Mystic River (2003) with Sinhala Subtitles | අබිරහස් ගංතෙර… [සිංහල උපසිරැසි සමඟ]

ඔන්න තරමක් දිගු නිහැඬියාවකට පස්සෙ මම ආයෙත් ඔබ වෙත උපසිරසි නිර්මාණයක් ගෙන එනවා. මේකත් මිනීමැරුමක් සම්බන්ධ කතාවක් අන්තර්ගත වෙන චිත්‍රපටයක්. Mystic River (2003) චිත්‍රපටය ගොඩනගා තිබෙන්නෙ සත්‍ය සිදුවීමක් පදනම් කරගෙන Dennis Lehene අතින් රචනා වුණු Mystic River නම් කෘතිය පාදක කරගෙනයි. මේ චිත්‍රපටය ගැන බයිස්කෝප් අඩවියේ ලිපියක් පලවෙලා තිබුණත්, සිංහල උපසිරසි නිකුත් කර තිබුණේ නැහැ. මේක ටිකක් පරණ චිත්‍රපටයක් වුණත් මුල සිට අගටම කම්මැලි නැතුව කුතුහලයෙන් යුතුව නරඹන්න පුළුවන්. IMDb දර්ශකයේ 8/10 ක අගයක් ලබාගෙන තියෙන බව කිව්වම, මේක සුපිරිම චිත්‍රපටයක් කියලා අමුතුවෙන් කියන්න ඕනෙ නෑනේ. මිනීමැරුම් විමර්ෂණය කිරීම් පාදක කරගෙන නිර්මාණය වුණු චිත්‍රපට වලට කැමති අයට මේක හොඳට රසවිඳින්න පුළුවන්.

දැන් මෙන්න මෙහෙමයි කතාව පටන් ගන්නෙ.1975 වසරේ එක් දවසක පුංචි ළමයි තුන්දෙනෙක්, ඒ කියන්නෙ ජිමී, ඩේව් සහ ෂෝන් කියන තුන්දෙනා බොස්ටන් නගරයේ විදියක සෙල්ලම් කරමින් ඉන්නකොට එතනට එන පොලිස් නිලධාරීන් යැයි හඳුන්වා දෙන පිරිසක් විසින් ඔවුන්ගෙන් එක ළමයෙක් වන ඩේව්ව රැගෙන යනවා. ඉන්පසු ඔවුන් ඔහුව දින හතරක් රඳවා තබාගෙන අතවරයට ලක්කරනවා. නමුත් කෙසේ හෝ ඔහු එතනින් පැනලා එනවා. කාලයත් සමඟ ඒ ළමුන් වැඩිහිටියන් බවට පත්වෙනවා. කාටත් මේ සිද්ධිය අමතක වෙනවා.

එයින් වසර විසි අටකට පස්සෙ වෙන දේවල් තමයි මේ චිත්‍රපටයේ ඉන්පසුව දිගහැරෙන්නෙ. එදා පුංචි ෂෝන් අද මැසචුසෙට්ස් පොලිසියේ රහස් පරීක්ෂක නිලධාරියෙක්. ඩේව් සහ ජිමිත් තවමත් අසල්වැසියන් ලෙස බොස්ටන් වලම ජිවත් වෙනවා. ඒත් එදා වගේ සමීප මිතුරන් ලෙස නෙවෙයි. හිටිහැටියේම ජිම මාකම්ගේ දියණිය වන කේටි අතුරුදන් වෙනවා. ඇයගේ මෝටර්රථය අත් හැර දමා තිබියදී පොලිසියට හමුවෙනවා. දිගින් දිගටම ඇය ගැන සෙවීම් කළත් ඇය ගැන තොරතුරක් නැහැ. අන්තිමට අවාසනාවන්ත ලෙස පොලිසියට හමුවන්නේ, ඝාතනයට ලක්ව ඇති ඇගේ මළසිරුරයි.

