Manmarziyaan (2018) Sinhala Subtitles | සිත් තුනක් අතරමං කළ අසමජ්ජාති ආදරය [සිංහල උපසිරැසි සමග]

සමාවෙන්ඩ ඕන!
දහස් වාරයක් සමාවෙන්ඩ ඕන!
ගිය අවුරුද්දේ බොලිවුඩයෙන් ආපු හොඳම ආදර කතාව ගේන්න මෙච්චර පරක්කු උනාට.
හොඳම සිනමා අත්දැකීමක උපසිරැසිය
ගේන්න මෙච්චර ප්‍රමාද වුණාට.
සමාවෙන්ඩ!

ඔව්.. මේක ආදර කතාවක්,
හොඳම ආදර කතාවක්,
කිසිම ඇදයක් පලුද්දක් හොයන්න බැරි තරම්
සුපිරි ආදර කතාවක්,
හැබැයි බහුතරයක් හොයන
ඒ “ආතල්” එක දෙන්නෙ නැති කතාවක්.
“මචන්, අර සීන් එක ෂෝයි නේද?”
“මචන්, ඒ සීන් එක නම් හෙන හුරතල් නේද?”
ඔය වගේ දේවල් ඔයාලට කතා වෙන්න බැරි වෙන කතාවක්.
කතාවෙ තිත්තයි.
සුරංගනා බොලඳ දර්ශන නැති,
යතාර්තයට ගොඩක් සමීප හින්දා
කතාව තිත්තයි.
තිත්තයි කිව්වෙ බෙහෙත් නෙල්ලි ගෙඩියක් වගේ
කන්න ගත්තම ටිකක් අමාරුයි.
හැබැයි කාගෙන කාගෙන යද්දි අමෘතය පරාදයි.

කතාවෙ ප්‍රධාන චරිතය “හිත”
එහෙට මෙහෙට වැනෙන හිත.
ඊළඟ මොහොතෙ මොනා කරයිද නොදන්න හිත.
හිත වහල් වෙන හැටි,
අතරමං වෙන හැටි,
අසරණ වෙන හැටි
මොන තරම් අගේට පෙන්නලා තියේද කියනව නම්,
ඔයාට මේක ඔයාගෙම කතාව කියලත් හිතෙයි.

ඊළඟ මොහොතේ මොනා වෙයිද කියලා හිතාගන්න බැරි වෙන්නෙ, අබිරහස් කතන්දර වල විතරක් නෙමේ. සමහර ආදර කතා පවා එහෙමයි. මේත් එහෙම කතාවක්.

අවවාදයයි:

“ඉක්බිති සියල්ලෝම සතුටින් ජීවත් වූහ” කියලා හිතන්න නම් ඉක්මන් වෙන්න එපා.

කතාවෙ චරිත තුනයි.
රූමි, විකී, රොබී..
ඔයාලා මේ චරිත තුනට තුන් විදිහකට ආදරේ කරයි.
තුන් විදිහකට වෛර කරයි.
මොන දේ කරත්
ඒ චරිත තුන ඔයාලට කාලෙකට අමතක කරන්න නම් බැරි වෙයි.
අමතක කරන්න බැරි එච්චරද?
නෑ, හිත පිස්සු වට්ටන සංගීතය.
බොහෝදුරට වසරේ සාර්ථකම ගීත ඇල්බමය
කනට මී පැණි වක්කරනවා වගේ තියෙයි.

මෙච්චර දේවල් කියලත් බලන්න හිතෙන්නැද්ද?
එහෙනම් මං කිව්වොත්,
මේක අනුරාග් කාශ්‍යප්ගෙ අධ්‍යක්ෂණයක් කියලා?
සුන්දර තාප්සි පන්නු, අභිෂේක් බච්චන් සමඟ
විකී කෞශාල්ගේ අතිදක්ෂ රංගනයෙන් හැඩගැන්වුනු එකක් කියලා?
මනාප 4000 ඉක්මවලා 6.9ක අගයක් ගත්තු චිත්‍රපටියක් කියලා?

ආයෙ මොනවා කියන්නද? අවශ්‍ය කරන කරුණු කාරණා සේරම සපුරලා තියේ නම් තවත් හිතන්නෙ මොකටද? ඔයාලට ඉඩ දීලා යන්නම් එහෙනම්. අනතුරක් අඟවන්නම්, මේක බලන අතර තාප්සි පන්නුට හිත ඇදිලා යන්න තියෙන අවදානම බොහොම වැඩියි. ඉතින් කියන්න කැමතියි එයා මගේ කියලා. කෙල්ල හරිම දක්ෂයි, රූමි කියන චරිතය ටික දවසක් යනකම් දිරවගන්න කෙල්ල ඉඩ තියන එකක් නම් නෑ. එහෙනම් සමුගන්නවා, මේ බෙහෙත් නෙල්ලි ආදර කතාව රස විඳින්න ආරාධනය කරන ගමන්.

 

 

Due to copyright issues, we do not provide any torrent links.

 මෙම ලබා දී ඇති උපසිරසි Proper HDRip පිටපත් සඳහා අදාළ වේ.

8,884 downloadsDownload Manmarziyaan-2018-1.zip66 KB

මේ ලබා දී ඇති සිංහල උපසිරැසි පිළිබද “මයුර සුරාජ්” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

           

Subtitle Contributor Rank

GOLD MEMBER
JOINING DATE – 2014-01-28
SUB MAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.