Sakka Podu Podu Raja (2017) Sinhala Subtitles | සබඳකම් නොබිඳමින් ආදරයේ ජයග්‍රහණය කරා [සිංහල උපසිරැසි සමග]

මාසයක් ගෙවිලා ගියත් අවුරුද්දේ පලමු සබ් එක නිසා ඔබ සැමට සුභ අලුත් අවුරුද්දක් වේවා! යි පතනවා. අලුත් අවුරුද්දේ ගෙනාවේ නම් ගිය අවුරුද්දේ චිත්‍රපටියක්. ඒ තමයි “සක්ක පෝඩු පෝඩු රාජා”.

කොහොම හරි මේ චිත්‍රපටියේ ප්‍රධාන නළුවා/ නැත්නම් වීරයා විකට තරුව සන්තානම්. සන්තානම් කියන්නේ මේ ක්ෂේත්‍රයට ඇවිත් සීඝ්‍රයෙන් දියුණු වුණ කෙනෙක්. ඔහුගේ දක්ෂතාවය තමයි එයට හේතුව. මොකද, චරිත නළුවෙක් ප්‍රධාන නළුවෙක් වීම දුර්ලභ කාරණයක්. ඒකයි ඇත්ත. කාලයකට පස්සේ විවේක් ද මේ චිත්‍රපටයෙන් හමු වෙනවා. විවේක්ගේ මේ චිත්‍රපටියේ විහිළුවලට නම් ගොඩක් හිනාවෙන්න පුළුවන්.

සම්පත් රාජ්, වී.ටී.වී. ගනේෂ්, රොබෝ ශංකර්, ස්වාමිනාදන් සහ නවක නිළියක් වුණ වෛබවි ප්‍රධාන නිළියට ද රංගනයෙන් දායක වෙනවා. රොබෝ ශංකර්ගේ නියම වැඩ කෑලි ටිකක් එහෙමත් බලාගන්න පුළුවන්. මේක STR ගේ සංගීතයක් සහ වී.ටී.වී. ගනේෂ් නිෂ්පාදනයක්

කතාවට බහිමුකෝ, සැන්ටා භවානිගේ නංගිව පැහැරගෙන ගිහින්, එයාගේ යාළුවට කසාද බන්දලා දෙනවා. මේ නිසා භවානි සැන්ටාව අනිවාර්යයෙන් මරන්න එනවා කියලා දන්න නිසා. සැන්ටා මේක හොඳට සැලසුම් කරලා සාක්ෂි ඔක්කෝම නැති කරලා දාලා බැංගලෝරයට පැනලා යනවා. බැංගලෝරයේ දි, සැන්ටා කෙල්ලෙක් දැකලා එයා එහේ මාමට කියනවා. මාමා කෙල්ල කවුද කියලා දැන ගත්තම, සැන්ටාට අනතුරු අඟවනවා. මොකද එයා බැංගලෝරයේ මැරෙක් වුණ සත්‍යාගේ නංගි.

මේ කෙල්ලගේ නම යාළිණී, එයා ටිකක් මුරණ්ඩු කෙල්ලෙක්. ඒ නිසාම එයාව දැලේ දාගන්න තමයි සැන්ටා සැලසුම් කරන්නේ. සැන්ටා කොහොම හරි යාළිණීගේ අංකාර කම නැති කරලා යාළු කරගන්නවා. මේ දෙන්නා ආදරය කරමින් කාලය ගත කරනකොට, භවානිත් සැන්ටාව හොයමින් කාලය ගතකරනවා. ඔය අතරේ යාළිණීව මරන්න පිරිසක් එනවා. සැන්ටා යාළිණීව බේරගන්නවා. ඒත් ඒ අස්සට භවානිත් කඩා වදිනවා. භවානි සැන්ටාව මරයිද? අතහරියි ද? මොනවා වෙයිද කියලා ඔයාලම බලන්න.

මේක තෙළිඟු චිත්‍රපටයක රී මේක් එකක් වුණත් මේ චිත්‍රපටය ලස්සනට කරලා තියෙනවා වගේම මේක හොඳ Comedy Thriller එකක්. Velaikaran (2017) එක්ක තරඟ කරලා බොක්ස් ඔෆිස් ආදාම් අතින් නම් ඒ තරම් සරුවක් වුණේ නැහැ.

කෙටි කාලයක් ඇතුළත Sub එකේ වැඩ නිමා කරගන්න පුළුවන් වුණා. ඒ වගේම කලින් Sub එකට අදහස් දක්වපු අයටත් ස්තූතියි! ආයේත් මේ වගේ චිත්‍රපටියකින් හමු වෙමු.

 

 

 

Due to copyright issues, we do not provide any torrent links.

මෙම ලබා දී ඇති උපසිරසි HDRip පිටපත් සඳහා අදාළ වේ.

9,331 downloadsDownload Sakka-Podu-Podu-Raja-2017.zip116 KB

https://d36zzuvfojr38z.cloudfront.net/wp_content/uploads/2012/10/Normal-.jpg මේ ලබා දී ඇති සිංහල උපසිරැසි පිළිබද “රවිඳු නවින්” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

Subtitle Contributor Rank

NEW MEMBER
JOINING DATE – 2017-06-14
SUBMAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.