Prince (2022) Sinhala Subtitles | බුද්ධිමත්තුන්ගේ තෝතැන්නේ ප්‍රේමයක්. [සිංහල උපසිරසි]

අන්බු දේවනකෝට්ටෛ ගමේ ජීවත් වෙන පාසල් ගුරුවරයෙක්. මේ දේවනකෝට්ටෛ ගම තාමත් අවුරුදු ගාණකින් පස්සෙන් ඉන්නෙ. මේ ගමේ නිතර නිතර කුල භේද ආරවුල් ඇතිවුණා. නිතර නිතර සිද්ද වෙන මේ ආරවුල් බේරුම් කරන්නෙ අන්බුගේ තාත්තා උලගනාදන්. මෙයාට ගමේ මිනිස්සු උලගනාදන් මහත්තයා කියලා ගෞරවයෙන් කතා කලා. උලගනාදන් හයවෙනි බුද්ධියක් තියෙන, ස්වෝත්සාහයෙන් හිතන්න කෙනෙක්. අන්බුගේ අම්මව තමයි උලගනාදන් මහත්තයා කසාද බැඳලා තිබුණෙ. අන්බුට වඩා වැඩිමහල් කෙනෙක් වුණ උලගනාදන්, ගමේ ගෞරවණීය විදිහට ජීවත් වුණ කෙනෙක්. ඒත් අන්බුගේ නංගි තමන්ගේම කුලයේ කෙනෙක් එක්ක පැනලා ගිය හින්දා උලගනාදන්ගේ නාමයට පැල්ලමක් ඇති වෙලා තිබුණා. ඉතින් උලගනාදන්, තමන්ගේම කුලයෙන් කසාදයක් කරගන්නෙ නැහැ කියලා සහතික කරලා අන්බුගෙන් ලියුමක් අරගන්නවා. ඔහොම වෙද්දි, අන්බු වැඩ කරපු ඉස්කෝලෙට ජෙසිකා කියලා අලුතෙන් ගුරුවරියක් එකතු වෙනවා. ජෙසිකා බ්‍රිතාන්‍ය ජාතික තරුණියක්. අන්බුගේ හිතේ ජෙසිකා ගැන ආදරයක් ඇති වෙනවා. ජෙසිකා මුලින් කැමති නැති වුණත් ටික දවසකින්ම අන්බුට කැමති වෙනවා. ඒ වුණත් ජෙසිකාගේ තාත්තා ඉන්දියානුවෙක් වුණ අන්බුට කැමති වුණේ නැහැ. මේ නිසා අන්බු ජෙසිකාගේ තාත්තව කැමති කරගන්න ක්‍රමයක් ගැන කල්පනා කරමින් ඉන්නවා. ජෙසිකා පාසල් ගුරුවරියක් විදියට රැකියාව කලත් ජෙසිකාගේ පවුල අද හෙටම ආපහු ලන්ඩන් යන්න බලාගෙන හිටියේ. ජෙසිකාගේ තාත්තා ජෙසිකා ඉස්කෝලෙට බැඳුන එක ගැන අකමැත්තෙන් හිටියේ. කොහොම වුණත් එයාලා ලන්ඩන් යන්න, එයාලගෙ ඉඩම විකිණෙන කල් බලාගෙන හිටියා. ඒත් මේ ඉඩම භූපති කියලා කෙනෙක් වංචාවෙන් අරගන්න හදනවා. භූපති නිතරම ජෙසිකාගේ තාත්තා විලියම් එක්ක ආරවුල් ඇතිකර ගත්තා. භූපතිට උලගනාදන්ගේ සහය ලැබෙද්දි විලියම්ස්ට සහය ලැබුණේ තුවක්කුවෙන්. අන්බුට ජෙසිකාව ලබාගන්න එයාගේ තාත්තාගේ කැමත්ත ඕනේ. ඒත් ජෙසිකාගේ තාත්තාට එයාගේ ඉඩම ඉක්මනටම විකුණගෙන ලන්ඩන් යන්න බලාගෙන ඉන්නෙ. භූපතිටත් ඒ ඉඩම උවමනා වෙලා තිබුණා.

මෙහි රංගනයෙන්, මරියා රියාබොෂ්ප්කා, සත්‍යරාජ්, ප්‍රේම්ජි අමරෙන්, ආනන්දරාජ් යන අය එතතු වෙනවා. ඒ වගේම නළු සූරි, සුළු කොටසක් සඳහා සහභාගි වෙනවා.තෙළිඟු අධ්‍යක්ෂකවරයෙක් වුණ අනුදීප්ගෙ අධ්‍යක්ෂණයෙන් නිර්මාණය වෙන මේ චිත්‍රපටය දෙමළ, තෙළිඟු භාෂා දෙකෙන්ම නිකුත් කලා. අනුදීප් Jaathi Ratnalu (2021) චිත්‍රපටය අධ්‍යක්ෂණයෙන් වඩාත් ප්‍රසිද්ධියට පත් වුණා. ජාති රත්නාලු චිත්‍රපටය ඉ.රු. කෝටි 4ක් වගේ ඉතාමත් අඩු මුදලකින් නිෂ්පාදනය කරන්නෙ. තිරගත කිරීමෙන් පස්සෙ මේ චිත්‍රපටයට ඉතාමත් ඉහල ප්‍රතිචාර හිමිවුණා. ඒ වගේම ආදයම ඉ.රු. කෝටි 80ක් පමණ ලබා ගන්නවා. විශේෂත්වය මේ චිත්‍රපටය මුළුමනින්ම වාගේ හාස්‍යමය චිත්‍රපටයක්.

