Parasyte: Part 1 (2014) with Sinhala Subtitles | සතුරු මිතුරු පරපෝෂිතයෝ. [සිංහල උපසිරසි සමඟ]

ඔන්න එහෙනම් හතර වෙනි සබ් එක. මම මේ පාර අරගෙන ආවෙ ජපන් විද්‍යා ප්‍රබන්ධ කතාවක්. ඒ වගේම බලලා තියෙන අමුතුම කතා තේමාවක්. සාමාන්‍ය ජපන් ෆිල්ම් එකකට වඩා සජීවිකරණ තාක්ෂණ උපක්‍රමත් ඉහලයි. විද්‍යා ප්‍රබන්ධ, කොමඩි, හොරර්, සහ ඇක්ෂන්, යටතේ වර්ග කරන්න පුළුවන්. IMDB ලකුණු 7/10 ක් අරගෙන තියෙනවා. ඉතින් හිතාගන්න පුලුවන්නෙ තරම? මේකෙ දෙවනි කොටසත් ඇවිත් තියෙනවා අවුරුද්දක් යද්දි.

කතාව ටිකක් කිව්වොත්, මානව සංහතිය බිලිගන්න පැමිණි පරපෝෂිතයන් රැසක් සහ උන්ට එරෙහිව සටන් වදින සාමාන්‍ය උසස් පාසල් සිසුවෙක් වෙන ඉසුමි ෂිනිචි වටා කතාව දුවන්නේ. සාමාන්‍ය ඒලියන් කතාවක් වගේ පෙනුනත් ඊට වඩා මේකෙ තේමාව ගොඩක් වෙනස්. මේ පරපෝශිතයෝ පෙනුමෙන් මුලදි පණුවෙක් වගේ. කන හෝ නාසය හරහා ඔලුව ඇතුලට ඇවිත් මොලේ භක්ෂණය කරලා ඒ පුද්ගලයා තුලම රැදෙනවා. ඒ වගේම ඒ පුද්ගලයාගෙ සිරුරේ පාලනය අරගෙන සාමාන්‍ය විදියට සමාජයේ ජීවත් වෙනවා. හැබැයි රහසේ මිනිසුන්ව මරාගෙන කනවා. එතකොට පාසල් සිසුවෙක් මෙතන මොකද කරන්නේ? ඇත්තම කියනවා නම් ඔහුත් පරපෝෂිතයෙක් මගින් ආසාදනය වූ කෙනෙක්. හැබැයි ඒ මොළේ නම් නෙවෙයි. මොළේ කන්න හිතාගෙන කනින් රිංගන්න ආපු පරපෝශිතයාට වැඩේ වරදින්නේ ෂිනිචි ඌත් එක්ක සටන් කරන නිසා. අන්තිමේදී පරපෝෂිතයට සිද්ද වෙන්නෙ ෂිනිචිගේ අතට පනින්න. අතේ ඉදන් සහජීවී විදියට ජීවත් වෙන ගමන් මේ දෙන්නා යාලුවෝ වෙනවා. යාලු වෙලා පිස්සු කෙළිනවා. මෙයා ෂිනිචිව කිහිප වතාවක්ම පරපෝෂිතයන්ගෙන් බේරගන්නවා වගේම සුපිරි හැකියාවන් කිහිපයකුත් ලබා දෙනවා.

ඉතින් මේ පරපෝෂිතයන් ක්‍රම ක්‍රමයෙන් පාසල්, ආරක්ෂක අංශ, සහ දේශපාලනය පවා ආක්‍රමණය කරනවා. මිනිස්සු රැසක් මරාගෙන කනවා. ඒත් ඇත්ත කතාව දන්නෙත්, උන්ට එරෙහිව සටන් කරන්න ඉන්නෙත් ෂිනිචි සහ ඔහුගේ යාලුවා විතරයි. මේ සටන
අතර මගදි ෂිනිචිගේ ආදරණීය කෙනෙකුත් පරපෝෂිත ග්‍රහණයට හසු වෙනවා. ඒ කවුද, ෂිනිචි සහ ඔහුගේ සගයා කොහොම දිවි බේරා ගනීවිද, මානව සංහතියේ අනාගතය කොයි වගේ වෙයිද? කතාව බලලම දැනගන්න.

සාමාන්‍ය තොරතුරු කිව්වොත්, මේ චිත්‍රපටය අධ්‍යක්ෂණය කරලා තියෙන්නේ ටකාෂි යමසාකි කියලා අධ්‍යක්ෂක වරයෙක්. කතාවේ ධාවන කාලය මිනිත්තු 109ක්. දිගයි තමයි. හැබැයි ඉතින් ආදායම නම් ජපන් යෙන් බිලියන දෙකක් වගේ ඉහල අගයක් අරගෙන තියෙනවා. ඉතින් මේ කතාවට ලැබෙන ප්‍රතිචාර මත දෙවන කොටසත් අරගෙන එන්න මම බලාපොරොත්තු වෙනවා. ඉතින් උපසිරසියේ අඩුපාඩුවක් තිබුණොත් සමාවෙන්න. ඒ වගේම පෙන්නලා දෙන්න.

ස්තූතියි.

 

 

 

Due to copyright issues, we do not provide any torrent links.

 

Parasyte.Part.1.2014.1080p.BRRip.x264.DTS-JYK

මෙම ලබා දී ඇති උපසිරැසි ඉහත පිටපත සඳහා අදාළ වේ.

1,780 downloadsDownload Parasyte-Part-1.zip38 KB

 

https://d36zzuvfojr38z.cloudfront.net/wp_content/uploads/2016/07/MalindaPitigala1.png මේ ලබා දී ඇති සිංහල උපසිරැසි පිළිබද “මාලින්ද පිටිගල” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.