Now You See Me: Now You Don’t (2025) with Sinhala Subtitles | දැන් ඔයාට මාව පේනවද? [සිංහල උපසිරසි සමඟ]

Now You See Me: Now You Don’t (2025) with Sinhala Subtitles

කොහොමද බයිස්කෝප් සාමාජිකයො හැමෝටම. ඉස්සර වගේ විසි හතර පැයේම සබ් නොකලත් ඔන්න අවුරුදු හතරකට පස්සෙ ආයෙම සබ් එකක් අරගෙන ඔයාලා හම්බවෙන්න ආවා. ඇත්තටම මේක කරන්න හිටපු සබ් එකක් නෙවෙයි. කළින් එකත් මං කරලා තිබ්බ නිසා රවිඳු මල්ලි ඇහුවම ඔන්න ඔහේ කරලා දානවා කියලා හිතලා කරලා දැම්මා. ලිපියක් ලියන්න නම් වෙලා නෑ. ඒ නිසා ඔන්න ලිපිය ලියන වැඩේ අපේ විමාට බාර දුන්නා. එහෙනම් විමාගෙ ලිපියත් කියවගෙන ගිහින් සබ් එකත් අරගෙන ෆිල්ම් එක රස විඳින්න කියලා ආරාධනා කරනවා.

නව් යූ සී මී කියන්නේ මායාකාර ෆිල්ම් එකක්. අපි film එකේ ප්ලොට් එකට සමීප වෙලා බලන්න බලන්න අපිව නොමග යවනවා. අපි පොඩ්ඩක් ඈත් වෙලා බිග් පික්චර් එක දිහා බැලුවම තමයි තේරෙන්නේ වෙන්න යන දේ. හැබැයි එතකොට පෙරහරි ඉවර වෙලා බලන්න ආව මිනිස්සු ගෙදරත් ගිහින්…

මේකේ මුල්ම ෆිල්ම් එක එන්නේ 2013 වසරේදී. ඒ ෆිල්ම් එකේ යුනික් ප්ලොට් එක සහ ප්ලොට් ට්විස්ට් එක නිසා සෑහෙන කතාබහකට ලක්වෙනවා. ඩොලර් මිලියන 75ක් වැනි වියදමක් දරලා නිර්මාණය කරන මේ ෆිල්ම් එක imdb 7.2ක් වගේ ඉහලතම අගයකුත්, ඩොලර් මිලියන 352කට ආසන්න ආදයාමකුත් ලබාගන්න සමත් වෙනවා. ඒ අනුව එහි දෙවැන්නක් නිර්මාණය කරන බව නිෂ්පාදකයින් විසින් නිවේදනය කරනවා.

2016 වසරේදී අපිට එහි දෙවැන්න නරඹන්න ඉඩ ලැබෙනවා, ඒ Now You See Me 2 ලෙසින්. මුල් සිනමාපටයට වඩා අඩු imdb අගයක්, එනම් 6.4ක් ලැබුවත් සිනමාපටයේ ආදායම ලෙසින් ඩොලර් මිලියන 335ක් වැනි ඉහල අගයක් උපයාගන්න සමත්වෙනවා. ඒ ඩොලර් මිලියන 95කට ආසන්න මුදලක් වියදම් කෙරෙමින්. ඉතිං ඔය විදයට දෙවැන්නත් සාර්ථක වුණ නිසා මෙන්න මෙයාල එහි තෙවැනි සිනමාපටයත් නිර්මාණය කරන බව නිවේදනය කරනවා.

ඒ අනුව අපිට ඔන්න Now You See Me: Now You Don’t එහෙමත් නැත්නම් “දැන් ඔන්න ඔයාට මාව පේනවා : දැන් ඔයාට මාව පේන්නෙ නැහැ” සිනමාපටය නැරඹීමට ඉඩ හසර ලැබිල තියෙනව.

මේ සිනමාපටය imdb 6.1ක් වැනි ගයක් ලබාගන්න සමත් වෙලා තියෙනවා. මේක නිර්මාණය කරන්න ඩොලර් මිලියන 90ක පමණ මුදලක් වියදම් වෙනකොට දැනට මේක ලබාගෙන තියෙන්නේ ඩොලර් මිලියන 215ක් පමණයි. ඒ අනුව මේ තමයි සිනමාපට පෙළෙහි අවම ආදායමක් ලබාගත් සිනමාපටය වෙන්නේ. මේකට හේතුව බොහෝවිට මුල් සිනමාපට ද්විත්වයේ රචකයින්ව මාරු කිරීම කියලයි රසිකයින් නම් කියන්නේ. විශේෂයෙන්ම Ed Solomon. එය තමයි කතාව සම්බන්ධව සෑහෙන බරක් ඇදපු කෙනා. මොකද මේකේ ඩිරෙක්ටර් වෙන Ruben Fleischer ගැන නරකක් කියන්න බැහැ. එයා තමයි Venom 2018 සිනමාපටය එහෙම අධ්‍යක්ෂණය කල කෙනා. ඒ අනුව මුල් ෆිල්ම් ද්විත්වයේ තිබුණු ඒ මොකක්දෝ මන්දා රහක් මේකෙදි අඩු බව දැනෙනවා. හරියට නිකම් අපි හැමදාම කාපු කඩේක කෝකියා මාරු වෙලා වගේ දෙයක්. නමුත් මේක 2025 ඔබ නැරඹිය යුතුම, කදිම සලරුවක් බව නම් කියන්න පුළුවන් ආ. 😉

ඉතිං මේකේ මුල්ම සිනමාපටයේ ඉඳලා බැලුවේ නැති කෙනෙක් නම් ඔයාට එක පාරම ගොඩක් දේවල් තේරෙන්නේ නැති වෙනවා. ඒ නිසා අනිවාර්යෙන්ම පලවෙනි ෆිල්ම් එකේ ඉඳලා බලාගෙන එන්න. අපි මේකේ කතාව ගැන නොකියා ඉන්නම්. මොකද මේක ඇත්තටම film එකක් ඇතුලේ මැජික් පෙන්වන වැඩක් නිසා මේකේ පොඩ්ඩක් හරි ඒ මායාකාරිමය ස්භාවය ස්පොයිල් කරන්න හොඳ නැහැ. එහෙනම් ඔන්න ඔබට බාරයි!

Now You See Me: Now You Don’t (2025) with Sinhala Subtitles

 

 

 

Due to copyright issues, we do not provide any torrent links.

මෙම ලබා දී ඇති උපසිරසි WEB පිටපත් සඳහා අදාළ වේ.

6,998 downloadsDownload Now-You-See-Me-Now-You-Dont-2025.zip62 KB

 

මේ ලබා දී ඇති සිංහල උපසිරැසි පිළිබද “ජෙරෝම් වැලස්කා (සමන් ප්‍රසාද්)” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

 

Subtitle Contributor Rank

ADMIN MEMBER
JOINING DATE – 2013-09-15
SUBMAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.