දහනව හැවිරිදි කෙල්ලෙක්ව මෙහෙම ඝාතනය කළේ කවුද? එහෙම කරන්න හේතුව මොකක්ද? කාටත් ප්‍රශ්නයක්. මේ ගැන පොලිසිය දියත් කරන පරීක්ෂණ අතරතුර ඇයගේ පෙම්වතාත්, ජිමීලගේ අසල්වැසියෙක් වන, කුඩා කාලයේ අපචාරයට ලක්වුණු ඩේව්ත් මේ අපරාධයට සැක කරුවන් බවට පත් වෙනවා. ඇත්තටම කුඩා කාලේදී අවාසනාවන්ත ලෙස අපචාරයට ලක්වුණු කෙනෙක් පසු කලෙක ළමා අපචාර කරන්නෙක් හෝ මිනිමරුවෙක් බවට පත් වෙන්න පුළුවන්ද? මේ චිත්‍රපටයෙන් ඒ ගැන යම් අදහසක් ඉදිරිපත් කරන්න උත්සහ කරලා තියෙනවා. ආවේගශීලි බවෙන් අන්ධවෙලා හදිසි තීරණ ගැනීමෙන් මිනිස්සු කරන විනාශයන් ගැන මේ චිත්‍රපටයේ අපුරුවට පෙන්වනවා.

ඇත්තටම පොලිසියට කේටිගෙ මිනීමරුවා සොයා ගැනීමට හැකි වේවිද? මේ ගැන දැනගන්න නම් ඔබට චිත්‍රපටය බලන්න වෙනවා. මිනිස් ජීවිත දිහා වෙනස් වෙනස් දෘෂ්ටි කෝණ වලින් බලන්න සලස්වන ලස්සන සිනමා නිර්මාණයක්..

Mystic River, මුල්වරට තිරගත වුණේ 2003 ඔක්තෝබර් 15 වැනිදා. නොමඳ විචාරක පැසසුමට ලක්වුණු මේ චිත්‍රපටය ඇමෙරිකන් ඩොලර් මිලියන 156.8ක ආදායමක් ලබා ගත්තේ, එහි නිෂ්පාදන වියදම වන ඇමෙරිකන් ඩොලර් මිලියන 30ක මුදල මෙන් පස් ගුණයද අතික්‍රමණය කරමින්. 1959 දී නිපදවුණු Ben-Hur චිත්‍රපටයෙන් පසු ප්‍රථම වරට, Academy Awards සම්මාන උළෙලේදී හොඳම නළුවාට හිමි සම්මානයත් (Sean Penn විසින්), හොඳම සහය නළුවාට හිමි සම්මානයත් (Tim Robins විසින්) යන සම්මාන දෙකම එකවර දිනාගැනීමට Mystic River සමත්වුණා. ඔබ මේ චිත්‍රපටය නරඹන විට ඔබට පෙනේවි Sean Penn ට හොඳම නළුවා සම්මානය ලැබෙන්න හේතුව. කැටීගේ තාත්තා විධියට ඔහු ඉදිරිපත් කරන රංගනය අතිවිශිෂ්ටයි. මේ චිත්‍රපටය හොඳම අධ්‍යක්ෂණය (Clint Eastwood විසින්), හොඳම සහය නිළිය ආදී තවත් සම්මාන ගණනාවකට නිර්දේශ වුණා.

මෙම චිත්‍රපටයෙ ප්‍රධාන චරිත වලට රංගනයෙන් දායක වෙනවා

• Sean Penn – ජිමී මාකම් ලෙස
• Tim Robins – ඩේව් බොයිල් ලෙස
• Kevin Bacon – ෂෝන් ඩිවයින් ලෙස
• Emmy Rossum – කැටී මාකම් ලෙස
• Tom Guiry – බ්‍රෙන්ඩන් හැරිස් ලෙස
• Laurence Fishburne – වයිටි පවර්ස් ලෙස
• Marcia Gay Harden – සෙලෙස්ටි බොයිල් ලෙස
• Laura Linnery – ඇනබෙත් මාකම් ලෙස
• Spencer Treat Clark – නිහඬ රේ හැරිස් ලෙස

මේක භාරගෙන සෑහෙන කලක් වුණත් මගේ කාර්යබහුල බව හින්දා ඉවර කරන්න ටිකක් කල් ගියා. කොහොම වුණත් අනුවේදනීය සත්‍ය කතාවක් අන්තර්ගත වෙන නිසා මම මේක ටික ටික හරි කරලා ඉවර කළා. මතක හැටියට මේක මගේ දහහතර වැනි උපසිරැසි නිර්මාණය වෙනවා. මේ දක්වා මම එවපු උපසිරසි නිර්මාණ බයිස්කෝප් අඩවියේ පල කරපු, ශාන් විමුක්ති සහෝදරයා ඇතුළු බයිස්කෝප් අඩවියේ සහෝදරයන් හැමෝටම මම හෘදයාංගම ස්තුතිය පළ කරන්න ඕනෙ.

