Naaigal Jaakirathai (2014) | සිංහයො, කොටි ඉන්න කැලේ බල්ලෙකුට බය වෙලා ඉන්නෙ? [සිංහල උපසිරසි සමඟ]

කෝමද කෝමද ඉතින් යාළුවනෙ ඔයාලට? පේන විදියටනම් ඔයාල ඔක්කොමලම ගොඩක් හොදින් වගේ. ඉතින් මම සුපුරුදු පරිදි නිකම්ම නෙමෙයි ආවෙ, මගේ 5 වෙනි උපසිරැසියත් අරගෙනමයි. මේ පාර කතාව ගොඩක් වෙනස් පැත්තකට යන ලස්සන සලරුවක්. ඇත්තටම මේ කතාව ගලාගෙන යන්නේ සුපිරි බල්ලෙක් වටා. ඇයි මම එහෙම කිව්වෙ? ඕගොල්ලන්ටම ෆිල්ම් එක බලාගෙන යද්දි තේරෙයි. බල්ල කියනකොට තමයි මට මතක් වුණේ මගේ ටයිගර්ව… ඒත් මන් ළග දැන් එයා නෑ… මොකද මහ ජරා වෑන් කාරයෙක් එයාව හප්පන් ගියා.. එයා මට හරිම කීකරුයි, හරි කරුණාවන්තයි. මන් කියන ඕනිම දෙයක් එයා කරනව. දවසක් මම බයිසිකලේ කඩේ යන්න හදනකොට ටයිගරුත් මගෙ පස්සෙන් ආව. මන් එන්න එපා කියද්දිත් වලිගෙ වන වන මාත් එක්ක මගෙ බයිසිකලේ පස්සෙන් දුවන් ආව. කරන්න දෙයක් නැතුව මාත් එයාට මගෙ පස්සෙන් එන්න දුන්න. මන් ගියේ පාරෙන් එහා පැත්තෙ තියෙන සී.ඩී කඩේට එවෙළ මන් මගෙ ටයිගර් ගැන පොඩ්ඩක්වත් හිතුවෙ නෑ. මන් පාර පැනල කඩේට එනවත් එක්කම මට ඇහුණ කෙදිරි ගාගෙන කෑ ගහන සද්දයක්. මන් පිටි පස්ස හැරිල බලනකොට මගෙ ටයිගර් පාරෙ මැද්දෙ වැටිල හිටිය. මන් එයාගෙ නම කියනකොට එයා නැගිටින්න හැදුව ඒත් බැරි වුණා. වලිගෙත් වැනුව. මන් එයා ළගට යනකොට මන් දිහා බලාගෙනම එයා මැරිල ගියා…….. එයා මට ගොඩක් හොද යාළුවෙක් වුණා, එදා මගෙ නොසැළිකිලිමත් කම නිසා මන් මගෙ හොදම යාළුවව නැති කරගත්ත.! මට ඔයාලට කියන්න දෙයක් තියෙනව, ඔයාලටත් ඒ වගේ සුරතලෙක් හිටියොත් එයාව ආදරෙන් බලා ගන්න. මොකද එයා නැති වුණාම දැනෙන දුක මම හොදටම දන්නව. ඒ දුක මෙහෙම කියල නිම කරන්නත් බෑ.. සමාවෙන්න මට මගෙ ටයිගර්ව මතක් වුණා ඉතින් ඒ ගැන කියන් නැතුව ඉන්නම බැරි වුණා, එහෙනම් කතාව පැත්තට පොඩ්ඩක් හැරමුකෝ.

මේ සලරුව අධ්‍යක්ෂණය කරල තියෙන්නෙ අලුත් අධ්‍යක්ෂකවරයෙක්. ඔහු නමින් Shakti Soundar Rajan. මේ සලරුවට IMDB අගය 6.3 ලැබිල තියෙනව. අලුත් අධ්‍යක්ෂකවරයෙක් වුණාට මේ සලරුව ඔහු නිෂ්පාදනය කරල තියෙන්නෙ පල පුරුදු සුපිරි අධ්‍යක්ෂක වරයෙකුටත් වඩා වැඩියෙන් ඉහළට ගිහින්. 😀 ඉතින් මේ සලරුවේ ප්‍රධාන චරිතය Sibiraj යන රංගන ශිල්පියා මෙන්ම මෙහෙ එන බලු චරිතය Belgian Shepherd Dog යන වර්ගයෙන් එන සුපිරි බල්ලෙකුගෙන් මෙම සලරුව නිෂ්පාදනය කර ඇත. (නොගැලපුණා නම් සමාවෙන්න, මගදි ඔක්කොම පැටලුණා.)

