Mudinja Ivana Pudi AKA Kotigobba 2 (2016) with Sinhala subtitles | පුළුවන්නම් ඔහුව අල්ලන්න [සිංහල උපසිරැසි සමඟ]

සල්ලි, සල්ලි, සල්ලි. අපි හැමදේම කරන්නෙ සල්ලි හොයන්න. පොඩි කාලෙ ඉදලා පාසල් ගිහින් හොදට ඉගෙන ගන්නෙ හොද රස්සාවක් කරන්න ඕන නිසා. රස්සාවක් කරන්නෙ මුදල් හම්බකරන්න ඕන නිසා. හැම කෙනාම එහෙම නොවුනත් කවුරුත් බලන්නෙ මොනාම හරි දෙයක් කරලා සල්ලි හම්බකරන්න. මොකද මේ වන විට මුදල් නැතිවම බැරි දෙයක්. සල්ලි නැත්නම් ජීවිතයක් නැතිගානනට පත්වෙලා තියෙන්නෙ. ඒ නිසා විවිධ අය සල්ලි හොයන්න විවිධ ක්‍රම පාවිච්චි කරනවා. හැමදේම සල්ලි වලට ගන්න පුළුවන් කියලා හිතන් ඉන්න අයත් ඉන්නවා, එහෙම නැති අයත් ඉන්නවා. සල්ලි තමයි හැමදේම, සල්ලි වලට ගන්න බැරි දෙයක් නැ කියලා හිතන අය තමන්ගෙන්ම අහලා බලන්න ඒක එහෙමද කියලා. ඔයාලට උත්තරය ලැබේවි.

හරි අපේ කතාවෙ ප්‍රධාන චරිතෙ, ම්ම්ම්.. කොහොමද කියන්නෙ. හරි මෙහෙම කියන්නම් සත්‍යම්, ශිවම්. දැන් බලයි දෙන්නෙක් නේද කියලා. හරියට කියෙව්වොත් ඒක දැනගන්න පුළුවන්. නැත්නම් ෆිලුම බලන්නම වෙනවා. කතාව පටන්ගන්නෙම කෝටි ගානක මංකොල්ලයකින්. ඉතා සූක්ෂම විදිහට හොරකම කරන්නෙ කලු සල්ලි කෝටි ගණනක් තමයි. හොරා කවුද කියලා නම් කියන්නෙ නැ. හැබැයි මෙයා මෙතනින් නවතින්නෙ නැ. මැද හරියට යනකොට තවත් කලු සල්ලි කෝටි 120 ක් හොරකම් කරනවා. මෙයාට ඒකට මෙයාගෙම ටීම් එකක් ඉන්නවා. මුලින් හොරකම් කරපු කෝටි 150යි දැන් කෝටි 120 සේරම කෝටි 270 යි. ලොකු සල්ලියක්නේ. හැබැයි මෙයා මේ විදිහට කෝටි ගණන් හොරකම් කරත් කාටවත් හොරාව අල්ලගන බැ. මොකටද මෙයා මේ තරම් සල්ලි හොරකම් කරන්නෙ, කවුරු වෙනුවෙන්ද, මොකක් වෙනුවෙන්ද? ඒක ඔයාලට බාරයි.

දැන් අපේ කතාවෙ ප්‍රධාන චරිතෙ සත්‍යාම් ගැන කියන්නම්. සත්‍යම් කියන්නෙ දේපල වෙලාදම් කරන අහිංසක, අවංක, ඩීසන් පුද්ගලයෙක්. කොච්චර හොදයිද කිව්වොත් කවුරු හරි කනට ගැහුවොත් එයාට අනිත් කනත් හරවලා දෙන ජාතියෙ කෙනෙක්. මුලින් සදහන් කරපු හොරා ගැන පරීක්ෂණ පවත්වන්න බාරවෙන්නෙ කිශෝර් කියන පොලිස් නිළධාරියාට. මනුස්සයත් ආයෙ නිකන් පොරක් නෙවෙයි. තනිකරම දූෂිත පොලිස් කාරයෙක්. හැබැයි මෙයාටත් හොරාව අල්ලගන්න ලේසි වෙන්නෙ නැ. ඇත්ත්ටම කිව්වොත් ඔහුව අල්ලන්න බැ. වැඩි විස්තර ඕන නැ ඔයාලම බලන්න, පොලිසියට හොරාව අල්ලගන්න පුළුවන් වෙයිද? ඇයි මෙයා මේ තරම් සල්ලි හොරකම් කරන්නෙ? එතකොට සත්‍යායයි ශිවයි අතර තියෙන සම්බන්ධය මොකක්ද? ආ ශිවා කියන්නෙ හොරාගෙ නම හොදේ. මේ සේරම දැන ගන්න නම් ඔයාලට චිත්‍රපටිය නරඹන්නම වෙනවා.

චිත්‍රපටිය නමින් Mudinja Ivana Pudi (පුළුවන්නම් ඔහුව අල්ලන්න). මේ වසරෙ තමයි නිකුත් වුනේ. මේ වනවිට IMDb දර්ශකයේ 7/10 අගයක් ලබාගන්න සමත්වෙලා තියෙනවා. ප්‍රධාන චරිත සදහා සුදීප් හා නිත්‍යා මෙනෙන් රංගනයෙන් දායකත්වය සපයන අතර K.S රවිකුමාර් විසින් අධ්‍යක්ෂණය කර තිබෙනවා.

උපසිරැසිය බාගන්න ගමන් කොමෙන්ටුවක් ඉතිරි කරලා යන්න අමතක කරන්න එපා. අන්තිමට ඉතුරු වෙන්නෙ එච්චර තමයි. ඔයාලගෙ අදහස් ගොඩක් වටිනවා. හරි එහෙනම් තවත් උපසිරැසියකින් හම්බවෙමු.

ජය වේවා!

 

 

 

Due to copyright issues, we do not provide any torrent links.

 

Mudinja Ivana Pudi (2016)

මෙම ලබා දී ඇති උපසිරැසිය ඉහත පිටපත සඳහා අදාල වේ.

13,068 downloadsDownload Mudinja-Ivana-Pudi-2016.zip75 KB

 

https://d36zzuvfojr38z.cloudfront.net/wp_content/uploads/2016/06/LahiruPrasad1.png මේ ලබා දී ඇති සිංහල උපසිරැසි පිළිබද “ලහිරු ප්‍රසාද්” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.