මේ ලබා දී ඇති උපසිරසි Mystic.River.2003.720p.BrRip.YIFY පිටපතට අදාළ වෙනවා. ඔයාලට ” Mystic.River.2003.720p.BrRip.YIFY torrents” කියලා google search කරලා අදාළ torrent එක හොයාගන්න අමාරු වෙන එකක් නැහැ. .

මේකත් බාගෙන බලන්නකො !! අමතක නොකර Comment එකකුත් දාලා යන්න! එච්චරයි අන්තිමට අපිට ඉතුරු වෙන්නෙ!! 😛 😛 නැවතත් අළුත් උපසිරසියකින් හමුවෙනතුරු ඔබට ආයුබෝවන්!
ඔබට ජය වේවා!!

---

කලින් පල වූ ලිපිය

අද ඔබවෙන අරගෙන ආවෙ ලොව ජනප්‍රියම චිතරපට 250 අතුරින් 239 වැනි ස්ථානයේ තිබෙන IMDB රේටින්ග්ස් වල 8.0/10 ක් ලබාගෙන තිබෙන චිත්‍රපටියයි..ඔස්කාර් සම්මාන දෙකක් හා තවත් සම්මාන 41ක් දිනාගෙන තියෙනව මේ ෆිල්ම් එක..නාට්‍යමය අබිරහස් ෆිල්ම් වලට ආස ඔයාල හැමෝම මේකට කැමති වෙයි..

මෙන්න මෙහෙමයි මේ නිර්මාණය දිගහැරෙන්නෙ..එක්තරා කාලයක ඉන්නවා කුඩා පිරිමි ළමුන් තිදෙනෙක්,මොවුන් දිනක් සෙල්ලම් කරමින් ඉන්නකොට වාහනයකින් පැමිණෙන පොලිස් නිලධාරියෙක් යැයි කියාගන්නා පුද්ගලයෙක් විසින් මේ තිදෙනාගෙන් එක් ළමයෙක් පැහැරගන්නව..පසුව මේ ළමයා ඔහුත් ඔහුගේ සගයනුත් අතින් අපයෝජනයට ලක් වෙනව..මේ ළමය දින ගනනාවකට පසු අපයෝජකයන්ගෙන පලායන්න සමත් උනත් මේ සිදුවීම ඔහුගේ ජීවිතයට තදින් බලපානව..දැන් වර්තමානයේ..දැන් මේ ළමයි තියෙනාම ලොකුයි..මොවුන් දැන් විවාහ වී තම තමන්ගේ ද රු පවුල් සමගින් එම නගරයේම ජීවත් වෙනව..මේ අතරතුර මේ එක් යාලුවෙක්ගේ දියණිය අභිරහස් විදියට මැරුම් කරනව..මෙතැන් සිට කතාව වෙනත්ම මගක් ගන්නව..මේ මිණීමැරුම වටා තමයි කතාව ගෙවෙන්නෙ..

අපිට හිතන්න යම් දෙයක් ඉතුරු කරමින් ගලාගෙන යන මේ කතාව බොහොම ලස්සන එකක්..අපරාධ,අභිරහස්,ත්‍රාසජනක නාට්‍යමය යන වර්ගවල චිත්‍රපටි ප්‍රිය කරන හැමෝටම ගැලපෙන කතාවක්..

 

 

 

සියලුම BR පිටපත් සඳහා මෙම උපසිරැස අදාළ වේ.

7,152 downloadsDownload Mystic-River-2003.zip69 KB

 

මේ ලබා දී ඇති සිංහල උපසිරැසි පිළිබද “ප්‍රබුද්ධ කේසර විතානගේ” සොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

 

Subtitle Contributor Rank

GOLD MEMBER
JOINING DATE – 2016-02-26

SUBMAKER RATING BY ADMINS