Race (2016) With sinhala subtitles | ඔලිම්පික් රන් පදක්කම් ලාභී ජෙසී ඔවන්ස්ගේ කතාව… [සිංහල උපසිරසි සමඟ]

“ධාවන පථයේ ඉන්න ඒ තප්පර දහය තුල, සුදුද කලුද කියල භේදයක් නැහැ, තියෙන්නෙ වේගය නැත්නම් මන්දගාමී බව විතරයි” 

1930දී, ඔහිඕ ජනපද විශ්වවිද්‍යාලයට තේරී පත් වන ජෙසී ඔවන්ස් නැත්නම් අපේ කතා නායකය තමයි තමන්ගෙ පවුලෙන් පළවෙනියටම විශ්වවිද්‍යාලයකට යන්න වරම් ලබන්නෙ. මේ කාලෙ ඇමරිකාවෙ කළු සුදු භේදය තදටම පැවතුණු කාලයක්. ඉතිං ජෙසීත් විශ්වවිද්‍යාලයට ගිය අලුත විවිධ ප්‍රශ්න වලට මුහුණ දෙනව. කොහොමින් කොහොම හරි තරුණ ජෙසීගේ දිවීමේ හැකියාව දකින පුහුණුකරු ලැරී ස්නයිඩර් ජෙසීව ජවන හා පිටිය මළල ක්‍රීඩකයෙක් විදිහට පුහුණු වීම් වලට බඳවා ගන්නව. ලැරීගේ පුහුණුකරවීම යටතේ ජෙසී ජාතික මට්ටමේ වාර්තා කිහිපයක්ම තමන් සතු කරගනිමින් ඇමරිකාව තුල ජාතික මට්ටමෙන් පිළිගැනීමක්ද ලබාගන්නවා. ඒ අතර උණුසුම් වාද විවාද කිහිපයකටම පසුව ඇමරිකා එක්සත් ජනපදය, ඇඩොල්ෆ් හිට්ලර්ගේ ඒකාධිපති පාලනය යටතේ පවතින ජර්මනියේ බර්ලින් නුවර පැවැත්වීමට නියමිත ඔලිම්පික් තරඟාවලිය වර්ජනය නොකර එයට සහභාගී වීමට තීරණය කරනවා. අවසානයේ දේශීය වශයෙන් මෙන්ම විදේශීය වශයෙන්ද එකල දැඩිව පැවති ජාතිවාදය පරදවාලමින් ජෙසී ඔවන්ස් බර්ලිනයට මෙන්ම සමස්ථ ලෝකයටම තමන් ලෝකයේ වේගවත්ම මිනිසා බව විවේචනයකින් තොරව ඔප්පු කර පෙන්වනවා.

“ජෙසී ඔවන්ස්” ලෙස සම්මාන ලාභී නළු Stephan James ගේද ඔහුගේ පුහුණුකරු ලැරී ස්නයිඩර් ලෙස සම්මාන ලාභී නළු Jason Sudeikis ගේද ජෙසීගේ බිරිඳ “රූත් සොලමන්” ලෙස Shanice Banton ගේද රංගනයන්ගෙන් වර්ණවත් වන මේ සලරුව සම්මාන ලාභී අධ්‍යක්ෂක Stephen Hopkins විසින් අධ්‍යක්ෂණය කරනු ලැබූ IMDb දර්ශකයේ චරිතාපදාන, නාට්‍ය සහ ක්‍රීඩා ලෙස වර්ගීකරණයට ලක් වූ සිනමා පටයක්. සත්‍ය කතාවක් මත පදනම්ව නිර්මාණය කෙරුණු පැය 2යි මිනිත්තු 14ක් පුරා දිවෙන මෙම සිනමාපටය 2016 පෙබරවාරි 19 වන දින කැනඩාවේදී සහ ජර්මනියේදී එකවර  ප්‍රදර්ශනය සඳහා නිකුත් කෙරුණා. තවද මෙම සිනමාපටය මේ වන විට IMDb දර්ශකයේ 7.1/10 ක් වගේ ඉහල අගයක් මෙන්ම Rotten Tomatoes ප්‍රේක්ෂක ප්‍රතිචාර 61%ක් දිනාගන්නටත් සමත්වෙලා තියෙනවා.

මට මේ සිනමාපටය භාර දුන්න හසන්ත වික්‍රමරත්න අයියටත් ස්තූතිවන්ත වෙන ගමන් හැමෝටම කතාව බලන්න කියල ආරාධනා කරනව.

එහෙනම් තවත් උපසිරැසියකින් හමුවනතුරු ඔයාලට සුබ දවසක්  😀  😀

 

 

සියලුම BR පිටපත් සඳහා උපසිරැස අදාළ වේ.

3,391 downloadsDownload Race-2016.zip92 KB

 

https://d36zzuvfojr38z.cloudfront.net/wp_content/uploads/2014/11/හසන්ත-මාලිංග.jpg මේ ලබා දී ඇති සිංහල උපසිරැසි පිළිබද “හසන්ත මාලිංග” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.