Never Look Away AKA Werk ohne Autor (2019) Sinhala Subtitles | සිත්තරා අහිමි සිතුවම් [සිංහල උපසිරසි සමඟ]

ගෙවී ගිය හැම වසන්තයකම
අවසානෙ ග්‍රීශ්ම ඉඩෝරයක් තිබුනා…
ආගිය නොගිය හැමතැනකම
මමත් ඇවිදලා තිබුනා…
මම එක්ක මම තනි උන එක නිමේශයක
මට මාවමත් අහිමි වෙලා තිබුනා…

දකින්න පාර නොපෙනෙන
පෙනෙන නොපෙනෙන ඉමක අත වනන
මගේම චායාව
මාවම ඉමක් නැති මිරිඟුවක තනි කරල තිබුනා…

එක එක හීන දකින්න
පාට පාට හීන දකින්න
නේක පාට සිතුවම් අදින්න
ආස කරපු මම
අද කලු පාටටම ඇබ්බැහි වෙලා…

පාට පෙට්ටියෙ හැම පාටක්ම ගිල ගත්තු
කලු පාටට
මගේ හිත තව තවත් ඇබ්බැහි වෙලා…
මේක කළාව නම්
ජීවිතය කලු පාට නම්
අවසානය නොපෙනෙන ඉමක් නම්
මිරිඟුවටම පෙම් බඳින
ඒ මිනිස්සු අස්සෙ
කලු පාටට දිය වෙලා
කලු පාටට සැඟවිලා
විඳින විඳවන ජීවිත අස්සෙ
තනියම විඳින්න
මට මගේ ජීවිතය විතරක්
අවසානෙ ඉතිරි වෙලා….
( උපුටා ගැනීමකි )

මුලින්ම ස්තූතිවන්ත වෙන්න ඕනෙ මම කලින් කරපු ” The Irishman (2019) පාතාලයේ සොල්දාදුවා… ” උපසිරැසියට එක වචනෙකින් හරි මට ස්තූති කරපු හැම දෙනාටම. මොකද ඒ දිරි ගැන්වීම් නිසා තමයි මොන තරම් කාර්යබහුල උනත් මේ වෙනුවෙනුත් කාලය වෙන් කර ගන්න පුලුවන් උනේ.

පහුගිය අවුරුද්දෙදි පැවැත් උන ඔස්කාර් සම්මාන උළෙලේදී හොඳම විදේශ භාෂා සිනමා සිත්තම වෙනුවෙන් ලෝකෙ වටේම රටවල් වල නිර්මාණය උන දස දහස් ගනනක සිනමා පට අතුරින් මෙක්සිකෝව නියෝජනය කරමින් ඉදිරිපත් උන Roma සිනමා සිත්තම ජයග්‍රහණය ලබා ගද්දී පෝලන්තය නියෝජනය කරමින් Cold War, ලෙබනනය නියෝජනය කරමින් Capernaum, ජපානය නියෝජනයි කරමින් Shoplifters සහ ජර්මනිය නියෝජනය කරමින් Never Look Away යන සිනමා නිර්මාණයන් අවසන් වටයට නිර්දේශ උන අනෙකුත් නිර්මාණ බවට පත් උනා. ඔබ ඔය අතුරින් එකම සිනමා පටයක් හෝ නරඹලා තියෙනවා නම්, ඔබ දැනටමත් ඒ හැම සිනමා සිත්තමක්ම එකිනෙකට නොදෙවෙනි විශිෂ්ටත්වයකින් යුක්ත බව  දන්නා නිසාම මේ ලිපිය කියවන එක නතර කරලා සබ් එක බා ගනීවි. නමුත් තවමත් ඒ නිර්මාණයන් රසවිඳ ගන්න බැරි උන කෙනෙක් ඉන්නවා නං තවත් ප්‍රමාද වෙන්න එපා. ඒ වගේම තවත් දෙයක්, මේ සිනමා සිත්තම ඒ වසරේදී ඔස්කාර් සම්මාන 2කට නිර්දේශ උනා වගේම ඒ වසරේදීම ගෝල්ඩන් ග්ලෝබ්ස් සම්මාන උළෙලේදීත් හොඳම විදේශ භාෂා සිනමා සිත්තම වෙනුවෙන් වූ සම්මානයට නිර්දේශ වෙනවා.

