Odiyan (2018) Sinhala Subtitles | මන්තරකාර මානික්‍යම් [සිංහල උපසිරැසි සමග]

මේක එක මන්ත්‍රකාරයෙක්ගෙ කතාවක්…!
රාත්‍රියෙ රජුගෙ වීර කතාවක්…!
උපක්‍රමශීලීව සතුරන්ට පහර දීම
නොහොත්, සතෙකුගේ වෙස් ගෙන,
සතුරන්ව බය කරන මන්ත්‍රකාරයො.
සාම්ප්‍රදායිකව මිනිසුන් බය කරන්න
කොන්ත්‍රාත්තු ගත්තු පුද්ගලයො.
අඳුරු වෙස්වලා ගැනීම්,
තනිකම, අඳුර සහ හරියන වෙලාව තමයි මේ
මන්ත්‍රකාරයන්ගෙ ආධාරය වුනේ.

ආයුබෝවන් සියලු දෙනාටම. universal superstar නමින් හදුන්වන මාලයාලම් සිනමාවෙ නමක් දිනාගෙන ඉන්න ඔයාල අපි කවුරුත් දන්න Mohanlalගෙ අලුත්ම මලයාලම් චිත්‍රපටය පසුගිය අවුරුද්දෙ (2018) දෙසැම්බර් 14 වෙනිද නිකුත් වුනා. ඉතින් හොද කොපියක් එනකම් අපි කවුරුත් බලාගෙන ඉන්න අතරෙ දවස් තුනකට විතර කලින් මේකෙ හොද පිටපතක් නිකුත් වෙලා තියෙනව කියල දැනගෙන මේක මට කරන්න බාර දුන්නෙ සිසිල ප්‍රසාද් සහෝදරය. ඔහුට ස්තූතිය පුද කරන අතර, හොද කොපියක් නිකුත් වුනත් අඩුපාඩු තිබුනු සබ් එකක් තමයි මේත් සමගම නිකුත් වෙලා තිබුනෙ. ඉතින් අඩුපාඩු පුලුවන් විදිහට හරිගස්සගෙන උපසිරැසිය සම්පූර්ණ කරල තියෙනව. ඉතින් අඩුපාඩු ඇත්නම් සමාවෙන්න ඕන.

මේ චිත්‍රපටය අධ්‍යක්ෂනය කරන්නෙ V. A. Shrikumar Menon කියන අධ්‍යක්ෂකවරය. Mohanlal සමගින් Manju Warrier, Sana Althaf, Prakash Raj, Mammootty වගේ ක්ෂේත්‍රයේ ප්‍රසිද්ධ නළු නිළියො කිහිප දෙනෙක් මේ සඳහා රන්ගනයෙන් දායක වෙලා තියෙනව. මේ වනවිට IMDb අගය 6ක් වශයෙන් සටහන් වෙලා තියෙන මේ චිත්‍රපටය Action, Drama, Fantasy යන කාන්ඩ වලට තමයි ඇතුලත් වෙලා තියෙන්නෙ. කතාවට පාදක කරගෙන තියෙන්නෙ විදුලිය භාවිතයට එන්න කලින් කේරලාවෙ හිටියයි කියල විස්වාස කරන ඔඩියන් වංශය ගැන.

කතාව පැත්තට හැරුනොත්, ඔඩියන් මානික්‍යම් නොහොත් මන්තරකාර මානික්‍යම් කියන්නෙ තෙන්කුරුසි ගමේ තමන්ගෙ පරම්පරාවෙන් පැවතගෙන එන උපක්‍රම පවිච්චි කරල කොන්ත්‍රාත්තු බාරගෙන මිනිස්සුන්ව බයකරන කෙනෙක්. මෙයා මේකට පාවිච්චි කරන්නෙ තමන්ගෙ සීය තමන්ට උගන්වල තියෙන වෙස් මාරු කිරීමේ උපක්‍රම. මොකක්දෝ හේතුවකට අවුරුදු 15ක් තිස්සෙ මානික්‍යම් ගමෙන් පිටවෙලයි ඉන්නෙ, එහෙම හිටපු මානික්‍යම් දවසක් තමන්ගෙ උපන් ගමට එනව. එහෙම ඇවිල්ල ඉන්නකොට ගමේ අයගෙන් එයාට ගොඩක් ඇනුම්පද අහන්න වෙනව. එතනදි කතාවක් දුරදිග ගිහින් මානික්‍යම් ගමේ තරුණ පිරිසකට අභියෝගයක් කරනව තමන් එයාලව සතෙක් විදිහට වෙස් මාරු කරල බය කරනව කියල. එතනින් තමයි කතාව පටන් ගන්නෙ. මානික්‍යම්ට ගමෙන් පිටවෙලා යන්න හේතු වුනේ මොකක්ද, මානික්‍යම්ගෙ මේ අභියෝගයට මොකද වෙන්නෙ කියල බලාගන්න ඔයාල චිත්‍රපටය බලලම ඉන්න. හූනියම්, මන්තර, බලි තොවිල් වගේ දේවල් විස්වාස කරන නොකරන අපි හැමෝටම මේක රසවත් කතාවක් වේවි කියල මම විස්වාස කරනව. තවත් මේ වගේ සිංහල උපසිරැසියකින් ඔබ හමුවීමේ බලාපොරොත්තුවෙන් මම සමුගන්නවා.

සැමට ජය!

 

 

Due to copyright issues, we do not provide any torrent links.

මෙම ලබා දී ඇති උපසිරසි HQ DVDRip පිටපත් සඳහා අදාළ වේ.

8,966 downloadsDownload Odiyan-2018.zip58 KB

මේ ලබා දී ඇති සිංහල උපසිරැසි පිළිබද “ චානක ඉඳුනිල් ” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

 

Subtitle Contributor Rank

BRONZE MEMBER
JOINING DATE – 2018-08-02
SUBMAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.