My Beloved Bodyguard AKA The Bodyguard (2016) with Sinhala Subtitles | ආදරණීය ආරක්ෂකයා [සිංහල උපසිරසි සමඟ]

මම නිරන්තරව බයිස්කෝප් අඩවියට එන කෙනෙක්. නිතරම උපසිරසි ගන්න අතරේ මට ආපු ආසාවක් තමයි සයිට් එක වෙනුවෙන් වෙනුවෙන් මගේ කෘතගුණ සැලකීමක් විධිහට මම තීරණය කලා මමත් උපසිරසියක් නිර්මාණය කරන්න ඕනි කියලා. ඒ නිසා මගේ පලමු උපසිරසි ගැන්වීමේ උත්සාහය විධිහට මම ඔබ හමුවට එන්නේ සටන් පිරුණු ඒත් ලස්සන කතාවක් තියෙන අලුත්ම චීන චිත්‍රපටයකට උපසිරසි අරන්.

මේකෙ නම තමයි My Beloved Bodyguard (The Bodyguard). මේක අධ්‍යක්ෂනය කරලා තියෙන්නෙ අපි කවුරුත් දන්න Sammo Hung. මූවි එක රිලීස් උනේ මේ අවුරුද්දේ අප්‍රේල් වලදි. IMDB දර්ශකයේ 5.7/10 ක් වගේ අගයක් අරන් තියෙන පැය එකකුත් මිනිත්තු 36ක් පුරා දිවෙන මෙම චිත්‍රපටය වර්ග කරලා තියෙන්නේ ඇක්ෂන්, නාට්‍ය, අපරාධ, යටතේ. කතාව කෙටියෙන් සඳහන් කලොත් මෙහෙමයි.

ඩින්ග් කියන්නෙ වයසක මහත මනුස්සයෙක්. එයා සොල්දාදුවෙක් සහ ප්‍රභූ ආරක්ෂකයෙක් ලෙස කටයුතු කරලා දැන් විශ්‍රාම අරන් තනියම ජීවත් වෙන කෙනෙක්. එයාගෙ දුව එයාව දාල ගිහින් දුක හිතෙන සිදුවීමක් නිසා. ඒක සිද්ද උනේ ඩින්ග් ගේ වරදකින්. ඒ මොකක්ද කියල ඔයාලම බලන්න. මේ සිද්ධිය නිසා ඩින්ග් තමන්ගෙ ජීවිත කාලෙම පසු තැවෙනවා. තනියම ජීවත් වෙන ඩින්ග් ඩිමෙන්ශියා කියන මතකය දුර්වල වීමේ රෝග තත්වයකින් පෙලෙනවා. ඒ වගේම මේකෙ ඉන්නවා ඩින්ග් ගේ ගෙවල් කුලීකාර කාන්තාව. කොයි වෙලෙත් ඩින්ග් ට බැල්ම දාගෙන. මෙයා ඩින්ග් ව දාගන්න කරන වැඩයි, ඩින්ග් ගේ අමතක වෙන ලෙඩෙයි එකතු උනාම හොඳ හොඳ වැඩ වෙනවා. ඩින්ග් ට ඉන්නවා විශේෂ මිතුරියක්. චෙරී ලී කියලා පුංචි දැරියක්. ඇය ජීවත් වෙන්නෙ ඩින්ග් ගේ ගෙදරට අල්ලපු ගෙදර. ඇගේ තාත්තා සූදු අන්තුවෙක්. තාත්තා එක්ක වලි දාගත්තම ඇය රිංගන්නෙ ඩින්ග් ගේ ගෙදරට.  මෙයාගෙ තාත්තා කරන වැඩ නිසා ඔහුවත් ඔහුගේ දුවත් ලොකු කරදරයකට වැටෙනවා. ඒකට ඩින්ග් මැදිහත් වෙන්නේ කොහොමද, ඩින්ග්ට ඔවුන් බේරගන්න පුලුවන් වෙයිද කියලා කතාව බලලම දැනගන්න. ඔහුගේ සටන් දර්ශන ඇත්තටම හිත ඇදගන්නවා. ඒ වගේම තමයි සංවේදී කතාවකුත් මේක අස්සෙ කියවෙනවා.

ෆිල්ම් එකේ රඟපාන ඈයො ගත්තම මේ ඩින්ග් ගේ චරිතය කරන්නෙත්  Sammo Hung ම තමයි.  චෙරී ලී විධිහට Jacqueline Chan, ගෙවල් කුලීකාරිය විධිහට Qinqin Li චෙරීගෙ තාත්තා විධිහට Andy Lau රඟපානවා. මේකෙ උපසිරසි පරිවර්තනය කරද්දි මම ලංකාවෙ අපිට ගැලපෙන බස් වහරක් තෝරගත්තා. ඉතින් ඔයාලත් මේක බලලා රස විඳලා, මගේ උපසිරසි වල අඩුපාඩු දක්වනවා නම් ගොඩක් ස්තූතිවන්ත වෙනවා.

 

 

 

Due to copyright issues, we do not provide any torrent links.

 

My Beloved Bodyguard 2016 BDRip x264-ROVERS

මෙම ලබා දී ඇති උපසිරැසි ඉහත පිටපත සඳහා අදාළ වේ.

4,426 downloadsDownload My.Beloved.Bodyguard.2016.Baiscopelk.com_.rar23 KB

 

https://d36zzuvfojr38z.cloudfront.net/wp_content/uploads/2016/07/MalindaPitigala1.png මේ ලබා දී ඇති සිංහල උපසිරැසි පිළිබද “මාලින්ද පිටිගල” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.