Rebecca (1940) sinhala subtitles | පින පෑදුන දා [සිංහල උපසිරසි සමඟ]

අප්පා!!!!! සෑහෙන කාලෙකට පස්සෙ ඔන්න ආයෙත් අලුත් උපසිරැසියක් පරණ ෆිල්ම් එකකට අරගෙන ආව. අන්තිමට දීපු දෙක තුන වගේම මේකත් මහා සිනමාකරු ඇල්ෆ්රඩ් හිච්කොක් ශ්‍රීමතාණන් ගේ. ඒ වගේම මගේ ලඟ තියෙන අවසාන හිච්කොක් ෆිල්ම් එක. තව හොයාගමු පහුවෙනකොට. බලමුකො ෆිල්ම් එකේ විස්තර එහෙනම්.

1940 වසරෙ අප්‍රියෙල් මාසයෙදි ඉංග්‍රීසි හා ප්‍රංශ බසින් ප්‍රදර්ශනයට අරඹන මේ චිත්‍රපටයට ඩොලර් ලක්ෂ 13 ක ඇස්තමේන්තුගත ආදායමක් ලැබෙනව. හොඳම චිත්‍රපට ලැයිස්තුවේ 172 වන තැන තියෙන මේ චිත්‍රපටය ඔස්කාර් සම්මාන දෙකක් දිනාගැනීමට සමත් වෙනව. ඒ වගේම තවත් සම්මාන 10 කට නිර්දේශ වෙනව. හොඳම චිත්‍රපටය හා හොඳම සිනමාකරණය කියන සම්මාන දෙක තමා හිමිකරගන්නෙ.

ලෝරන්ස් ඔලිවර්, ජෝආන් ෆොන්ටේන් යන නළු නිළි දෙපල හොඳම නළු නිළි සම්මාන සඳහා නිර්දේශ වෙනව. මේ චිත්‍රපටයටත් පාදක වෙන්නෙ ජැමෙයිකා තානායම චිත්‍රපටයට වගේම ඩැෆ්නි ඩූ මෝරියර් ගෙ ඒ නමින්ම වන නවකතාව. අපි බලමු කතාව කොහොමද කියල ටිකක්.

රැකියාව ලෙස වයසක කාන්තාවක සමග ඇගේ තනියට සංචාරයේ යෙදෙන නමක් නැති ඇයට පොහොසත් වලව්කාර මැක්සිමිලියන් ඩී වින්ටර් නම් කනවැන්දුම් මහත්මයාව මොන්ටෙකාලෝ වල හෝටලයකදි මුණගැහෙනව. සති දෙකක් ඇතුලත මේ දෙදෙනා විවාහ වෙනව.

විවාහ වෙන යුවල පදිංචියට එන්නෙ එංගලන්තයේ කොර්න්වෝල් වල තියෙන මැක්සිමිලියන්ගෙ මැන්ඩලේ කියන වලව්වට. වලව්වෙ ගෘහ පාලිකාව මිසිස් ඩෙන්වර්ස් කලින් හිටිය ඩී වින්ටර් මහත්මියගෙ ලස්සන, ගුණ වය වයා ඉන්න උඩඟු කාන්තාවක්. ඇය නිතරම උත්සහ කරන්නෙ නව ස්වාමි දුවව පහත් කර කතා කරන්න. මේ අතර නව යුවල නිවසට පැමිනීම සමරන්න සංවිධානය කරන සාදයේදි ඇඳුමක් නිසා වින්ටර් මහත්මයා හා මහත්මිය අතර ගැටුමක් හටගන්නවා. ඇඳුම පෙර බිරිඳට අයත් එකක්.එය ගෘහ පාලිකාවගේ සැලසුමක් නිසා ඇතිවන්නක්.

මේ අතර ඇතිවන කුණාටුවක් නිසා වලව්ව අසල මුහුදේ නැවක් අනතුරට පත්වෙනව. ඒ ගැන පරීක්ශා කරන කිමිදුම් කරුවන්ට ඒ අසලම කලකට පෙර ගිලී ගිය බෝට්ටුවක් හමුවෙනවා. ඒ වෙනකාගෙවත් නොවේ ඩී වින්ටර් මහත්මයාගේ කලින් බිරිඳට අයත්ව තිබූ ඇගේ බෝට්ටුව. ඇගේ මල සිරුරත් සමගම.

එසේනම් දියේ ගිලී මියගියා යැයි කියන, සැතපුම් ගනනාවකට එපිටින් හමුවී තම බිරිඳගේ බවට සලකා මිහිදන් කල සිරුර කගේද? වලව්ව අසලම මුහුදේ ගිලී ගිය බෝට්ටුව තුල ඇය සිටියේ කොහොමද? පිළිතුරු සොයාගැනීම චිත්‍රපටය නරඹන ඔබට බාරයි. තවත් උපසිරැසියකින් ලඟදීම හමුවෙමු.

චිත්‍රපටය yify torrent අඩවියෙන් බාගත හැකියි.( මොකෝ කියන්නෙ පරණ ඒව බලන්න කැමති අය මැරලින් මොන්රෝ රඟපාපු ෆිල්ම් දෙකතුනක් බලමුද?, කොමෙන්ට් එකක් දාල බලමු කට්ටියගෙ කැමැත්ත කොහොමද කියල.)

 

 

 

 

Due to copyright issues, we do not provide any torrent links.

මෙම ලබා දී ඇති උපසිරසි BR පිටපත් සඳහා අදාළ වේ.

1,272 downloadsDownload Rebecca-1940.zip77 KB

මේ ලබා දී ඇති සිංහල උපසිරැසි පිළිබද “ බුද්ධික නුවන් ” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

 

Subtitle Contributor Rank

SILVER MEMBER
JOINING DATE – 2015-07-10
SUBMAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.