Raja Hindustani (1996) With Sinhala Subtitles | දුප්පත් පොහොසත් ආදරේ… [සිංහල උපසිරසි සමඟ]

ඔන්න සෑහෙන කාලෙකට පස්සෙ තවත් හින්දි චිත්‍රපටියක් අරගෙන ආවා. බාර අරන් නම් මාස ගානක් වෙනවා, ඒත් ඔන්න ඉවර කර ගන්න පුලුවන් උනේ දැන් තමයි. ඉතින් මන් මේ පාර ගෙනාවෙත් ලස්සනම ලස්සන ආදර කතාවක්. 1996 වර්ෂයේ තිරගත උනු මේ චිත්‍රපටිය IMDb අගය 6.1 වෙනවා. අධ්‍යක්ශනය කරල තියෙන්නෙ Mela, Dhadkan, Haan Maine Bhi Pyaar Kiya Hai වැනි චිත්‍රපටි අධ්‍යක්ශනය කරපු Dharmesh Darshan විසින්. මේ චිත්‍රපටිය 1965 වසරේ තිරගත වූ Jab Jab Phool Khile චිත්‍රපටියේ නැවත නිශ්පාදනයක්. ඒ වගේම 1996 වසරෙ වැඩිම ආදායමක් ලබා ගන්නෙත් මේ චිත්‍රපටියම තමයි.

රංගනයෙන් දායක වෙන්නෙ අමීර් කාන් සහ කරිශ්මා කපූර් (මේ චරිතය සඳහා මුලින්ම අයිශ්වර්‍යා රායි නිර්දේශ උනත් එයාගෙ අධ්‍යාපන කටයුතු නිසා බාරගෙන නැහැලු. ඊටත් පස්සෙ දීල තියෙන්නෙ ජුහී චව්ලාට. එයත් කොහොම හරි බැහැ කියල ඊට පස්සෙ තමයි කරිශ්මට ලැබිල තියෙන්නෙ.) මේ චරිතෙ නිසා කරිශ්මාට හොඳම නිළියට හිමි Filmfare සම්මානයද හිමි උනා. ඒ වගේම අමීර් කාන්ටද හොඳම නලුවාට හිමි Filmfare සම්මානය හිමි උනා (මේ ඔහුගේ පලවෙනි සම්මානයයි).

මෙහි සංගීත අධ්‍යක්ශනය කරල තියෙන්නෙ Nadeem-Shravan විසින්. ලස්සනම ලස්සන සිංදු 8ක් ම මෙහි තියෙනවා. හැබැයි ඒ සිංදු වලින් 4කට විතරයි සබ් නම් තියෙන්නෙ. ගීත ගායනා කරන්නෙ Alka Yagnik, Kumar Sanu, Udit Narayan, Sapna Awasthi, Alisha Chinai, Sapna Mukherjee සහ Suresh Wadkar. මෙහි එන Pardesi Pardesi ගීතය වෙනුවෙන් Udit Narayanට හොඳම ගායනයට හිමි  Filmfare සම්මානයද හිමි උනා.

කතාව ගැන කියනව නම්, රාජා හින්දුස්තානි කියන්නෙ පාලන්කේට් වල ඉන්න අහිංසකම අමුතුම විදිහෙ ටැක්සි ඩ්‍රයිවර් කෙනෙක්, සංචාරක මග පෙන්වන්නෙක්. දවසක් එයාට එයාර්පෝර්ට් එකේ ඉඳන් හයර් එකක් ලැබෙනවා ලස්සන ගෑනු ලමයෙක්ව එක්කගෙන යන්න පාලන්කේට් වලට. ඒ තමයි ආරතී. ආරතී මේ ගමට එන්නෙ එයාගෙ ආරක්ශකයො දෙන්නත් එක්ක. ආරතී කියන්නෙ ගොඩක්ම පෝසත් පවුලක කෙනෙක්. පොඩි කාලෙම අම්ම නැති වෙලා කුඩම්මයි තාත්තයි එක්ක ජීවත් වෙන්නෙ. එයාල වෙන් කරපු හෝටලේ ඉඩ නැති නිසා රාජා එයාලව එක්කගෙන යනවා රාජාගෙ ගෙදරට. ආරතීව පාලන්කේට් වල ඇවිදින්න එක්කන් යන්නෙ රාජා තමයි. මේ අතරෙ ආරතී රාජාට ආදරේ කරන්න පටන් ගන්නවා.

ආරතීගෙ තාත්තා එනව ආරතීව ආපහු එක්ක ගෙන යන්න ආවම දැන ගන්නව මේ දෙන්නගෙ ආදර කතාව. ආරතීගෙ තාත්තා මේ කසාදෙට කැමති වෙනව හැබැයි කොන්දේසියකුත් දාල. ඒ තමයි රාජා ආරතීගෙ ගෙදර ගිහිල්ල එයාලගෙ සමාජෙට ගැලපෙන විදිහට හැඩ ගැහෙන්න ඕනෙ කියන එක. රාජා ඒකට කැමති වෙන්නෙ නෑ ආරතීට තීරනයක් ගන්න කියනවා. ආරතී තමන්ගෙ ආදරේ අතාරින්න කැමති වෙන්නෙ නෑ. ආරතී රාජා එක්ක නවතින අතරෙ ආරතීගෙ තාත්තා යනවා. ඉතින් මේ දෙන්නා කසාද බඳිනවා. ඊට පස්සෙ හිතපු නැති විදිහට තව ගොඩක් ප්‍රශ්න ඇති වෙනවා. ඊට පස්සෙ වෙන ටික නම් මම කියන්න යන්නෙ නෑ.

ඉතින් මේ ලස්සන කතාව බලන අතරෙ කොමෙන්ටුවකුත් දාගෙන යන්න කියන ගමන් අපිත් යනවා, ආයෙත් උපසිරැසියකින් හම්බ වෙමු. ඒස්වාඃ පොහ්ඃ !!!

 

 

1.4 GB කොපිය මෙතනින් බාගන්න

2E023E5AAD1C1B598BA5A9BC18769EA653B0D831 Hash tag එක මාර්ගයෙන් ඉතා පහසුවෙන්ම, මෘදුකාංගය හරහා පමණක් ටොරන්ට් එක බාගත කරගන්න උපදෙස් සිංහලෙන්ම මෙතන තියනවා.

1,435 downloadsDownload Raja-Hindustani-1996.zip57 KB

 

https://d36zzuvfojr38z.cloudfront.net/wp_content/uploads/2014/10/MuthuA.jpg මේ ලබා දී ඇති සිංහල උපසිරැසි පිළිබද “දහරා මුතු අමා” සොහොයුරියට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඇයගේ අවසරය මතම සිදුවිය යුතුය.