උමතු ජර්මානු වෛද්‍යවරෙයෙක්…
හදිසියේ රෝගී වූ සුන්දර යුවතියක්…
ලොවට සැඟවුණු මහා අපරාධයක්…
සැඟව සිටි නාසි හමුදා නිලධාරියෙක්…
අපරාධ කරුවන් හඹා ගිය රුසියානූ හමුදා නිළධාරියෙක්…
කළාව සොයා ගිය තරුණ චිත්‍ර ශිල්පියෙක්…
අහඹු ලෙස තෝරාගත් චායාරූප පෙළක්…
බොඳව ගිය සිතුවම් පෙළකින් කී අතීතයේ කතාවක්…

IMDb දර්ශකයේ 7.7 ක් වගේම rottentomatoes දර්ශකයේ 77%ක් ලබා ගත් ලොවපුරා සිනමා සම්මාන උළෙලවල් නියෝජනය කරමින් නිර්දේශවීම් 20ක් හා සම්මාන 5ක් දිනාගත් මේ සිනමා සිත්තම රසනොවිඳි දෑසක් කුමට…? මම මේ සිනමා
සිත්තමේ කතාව වැඩිය නොකියා ඉන්නම්, මොකද මම හැමදාමත් කියනවා වගේම මේකත් නරඹලා මිස කියවලා රසවිඳිය නොහැකි සුන්දර සිනමා සිත්තමක්ම වන නිසා… ඒ වගේම කවුරු හරි කෙනෙක් අපෝ පැය 3ක්නේ කියලා මේ සිනමා සිත්තම රස නොවිඳ කලින් අත ඇරල දැම්ම නං, මේ නිවාඩු කාලෙ ආපහු බලන්න ගන්න මේක තමයි හොඳම වෙලාව. මොකද මේ සිනමා සිත්තම එක තැනක ඉදගෙන බොහොම නිවී සැනසිල්ලේ රසවිඳ ගන්න ඕනෙ ජාතියේ එකක්. මොකද ඒ පැය 3, දෙවන ලෝක යුද්ධය ආරම්භ විමට පෙර ජර්මනියේ සිට නාසීන්ගේ වියරු යුධ සමය පසුකර ගොස් අවසානයේ නැගෙනහිර සහ බටහිර ජර්මනිය ලෙසින් බෙදුන ජර්මනිය තෙක්ම දිව යන සොඳුරු චාරිකාවක්ම වන බැවින්. තවම ෆිල්ම් එක බලන්න හිතුනෙ නැත්තං ෆිල්ම් එකේ ට්‍රේල බලලම ඉන්න. වාසනාවන්තයෝ නරඹත්වා…!

අහක බලන්න එපා…,
කවදාවත්ම අහක බලන්න එපා…,
මොකද, ඇත්ත හැම දෙයක්ම හරිම ලස්සනයි…!

තවත් සුන්දර සිනමා සිත්තමක උපසිරැසියක් සමඟින් නැවත හමුවෙමු…!
ඔබට ජය….!

ප.ලි
සබ් කරන්න මග ඇරුන අලුත්, පරන, භාෂා බේදයක් නැතුව හොද ෆිල්ම් එහෙම තියෙනවා නං පහලින් කමෙන්ට් එකක් දාලා යන්න. පුලුවන් විදියකට කරන්නම්…. එහෙමත් නැත්තං [email protected] ඊමේල් ලිපිනය හරහා මාව දැනුවත්
කරන්න.

ස්තූතියි…!

 

 

 

Due to copyright issues, we do not provide any torrent link.

මෙම ලබා දී ඇති උපසිරසි BR පිටපත් සඳහා අදාළ වේ.

2,513 downloadsDownload Never.Look_.Away_.2018.720p.BluRay.x264-CiNEFiLE.zip74 KB

මේ ලබා දී ඇති සිංහල උපසිරැසි පිළිබද “හසිත මධුෂාන්” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

 

Subtitle Contributor Rank

BRONZE MEMBER
JOINING DATE – 2017-01-07
SUBMAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.