චිත්‍රපටයට සංගීතය සපයන්නෙ අපේ ද මෑන්. ගීත තුනක් මේ චිත්‍රපටයට ඇතුලත් වෙනවා. “බිම්බිලිකි පිලාපි” ගීතය ගායනයෙන් අනිරුද් එකතු වෙනවා. අනිරුද් – ශිවකාර්තිකෙයන් දෙන්නගේ සංයුතිය දන්න දෙයක්. මේ දෙපලගේ සංයෝගයෙන් නිර්මාණය වුණ ගීත වාර්තා පවා පිහිටුවලා තියෙනවා. ඒ වගේම “ජෙසිකා” සින්දුව ගායනා කරන්නෙ තාමන්මයි. Don (2022) චිත්‍රපටයේ ශිවකාර්තිකෙයන්ගේ නර්ථනය ආකර්ෂණීය නිසාම ෂෝබි මාස්ටර්ව “බිම්බිලිකි පිලාපි”, “ජෙසිකා” ගීතවල නර්ථන රචනයට සම්බන්ධ කරගෙන තියෙනවා. Doctor (2021), ඩොන් චිත්‍රපට අතරට පිළිවෙලින් මේ චිත්‍රපටයත් ඉ.රු. කෝටි 100 පහු කරාවි කියන බලාපොරොත්තුව තිබුණා. ඒ වුණත් මේ චිත්‍රපටය ආදායම් වශයෙන් ශිවකාර්තිකෙයට තවත් අසාර්ථක චිත්‍රපටයක්. ශිවකාර්තිකෙයන් දිගින් දිගටම හාස්‍ය වර්ගීකරණයේ චිත්‍රපටි තෝරාගන්නවා කියලත් විවේචන එල්ල වුණා. ඊලඟට එන්න තියෙන මාවීරන් ක්‍රියාදාම චිත්‍රපටයක්. ශිවකාර්තිකෙයන්ගේ තේරීම සාර්ථක වේවිද කියලා ඉස්සරහට බලාගන්න පුළුවන් වේවි.

ඔක්තෝබර් 21 දීවාලිය වෙනුවෙන් නිකුත් වුණ මේ චිත්‍රපටයට සෘණ වගේම සාමාන්‍ය ප්‍රතිචර තමයි ලැබුණෙ. විශේෂයෙන් තමිල්නාඩු ප්‍රේක්ෂකයින්ගෙන් වැඩි වශයෙන් සෘණාත්මක විවේචන ලැබෙද්දි තෙළිඟු ප්‍රේක්ෂකයින්ගෙන් වඩා හොඳ ප්‍රතිචාර ලැබුණා. කොහොම වුණත් මේ වෙද්දි ඉ.රු. කෝටි 30ක පමණ ආදායමක් ලබාගෙන තියෙනවා. මේ චිත්‍රපටයට ලැබුණු Imdb අගය 5/10ක්. ඒ වගේම TOI අගය කිරීම 2/5ක්. බලනවද නැද්ද කියන තීරණය ඔයාලට බාරයි. වෙන වැඩ රාජකාරි නැතිව නිවී සැනසිල්ලෙ මේ චිත්‍රපටය බලනව නම් ගොඩක් හොඳයි. මොකද කලබලෙන් බැලුවොත් චිත්‍රපටියේ හාස්‍ය මඟහැරෙන්න පුළුවන්. වෙනදා වගේම අදහස් දක්වන හැමෝටම ස්තූතියි! ආයේමත් තවත් චිත්‍රපටයෙන් හමුවෙමු!

බුදු සරණයි! සියලු දෙවි දේවතාවුන්ගේ රැකවරණයි!

 

 

 

Due to copyright issues, we do not provide any torrent links.

මෙම ලබා දී ඇති උපසිරසි Tamil HQ HD පිටපත සඳහා අදාළ වේ.

7,100 downloadsDownload Prince-2022-HQ-HDRip.zip7.3 MB

මේ ලබා දී ඇති සිංහල උපසිරැසි පිළිබද “රවිඳු නවින්” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

 

Subtitle Contributor Rank

BRONZE MEMBER
JOINING DATE – 2017-06-14
SUB-MAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.