Parava (2017) Sinhala Subtitles | පරෙවි ජීවිත..! [සිංහල උපසිරැසි සමඟ]

හසීබ්,ඉර්ෂාඩ්(ඉචාපි) කියන්නේ ගජ යාළුවෝ දෙන්නෙක්.මේ දෙන්නා විනෝදාංශ විදියට මාළු,පරෙවියෝ වගේ සත්තු ඇති කරනවා.ඉචාපිගේ ගෙදර පරෙවි කූඩුවක් තියෙනවා.මෙහෙම ඇති කරන පරෙවියෝ මේ දෙන්නා එකතුවෙලා පුහුණු කරනවා.ඒ ඉස්සරහට තියෙන පරෙවි තරඟයක් වෙනුවෙන්.මෙයාලගෙත් එක්ක තරඟ වදින්න ඉන්න තවත් කට්ටියක් ඉචාපිගේ ගේ ළඟම ඉන්නවා.ඉචාපි,හසීබ් දෙන්නා දන්නේ නැති වුනත් එයාලා දෙන්නා ඇති කරපු දක්ෂම පරෙවියා ඉන්නේ මේ කියන ප්‍රතිවාදියා ගාව.කාලෙකට කලින් මෙයා පරෙවියා හොරකම් කරත් මේ දෙන්නා දන්නේ නෑ හරියටම පරෙවියා කා ළඟද තියෙන්නේ කියන එක.

දේවල් ඔය විදියට සිද්දවෙන අතරේ ඉචාපි දකිනවා එයාලගේ පාසලට අලුත් ගෑණු ළමයෙක් ඇවිත් තියෙනවා කියලා.ඉචාපිට එයාව දැකපු ගමන් හිත යනවා.හැබැයි ඉතින් ඉචාපි වගේ කීපදෙනෙක්ම මෙයා පස්සෙන් එනවා.

ඔය දේවල් එක්කම ඉචාපිට අයියා කෙනෙක් ඉන්නවා.එයා ෂේන්.ඉචාපිගේ අයියා ටිකක් වෙනස් කෙනෙක්.එයා සමාජෙන් හැංගිලා වගේ තමයි ඉන්නේ.මෙයා පවුලේ අනිත් අයත් එක්ක බොහොම අඩුවෙන් තමයි කතා කරන්නේ.කොටිම කිව්වොත් අයියා එයාලගේ තාත්තා එක්ක කතා කරන්නෙම නෑ.

මේ විදියේ කතාවක් තමයි ෆිලුමේ තියෙන්නේ.කොහොමවුනත් කතාවේ වැදගත්ම චරිතය මෙතන කියවුනේ නෑ .ඒ තමයි ඉම්රාන්(Dulquer Salmaan).ඉතින් ඉම්රාන් මේ කතාවට සම්බන්ධ වෙන්නේ කොහොමද? පරෙවි තරඟයට මොනවා වෙයිද? ඉචාපි එයාගේ ආදරවන්තිය යාළු කරගනියිද? ඉචාපිගේ අයියා-ෂේන්ගේ අමුතු හැසිරීමට හේතුව මොකක්ද? මේ තමයි, Parava (2017).

ෆිලුම තිරගතවෙන්නේ ගිය අවුරුද්දේ සැප්තැම්බර් 21. ඔව්,තිරගතවෙලා සෑහෙන කාලයක් යනවා මේකේ පිටපතක් අන්තර්ජාලයට නිකුත්වෙන්න.ගොඩක් මුලාශ්‍රවල මේකේ DVD පිටපත් ළඟදීම නිකුත්වෙනවා කියලා කීපසැරයක්ම දැනුම් දුන්නත් අන්තිමට මැයි මාසේ අග තමයි ඒ විදියට DVD පිටපත් නිකුත්වෙලා හොඳ පිටපතක් අන්තර්ජාලයට එන්නේ. ෆිලුම මේ වෙද්දී දහසකට වැඩි IMDb මනාපයෙන් 8.5ක් වගේ ඉහල අගයක් ලබාගෙන තියෙනවා.හුඟක් අය ෆිලුම එනකල් බලාගෙන හිටියේ මේකේ DQ ආරාධිත රඟපෑමක් වෙනුවෙන් පෙනී ඉන්න නිසා.හැබැයි හරියටම කිව්වොත් ඒක ආරාධිත රඟපෑමක් ම නෙවෙයි.චිත්‍රපට මූලාශ්‍රවල කියවෙන්නේ ඒ “දිගු ආරාධිත රඟපෑමක්” කියලා.ඔව්,ඒ දෙකේ වෙනසක් තියෙනවා.ඒ කිව්වේ චිත්‍රපටයේ එක් විශේෂ අවස්ථාවකට පෙනී ඉඳලා අතුරුදහන් වෙලා යනවට වඩා වැඩි චරිතයක් වෙනුවෙන් තමයි දුල්කර් ෆිලුමට පෙනී ඉන්නේ.ඒ වගේම ෆිලුමේ මුළු ජීව ගුණයම රැඳී තියෙන්නේ දුල්කර් පෙනී ඉන්න මේ චරිතය නිසා කිව්වොත් ඒකෙ වරදක් නෑ . ඉතින් මේ දේවල්වල හරි වැරැද්ද ෆිලුම බලලම තීරණය කරන්න කියලා අවසාන වශයෙන් මතක් කරනවා.

එහෙමනම් තවත් ෆිලුමකින් ආයෙත් හමුවෙමු. එතෙක් ඔබට ජය!

 

 

Due to copyright issues, we do not provide any torrent links.

මෙම ලබා දී ඇති උපසිරසි DVDRip පිටපත් සඳහා වලංගු වේ.

9,954 downloadsDownload Parava-2017.zip44 KB

https://d36zzuvfojr38z.cloudfront.net/wp_content/uploads/2017/01/TharinduRRasanga1-e1485642059118.jpg මේ ලබා දී ඇති සිංහල උපසිරැසි පිළිබද “තරිඳු රසාංග” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

Subtitle Contributor Rank

BRONZE MEMBER
JOINING DATE – 2017-01-29
SUBMAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.