Queen (2018) Sinhala Subtitles | කාන්තාවන් කියන්නෙ පිරිමින්ගේ වගකීමක්..! [සිංහල උපසිරැසි සමඟ]

ඉංජීනේරු පීඨයේ උපාධිය හැදෑරීමට විවිධ පලාත් වලින් ආපු ශිෂ්‍යයින් පිරිසක්..!
මුළු පීඨයටම ඉන්නේ එකම එක ශිෂ්‍යාවක්..!

චිත්‍රපටියේ සම්පූර්ණම කතාවට ඇතුලත් වෙලා තියෙන්නේ ඔන්න ඔය කාරණා දෙක. ඉතින් බැලු බැල්මට ප්‍රේක්ෂක ඔබට නම් හිතෙයි නිකන් විශ්ව විද්‍යාලේ යන කට්ටියකගේ කතාවක් වෙන්න ඇති.? ඒත් අවුලක් නෑ මලයාලම් කතාවක්නේ ඒක නිසා නියමට ඇති ඔන්න ඔය විදියේ අදහස් වලට ඔයාලට එන්න පුලුවන් මලයාලම් සිනමා රසිකයින්ට අමුතුවෙන් ඒ නිර්මාණවල තියෙන සූක්ෂමතාව,තියුණු භාවය,අදහස් ප්‍රකාශ කිරිම, හරිම සරල භාවය වගේම සැබෑ ජිවිතේම තිබෙන ප්‍රායෝගික කම මෙන්න මේ කරුනු ගැන කියන්න අවශ්‍යම නෑ’ ඒත් ඔබ මලයාලම් චිත්‍රපටි අලුතින්ම බලන්න යන කෙනෙක් නම් ඔබ මා පෙර කියු කරුණු වල සත්‍ය අසත්‍යයභාවය මලයාලම් සිනමාපට නරඹලා රසවිඳලම හොයලා බලන්න.!

ඊලඟට අහන්න ඕන දේ තමයි මේ චිත්‍රපටිය නිකුත් වෙලා සෑහෙන්න කාලයක් ගත වෙලත් අපේ අනිකුත් උපසිරැසි කරුවන්ට මේ වගේ ඉස්තරම් සිනමා නිර්මාණයක් කොහොම මඟ ඇරුනද කියන ප්‍රශ්නේ..? හරි හරි ඒවගෙන් වැඩක නෑ කොහොමින් හරි උෂාන් පියුමාල් සහෝගේ ආරාධනාව මත නිකමට වගේ චිත්‍රපටිය බලලා රසවිඳලා භාරගත්ත වැඩ තව කොච්චර තිබුණත් මේ වගේ නිර්මාණයකට උපසිරැසියක් කරන්නේ නැතුව වෙන මොනවට උපසිරැසි කරන්නද කියලා හිතලා වැඩේට අතගහන් ඉද්දි බයිස්කෝප් අඩවියේම තවත් කාර්ය්‍ය ශූර්ය්‍ය වේගවත් උපසිරැසිකාරිණියක් වෙන හෙළිලී හේමමාලි නංගිත් මේ වැඩේට සම්බන්ධවුනා. එහෙනම් උශාන් පියුමාල් සහෝටයි වෙනදා වගේ සංස්කාරක සිසිල ප්‍රසාද් සහෝටත් ස්තුතීවන්ත වෙමින් චිත්‍රපටය වෙතට අවදානය යොමුකරන්නයි මේ සූදානම.

ජාත්‍යන්තර චිත්‍රපට සංචිත දර්ශකයේ ලකුණු 10 න් 7.3 ක්ම අරගත්ත උනාට මම නම් පෞද්ගලිකව දරණ අදහස මීට වඩා වැඩි ලකුණු ප්‍රමාණයක් මේ චිත්‍රපටියට හිමිවෙන්න ඕන කියන එකයි. නවක නළු නිලියන් කීපදෙනෙක් එකතුවෙලා චිත්‍රපටයේ රඟපෑවා උනාට උපරිම මට්ටමෙන් සෑහීමකට පත්වෙන්න පුලුවන් මෙහි ප්‍රදාන චරිතය නිරූපණය කරන “සානියා අයියප්පන්“ ගේ රංගනය අද්විතීයයි. එහෙනම් තවත් පරක්කු නොකර සලරුව පුරාවට ගලාගෙන යන ඒ කතා වස්තුවෙන් බිඳක් හෙළිලී හේමමාලි නංගි විස්තර කරයි.

