Pagadi Aattam (2017) with Sinhala Subtitles | ආදරණීය පවුලක්, සොහොන් පිටියක් බවට පත්කළ අනංගයා [සිංහල උපසිරැසි සමඟ]

සල්ලි…හරි පුදුමාකාර දෙයක්. මේ ලෝකේ, සමහර අයට සල්ලි ගොඩාක් තියෙනවා. තවත් සමහර අයට, සල්ලි ඇත්තෙම නැහැ. මේ සල්ලි වලට කරන්න බැරි දෙයක් නැහැයි කිව්වොත්, ඒක බොරුවක් නම් නෙමෙයි. මේ සල්ලි වල උපකාරයෙන්, බලය අතට ගන්නාවූ ධනවතුන්, සල්ලි නැති දුප්පතුන් තලා පෙලා දමනවා. සියලු දෙනාටම සාධාරණත්වය යැයි කියාගන්නා නීතිය පවා, සල්ලි හමුවේ නිහඬ වෙනවා. කෙතරම් අමිහිරි වුනත් මේ තමයි සත්‍ය.

මම කලින් කිව්වා, සල්ලි වලට කරන්න බැරි දෙයක් නැහැ කියලා. ඔව්, ඒක ඇත්ත. පුංචිම පුංචි දෙයකින් පටන් අරගෙන, මහා විනාශයක් සිදුකිරීම දක්වාවූ ඕනෑම දෙයක් කිරීමට තරම් මේ සල්ලි බලවත්. ඔබට ඕනේ තරම් සල්ලි තියෙන්න පුළුවන්…ඒ නිසාම බලය තියෙන්නත් පුළුවන්…නමුත්, එසේ වුනා යැයි කියකා, අසරණ ජීවිත සමගින් සෙල්ලම් කිරීමට ඔබට අයිතියක් නැහැ. ධනයෙන් මත්වූ ඔබගේ පහත් ආශාවන් ඉෂ්ඨ කරගැනීමට, ආදරණීය පවුලක් විනාශ කරමින්, අසරණ ජීවිතයක් බිල්ලට ගැනීමට, ඔබට කිසිඳු අයිතියක් නැහැ. ඔබ හිතාවි, ඔබගේ සල්ලි බලයෙන් සියල්ලම වසන් කරන්න පුළුවන් වේවි කියා. ඔබගේ සල්ලි බලය නිසා, නීතිය ඔබ දෙසට ඇඟිල්ල දිගු නොකරාවි කියා. ඔබ හරි වෙන්න පුළුවන්. ඒත්, මතක තියාගන්න…කල් ගතවී හෝ, ඔබ කල පව් වෙනුවෙන්, වන්දි ගෙවීමට සිදුවෙනවාම තමයි…ඔබ සිදුකල පාපයේ තරමට, ඒ හා සමානවම, කවදා හෝ ඔබට වන්දි ගෙවීමට සිදුවෙනවාම තමයි. එදාට, ඔබේ ඔය සල්ලි වලින්, කිසිඳු ඵලක් නැති වේවි. එයයි, ලෝක ධර්මතාවය…

මම ACP දේවේන්ද්‍ර කුමාර්. ජරා ජීර්ණවී තිබෙන්නාවූ පොලිස් දෙපාර්තුමේන්තුව තුල, ධනයට බලයට හිස පහත නොකරමින්, සත්‍ය වෙනුවෙන් අකුරටම රාජකාරිය ඉෂ්ඨ කරන්නාවූ නිලධාරියෙක්. එක දවසක් මට අමුතු සිද්ධියක් පිලිබන්දව විමර්ශනය කරන්න බාරවෙනවා. හිටිහැටියේම, නව යොවුන් තරුණයෙක් අතුරුදහන් වෙලා. ඔහුව පැහැරගෙන ගිහිල්ලද, මරලා දාලද…මේ කිසිම දෙයක් පැහැදිලි නැහැ. මේ විමර්ශනය ඉදිරියට කරගෙන යන්න කිසිම හෝඩුවාවක් නැහැ. නමුත්, දැඩි ලෙස වෙහෙස මහන්සි වීමෙන් අනතුරුව, තරුණයාගේ ජංගම දුරකථනය සොයාගැනීමට හැකියාව ලැබෙනවා. මාව විශ්වාස කරන්න…තරුණයාගේ ජංගම දුරකථනය පරික්ෂා කිරීමේදී, මාව කම්පා වෙලා යනවා. මේ ආකාරයේ සිදුවීමක්, මගේ මුළු පොලිස් ජීවිතය පුරාවටම සිදුවෙලා නැහැ. මෙතෙක් කාලයක් පුරාවට පැටලුණු නූල් බෝලයක් බඳුව තිබුනාවූ අතිශය සංකීර්ණ ගැටළුවක්, ජංගම දුරකතනයෙන් ලැබුණු සාක්ෂි පදනම් කරගනිමින්, පියවරෙන් පියවර ක්‍රමානුකූලව විසඳමින්, මම ඉදිරියටම ගියා. අවසානයේ ප්‍රථිපලය හරිම සංවේදී දායක එකක් වුනා. ඉතාමත් මානුෂීය කාරනාවක් හමුවේ, මාව අසරණ වුනා. නමුත්, හිතට එකඟව, මම අසීරු තීරණයක් අරගත්තා. මගේ කතාව අහලා බලලා, ඔයාලම කියන්න, මම ගත්තේ හරි තීරණයක්ද, නැත්නම් වැරදි තීරණයක්ද කියලා…

Crime කාණ්ඩය යටතේ 2017 වර්ෂයේ පෙබරවාරි මස 17 වෙනි දින, මහජන ප්‍රදර්ශනය සඳහා නිකුත්වූ දමිළ සලරුවක්…Dhuruvangal Pathinaaru (2016) චිත්‍රපටය තුල විශිෂ්ට රංගන දායකත්වයක් ලබාදුන් Rahman ගේ නවතම සිනමා සංක්‍රාන්තිය…සෑම දෙමව්පියෙකුම, සෑම තරුණ තරුණියක්ම අනිවාර්යයෙන්ම නැරඹිය යුතු යැයි නිර්දේශ කල හැකි ආදර්ශමත් කතා පුවතක් අඩංගු චිත්‍රපටයක්…සියලුම බයිස්කෝප් රසික රසිකාවියන් වෙත, නැරඹීමට කෙරෙන්නාවූ සුහද ආරාධනාවයි මේ…

 

 

 

 

Due to copyright issues, we do not provide any torrent links.

www.TamilRockers.mx – Pagadi Aattam (2017)

ලබා දී ඇති උපසිරසි TamilRockers HDRip පිටපත් සඳහා අදාළ වේ.

3,062 downloadsDownload Pagadi-Aattam-2017.zip48 KB

 

https://d36zzuvfojr38z.cloudfront.net/wp_content/uploads/2016/05/SisilaPrasad.jpg මේ ලබා දී ඇති සිංහල උපසිරැසි පිළිබද “සිසිල ප්‍රසාද්” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.