Paradox (2016) with Sinhala Subtitles | පරස්පරය [සිංහල උපසිරසි සමඟ]

කාල තරණය කියන්නෙ ගොඩක් ආස හිතෙන මාතෘකාවක්. ඉතිං මගේ පළවෙනි උපසිරැසි නිර්මාණය විදිහට මම තෝරගත්තෙ ඒ ගැන තියන චිත්‍රපටයක්. පළවෙනි නිර්මාණය නිසා වැරදි තිබ්බොත්, ඒවා පෙන්නලා දෙන්න. එතකොට මට පුළුවන් ඒ වැරදි හදාගන්න. මේක action, drama කාණ්ඩයට අයත් වෙන චිත්‍රපටයක්. 2016යේ අප්‍රේල් වල තිරගත වුණු මේ චිත්‍රපටයේ කතාව ලියලා, අධ්‍යක්ෂණය කරලා තියෙන්නෙ Michael Hurst. IMDb රේටින්ග්ස් 4.6ක් ලැබිලා තියන මේ චිත්‍රපටයේ, Zoë Bell – ගේල්, Adam Huss – ජිම්, Malik Yoba – මිස්ටර් ලැන්ඩො, Bjørn Alexander – ලුවිස්, Brian Flaccus – විලියම්, Michael Aaron Milligan – රැන්ඩි, Steve Suh – වෑන් ලැන්ග් විදිහට චරිත නිරූපනය කරනවා.

කතාව ගැන කිව්වොත්, තරුණ විද්‍යාඥයන් කණ්ඩායමක් එයාලට කාලය හරහා ඉදිරියට යන්න පුළුවන් වෙන විදිහෙ රහස් ව්‍යාපෘතියක වැඩ කරනවා. ඉතිං එයාලා ඒක පරීක්ෂා කරන්න එයාල අතරින්ම කෙනෙක්ව කාලය හරහා පැයක් ඉස්සරහට යවනවා. ඒත් ඒ යන කෙනා ආපහු එනවා එයාලාගෙන් මේ ව්‍යාපෘතිය ක්‍රියාවිරහිත කරන්න කියලා ඉල්ලමින්. එයා කියන්නෙ එහෙම කරේ නැත්තන් ඉස්සරහට තියන පැය ඇතුළත එයාලා හැමෝම මැරෙයි කියලා.

ඉතිං එයා එහෙම කියන්නෙ ඇයි, එයාලට ඒ කියන විදිහට මැරෙන්න වෙනවද කියන එක දැනගන්න ඔයාලට මේ චිත්‍රපටය බලන්නම වෙනවා. IMDb රේටින්ග්ස් නම් ටිකක් අඩු උනාට, මේක සුපිරි කතාවක් තියන චිත්‍රපටයක්. මම කියන දේ හරි කියලා ඔයාලට මේක බැලුවම තේරෙයි.

මේ චිත්‍රපටයට සබ් හදන්න ආස හිතිලා ඒ ගැන ඇහුවම, මට උපදෙස් දීපු ශාන් විමුක්ති සොහොයුරාට ස්තූතිවන්ත වෙනවා. ඒවගේම, සබ් හදන එක හිතුව තරම් ලේසි වැඩක් නෙවෙයි කියලා තේරුන නිසා මහන්සි වෙලා, තමන්ගෙ වටිනා කාලය වැය කරලා සබ් හදන හැමෝටමත් මම ස්තූතිවන්ත වෙනවා වගේම වැඩි වැඩියෙන් සබ් හදන්න ධෛර්ය ශක්තිය ලැබෙන්න කියලා ප්‍රාර්ථනා කරනවා. එහෙනම් ඔයාලට මේක බලලා ඒ ගැන අදහස් මට කියන්න කියලා ආරාධනා කරනවා.

හැමෝටම බුදු සරණයි!

 

 

 

මෙම ලබා දී ඇති උපසිරසි සියළුම Web පිටපත් සඳහා අදාළ වේ.

3,607 downloadsDownload Paradox.2016.Baiscopelk.com_.rar35 KB

 

https://d36zzuvfojr38z.cloudfront.net/wp_content/uploads/2016/05/NimanthikaM1.jpg මේ ලබා දී ඇති සිංහල උපසිරැසි පිළිබද “නිමන්තිකා වික්‍රමසිංහ” සොහොයුරියට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඇයගේ අවසරය මතම සිදුවිය යුතුය.