චින්නු..! උරහිස ගාවට වෙන්න වැවුනු චින්නුගෙ කෙහෙරැලි කෙල්ලටත් වඩා දඟකාරයි. අඳුනන, නාඳුනන කාට වුනත් උදව්වක් කරන්න චින්නු කවදාවත් බෑ කිව්වේ නෑ. එයා හිනා වුනේ හදවතින්මයි. ඒත් කැම්පස් එක ඇතුළේ චින්නුව ප්‍රසිද්ධ වුනේ යාන්ත්‍රික ඉංජිනේරු පීඨයට ඇතුලු වුන එකම කෙල්ල විදියට.. කොල්ලෝ ගොඩක් මැද්දේ එකම කෙල්ල වෙන එක කොයි වගේ දෙයක්ද? සතුටට කොල්ලෝ ටික තොරණ් ගහලා, මල් මාලා දාලා චින්නුව පිළිගනී කියලද හිතුවේ? ඇත්තටම වුනේ ඒකෙ අනික් පැත්ත. කෙල්ල එනවා කියලා ආරංචි වුන ගමන් එයා දිහා ඇහැක් ඇරලවත් බලන්නෙපා කියලා කොල්ලො අතරේ එකඟතාවයක් ඇති වුනා. ඒත් වැඩිකල් යන්න කලින් චින්නුගෙ ආදරේ ඒ හැම කොල්ලෙක්ගෙම හිත මෙළෙක් කළා. චින්නු භේදයක් නැතුව ඒ හැමෝටම ආදරේ කළා, ඒක පිරිමියෙක්, කාන්තාවක් අතර ඇති වෙන සාමාන්‍ය ආදර සම්බන්ධයක් නෙවෙයි, චින්නු කියන්නෙ අපිරිමිතව ආදරේ බෙදන්න පුලුවන් අපූරු සගයෙක් වුනේ අන්න එහෙමයි. අන්තිමේ යාන්ත්‍රික ඉංජිනේරු පීඨේ කොල්ලොන්ට එපාම කරපු චරිතයක් වුන චින්නු, එයාලගෙ හොඳම යාලුවා වුනා. මගේ චින්නු නෙවේ, “අපේ චින්නු” වුනා..! චින්නුගෙ හිනාවෙන් බාලු, එල්දෝ ඇතුලු යාලුවන්ගෙ ලෝක විතරක් නෙවෙයි, මුලු ලෝකයක්ම බබළවන්න තිබුනා.. ඒ දේ සිද්ධ නොවුනා නම්.!

අනික් හැම කෙනෙක්ටම වගේ චින්නුගේ හිනාවට යටින් කඳුලු කතාවක් තිබුනා. ඒ කඳුලු මිත්‍රත්වයේ නාමෙන් පිසලන්න හදද්දී නොසිතූ විරූ සිදුවීමක් සිදුවෙනවා. සමහරවිට මේ සලරුව නරඹන අතරේ ඔබටත් හොරා චින්නු ඔබේ හිත පැහැර ගනීවි. ඒත් එක තැනකදි ඔබේ හදවත දුකින් පුරවන්නත් ඔබේ චින්නුම හේතුවක් වේවි.. මීට වඩා වැඩි දෙයක් කියන්න ගියොත් තේරුමක් නැති වෙනව කියල හිතෙනවා. කොහොම වුනත්, මේ සලරුව ඉතාමත් කාලීන සමාජ පණිවුඩයක් දෙන සලරුවක් කියනෙක කියන්නම ඕනේ. කිසිම කම්මැලිකමක් නැතුව පැය දෙක හමාරක විතර කාලයක් සිනාසෙන්න, හඩන්න, අවසානයේ යමක් සිතන්න ඔබට අවස්ථාව සලසන මේ සලරුව නරඹන්න ආදරයෙන් ආරාධනා කරනවා. සිංහල උපසිරැසිය නිර්මාණයට මාවත් සම්මාදන් කරගත්ත අපේ MTR තරිඳු රුක්ෂාන් පෙරේරා අයියට බොහොම ස්තූතියි කියන්න ඕන.

“කාන්තාවන් කියන්නෙ පිරිමින්ට තවත් අවස්ථාවක් නෙවෙයි, කාන්තාවන් කියන්නෙ පිරිමින්ගේ වගකීමක්..!”

ඔබ සියලු දෙනාට කඳ සුරිඳු පිහිටයි..!

 

 

 

Due to copyright issues, we do not provide any torrent links.

ලබා දී ඇති උපසිරසිය Original DVDRip පිටපත් සඳහා පමණක් අදාළ වේ.

8,818 downloadsDownload Queen-2018.zip64 KB

මේ ලබා දී ඇති සිංහල උපසිරැසි පිළිබද “ M.T.R. තරිදු රුක්ෂාන් පෙරේරා ” සොහොයුරාට සහ “ හෙළිලි හේමමාලි ” සොහොයුරියට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔවුන්ගේ අවසරය මතම සිදුවිය යුතුය.