කතාව පටන් ගන්නකොට අපේ බලු වීරය ආමි එකේ සේවය කරන යුද සෙබෙලෙකුගෙ යටතෙ තමයි හැඩී වැඩෙන්නෙ. අපේ බලු වීරයගෙ නම ඇවිල්ල සුබ්‍රමනියම්, කතා කරන්නෙ මනී කියල. ඉතින් ඔහොම ඉන්නකොට මනීගෙ ස්වාමියාව එනම් භාරකාරයාව ත්‍රස්තවාදීන් විසින් මරා දානව. එතැන් පටන් අපේ මනී වැඩෙන්නෙ රිටයි කර්නල් කෙනෙක් ලග. කාර්තික්…. කාර්තික් කියන්නෙ පොලිසියෙ සබ් ඉන්ස්පෙක්ටර් කෙනෙක්. මෙයා මෙහෙයුමකට සම්බන්ධ වෙලා මෙයාගෙ කකුල තුවාල වෙනව (ඒක ඔයාලට ෆිල්ම් එක බලාගෙන යද්දි තේරෙයි.) එහෙම ඉන්නකොට දෙරට තට්ටු කරන සද්දෙට මෙයා දොර ගිහින් ඇරල බලනව. එදකොට එයාට කතා කරන්නෙ එයාගෙ අසල්වැසියෙක්. එයා තමයි මනීගෙ දැන් අයිති කාරය, අර රිටයි කර්නල්. එයා කර්තික්ට කියනව මම දවස් 4 ගෙදර ඉන් නෑ මගෙ බල්ලව බලා ගන්න පුළුවන්ද කියල. කාර්තික් බෑ කියල කියනව. ඒත් කොහොම හරි කාර්තික්ට මනීව එයා ළගම තියා ගන්නෙ වෙනව. ඒ මොකද? ඇයි ? කියල ෆිල්ම් එක බලාගෙන යද්දි ඔයාලටම තේරෙයි. ඉතින් දවසක් කාර්තික්ගෙ නංගි වන දිව්‍යා එයාගෙ තරගයකට එයාටයි එයාගෙ බිරිදටයි එන්න කියනව. ඊට පස්සෙ තරගෙට ගිහිල්ල ඉන්න කොට මනී පිස්සු කෙළින්න පටන් ගන්නව. බැරිම තැන බලධාරීන් මනීවයි කාර්තික්වයි එළියට යවනව. ඒත් මේක පිස්සු කෙලිනව. එදකොට තමයි තරගෙ බලන්න ආපු ආමි එකේ කෙනෙක් මනීට කතා කරල සෙබළ ඇවිත් ඉදගන්න කියල කියනව. (එහෙම නෙමෙයි කිව්වෙ මට හරියට මතක නෑ.) කාර්තික් පුදුම වෙනව. බලනකොට මනී ඉන්දියන් ආමි එකේ K-9 unit එකේ බලු සොල්දාදුවෙක්…. ලේසි නෑ නේ? ඔහොම ඉන්නකොට කාර්තික්ගෙ බිරිද වන චාරුව කවුදෝ පැහැ ගන්නව. ඉතින් දැන් ඔයාලට බලන්න තියෙන්නෙ ඇයි චාරුව පැහැර ගත්තෙ? මොකටද? මනී මේකට උදව් වෙයිද? චාරුව හොය ගන්න පුළුවන් වෙයිද? විනාඩි 126 පුරා දිවෙන මෙම සලරුව අලංකාරමත් පුදුම සගත මනීගෙ හැකියාවන්ගෙන් යුත් කදිම සලරුවකි. එසේනම් මෙයා බලා රස විදින්න..!

 

 

700 MB කොපිය මෙතනින් බාගන්න

458E50DE6A80D1CE2D06C6878C0B347BA02CD224 ටොරන්ට් ලින්ක් ක්‍රියා නොකරයිනම් ඒ ලින්ක් එකට යටින් ඇති හෑෂ් (hash) එක google හි සෙවුමක් කරන්න. එවිට ලැබෙන ඕනෑම ටොරන්ට් අඩවියකින් එම ටොරන්ට් එක බාගත කරගන්න.

5,538 downloadsDownload Naaigal.Jaakirathai.2014.baiscopelk.zip32 KB

 

https://d36zzuvfojr38z.cloudfront.net/wp_content/uploads/2014/12/SRaj.jpg මේ ලබා දී ඇති සිංහල උපසිරැසි පිළිබද “SNAKE RAJ” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.