Murder Manual (2020) Sinhala Subtitles | මිනීමැරුම් රාශියක එක කතාවක්! [සිංහල උපසිරැසි සමඟ]

හරි.. අද දවස මට ටිකක් සුවිශේෂීයි. මොකද අද තමා මගේ ජන්ම දිනය. ඉතින් අපේ බයිස්කෝප් පවුලේ එක සම්ප්‍රදායක් තමා තමන්ගේ ජන්ම දිනය දවසේ යම් කිසි නිර්මාණයකට උපන්දිනය නිමිති කරගෙන උපසිරසියක් නිර්මාණය කරලා ඔයාලට දෙන එක. ඉතින් ඒ නිසා මමත් ඒ නිසා ළගඳි ආව නිර්මාණයක් වෙනුවෙන් උපසිරසි අරගෙන ආවා ඒ නිසා. හරි එහෙනම් බහිමු කතාවට.

මම මේ අරගෙන ආවේ 2020 මැයි 21 වෙනිදා ස්ට්‍රීමින් සර්විස් හරහා නිකුත් කරපු Horror, Thriller, Mystery ගනයට අයත් වෙන අපේ ඩ්‍රැගන් ක්වීන් එහෙම නැත්තම් Emilia Clarke රංගනයෙන් දායක වෙන අලුත්ම නිර්මාණය. මේක ටිකක්, ටිකක් කිව්වට සෑහෙන වෙනස් සිනමා කෘතියක්. හුඟක් අයට අපහාසයට, උපහාසයට ලක් වුන එකක්. රේටින් ගත්තත් IDMb පිටුවේ අගය පවා තියෙන්නේ 2.4ක ඉතා පහල අගයක. එයට හේතුව වෙන්න ඕන මේකේ තියෙන අධික පැටළුණු ස්වභාවය. මේක එක ෆිල්ම් එකක් උනාට මේකේ ඇතුලේ කතා කිහිපයක් තියෙනවා. කට්ටිය එක ෆිල්ම් එකක් කියලා බලන හේතුව නිසා කිසිම තේරුමක් නැති ෆිල්ම් එකක් කියලා හිතලා මේක අප්‍රසන්න වෙනවා වෙන්න ඕන. හරි ඒ හින්දා මම මේක බලන්නම කියලා කියන්නෙ නෑ. ඊට කලින් ට්‍රේලර් එක පොඩ්ඩක් බලලා, රිවීව් එකක් දෙකක් කියවලම බලන්න කියලා ඉල්ලනවා. මොකද හුඟක් අයට මේක සෙට් වෙන එකක් නෑ, බොරුවට ඇගේ ගහලා වැඩක් නැති නිසා.

මේකේ මෙහෙමයි සිද්ධිය වෙන්නේ මේ එක ෆිල්ම් එක ඇතුලේ කෙටි කතා හතරක් තියෙනවා, ඒ කතා ටික තමයි…

1. කුඩා දැරියකගේ බියකරු සිහින ලෝකයක ඉඳලා යථාර්තයේ බියකරු සිහිනය කරා යන ගමන.
2. සමලිංගික යුවලක් පාම් ස්ප්‍රින්ග්ස් වල ආදර සබඳතාවක් මිනීමරු බවට පත් වීම.
3. ධාවන පථය මාරාන්තික බවට පත්වෙන තරුණියක්.
4. සර්කස් එකක වහල්භාවයේ සිටින ගැහැණු ලමයෙකු තම ස්වාමි පුරුෂැයා විසින් බේරගැනීම.

ඔය කියන කතා ටික තමා මේකේ මූලිකව ගොඩනැගෙන්න මූලික වෙලා තියෙන්නේ. පැයයි විනාඩි තිහක් පුරා කතා ටික දිව යනවා. හරි එහෙනම් තව වැඩිය මුකුත් කියන්නේ නෑ. අවසාන වශයෙන් කියන්නේ ආයේත් කියන්නේ ගන්න කලින් පොඩ්ඩක් හොයලා බලලා ෆිල්ම් එක ගන්න. ජය වේවා..!!

 

 

 

Due to copyright issues, we no longer provide any torrent links.

ලබා දී ඇති උපසිරැසි WEB පිටපත් සඳහා පමණක් අදාළ වේ.

2,835 downloadsDownload Murder-Manual-2020.zip24 KB

මේ ලබා දී ඇති සිංහල උපසිරැසි පිළිබද “කවිශල් රසින්ත” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

 

Subtitle Contributor Rank
SILVER MEMBER
JOINING DATE – 2018-06-30
SUBMAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.