රහාරක යානා නියමුවෙක්. ඒ වගේම සෑහෙන්න අහංකාර, ආත්මාර්ථකාමී, වංචාකාරී පුද්ගලයෙක්. යුද්දෙන් පස්සෙ එයා සංචාරකයින්ව ප්‍රවාහනය කරන ගුවන් යානා නියමුවෙක් විදියට කටයුතු කරන්න පටන්ගන්නවා. ඒ අතරම හොර බඩු ජාවාරමත් ජයටම කරගෙන යනවා. එක දවසක් හදිසියේම මෙයාගෙන් ස්වදේශිකයො පිරිසක් උදව්වක් ඉල්ලනවා. ඒ අසනීපෙන් ඉන්න ස්වදේශික තරුණියක්ව බෙහෙත් ටිකක් ගන්න නගරේ තියෙන ඉස්පිරිතාලෙට අරන් යන්න කියලා. සුපුරුදු පරිදි තමුන්ට වාසියක් නොවෙනවනං හුස්ම ටිකක්වත් නිකං ගන්නෙ නැති චාලි වැඩේට අකමැති වෙනවා. හැබැයි ස්වදේශිකයො ඒ වෙනුවට මෙයාට වොලරස් දළ දෙකක් දෙන්නම් කිව්වාම චාලි එකපයින්ම වැඩේට කැමති වෙනවා. ඒත් අවාසනාවන්ත විදියට එදා චාලිගෙ ගුවන් යානය කඩා වැටෙනවා….. මෙතනින් එහාට මම මේ ෆිල්ම් එකේ කතාව ගැන කිසිම දෙයක් කියන්නෙ නෑ. මොකද මේක බලලා මිසක් කියවලා රසවිදින්න පුලුවන් ෆිල්ම් එකක් නොවෙන නිසා. වෙනස්ම විදියේ ෆිල්ම් එකක් බලන්න හිතන් ඉන්නවා නං මෙන්න ඔයාලා හොයපු ෆිල්ම් එක. තවත් දෙයක් මේ ෆිල්ම් එක හදලා තියෙන්නෙ ” Farley Mowat ” විසින් රචිත ” Walk Well, My Brother ” කියන ප්‍රසිද්ධ පොත පාදක කරගෙනයි.

                ” සමහර මිනිස්සු ඉන්නවා අනිත් අයගේ ජීවිත වලට පුලුවන් තරම් එළිය දීලා
                රහසේම නිවිලා යන…..
                ඒවගේම ජීවිතේ සමහර කතා තියෙනවා
                කියන්න තැනක් නැති,
                කෙනෙක් නැති,
                අහන්නත් කෙනෙක් නැති…. “
                මේකත් එහෙම කතාවක්….

තවමත් මේ ෆිල්ම් එක බලන්න ඕනෙ කියල හිතුනෙ නැත්තන් ෆිල්ම් එකේ ට්‍රේල බලලම තීරණයක් ගන්න. නැත්නම් මගේ ලිපි ලිවීමේ අදක්ශතාව හින්දා ඔයාලට පට්ටම ෆිල්ම් එකක් මිස් වෙයි.

ලගදීම තවත් සුපිරිම ෆිල්ම් එකක උපසිරැසියකින් හමුවෙමු. ඔබට ජය…….!

 

 

 

Due to copyright issues, we do not provide any torrent links.

මෙම ලබා දී ඇති උපසිරසි DVD පිටපත් සඳහා අදාළ වේ.

2,547 downloadsDownload The-Snow-Walker-2003.zip32 KB

මේ ලබා දී ඇති සිංහල උපසිරැසි පිළිබද “හසිත මධුෂාන්” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

 

Subtitle Contributor Rank

BRONZE MEMBER
JOINING DATE – 2017-01-07
SUBMAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.