Shark (2010) | දැලට හසු නොවන මෝරා… [සිංහල උපසිරසි සමඟ]

හැමෝටම ආයුබෝවන්….! එක චිත්‍රපටියක් අරගෙන ඇවිත් වැඩි දවසක් යන්න කලින් ආයෙත් හමුවන්න ලැබීම සතුටක් කලින් එක දැම්ම හැටියම සමීර සහෝදරයා කියනවා තව එක අරන් කරමු, කරමු කියලා, ඉතින් ඔන්න නිකන් හිටපු දවස් ටිකේ ලස්සන චිත්‍රපටියක් තෝරාගෙන ගොඩක් ආසාවෙන් ඔයගොල්ලන්ට අරගෙන ආවා. මේක මගේ පස්වෙනි උපසිරසි ගැන්වීම වෙනවා, ඒවගේම පලවෙනි වතාවට  තමයි දමිල චිත්‍රපටියක් උපසිරසි ගන්වන්නේ. ඉතින් වර්තමානයේ දෙමල සිනමාවේ සුපිරි තරුව  වන විජේ චන්ද්‍රශේකර්, එහෙමත් නැත්තම් කවුරුත් දන්නා විජේ ඉන්න ක්‍රියාදාම චිත්‍රපටියක් අරගෙන එන්න ලැබීම සතුටක්.

ඉතින් චිත්‍රපටිය ගැන කතා කරන කොට Kaththi චිත්‍රපටියේ මෙන් ගොඩක් සංවේදී කතාවක් තමයි යන්නේ.  චිත්‍රපටිය නිකුත් වෙන්නේ 2010 අප්‍රේල් 30 වෙනිදා. මේක වෙනුවෙන් ඉන්දියානු රුපියල් මිලියන 320 ක් වැය කරන්න සිදුවෙලා තියෙනවා. Muraugan Cine Arts චිත්‍රපටි සමාගමේ 50 වන චිත්‍රපටය වශයෙන් මෙය නිෂ්පාදන කරන්නේ ප්‍රභූ සහ සංගිලි මුරුගන් විසින් වගේම සංගීත අධ්‍යක්ෂණය Mani Sharama විසින් සිදුකර තියෙනවා මේ චිත්‍රපටය සඳහා vijay සමගින් Tamannaah Bhatia ප්‍රධාන චරිත වලට රංගනයෙන් දායක වෙනවා ඊට අමතරව Vadivelu, Dev Gill වගේ රංගන ශිල්පීන්ද මේ සඳහා රංගනයෙන් දායක වෙනවා. අවසාන වශයෙන් චිත්‍රපටයේ කතාව,  දෙබස් ,තිර රචනය, වගේම අධ්‍යක්ෂණය  S.P.රාජ්කුමාර් විසින් සිදුකරලා තියෙනවා කතා කරා වැඩියි වගේ නේද? දැන්වත් කතාව පැත්තට යමු.

ඔන්න එකමත් එක රටක යාර්නගර් කියලා ධිවර ගමානයක් තියෙනවා. ගොඩක් අහිංසක දුප්පත් ධිවර ජනතාව තමයි එහෙ ජිවත් වෙන්නේ. ඒ අයගේ දුකට සැපට හැම ප්‍රශ්නයකදීම එකට ඉන්න තරුණයෙක් තමයි “සුරා” කියන්නේ. එයාගේ ජිවිතයේ එකම හීනය තමයිමේ මිනිස්සුන් ජිවත් වෙන පැල්පත් වෙනුවට අංගසම්පුර්ණ ගෙදරක් බැගින් ඉදි කරලා දෙන එක. ඉතින් උදේ හවස මෙයා කල්පනා කරන්නේ එයාගේ මේ හීනය හැබෑ කරගන්නේ කොහොමද කියලා. ඉතින් ඔහොම යනකොට මේ ගොල්ලන්ගේ ගමට එක කුණාටුවක් එනවා. කුණාටුවක් කිව්වට අර සුළි සුළඟක් ඇවිල්ලා ගෙවල් පොලවෙන්ම ගැලවෙන කුණාටුවක් නෙවෙයි. ඒ ගමේ ඉන්න සමුද්‍රරාජන් කියලා ඇමතිවරයෙක්ට මේ අයගේ ගම්මානය තමන්ගේ ඉඩමක් කරගන්න ඕන වෙනවා. ඒ තමන්ගේ තණ්හාව වැඩි කමට කරන එයාට ලාභදායි ව්‍යාපෘතියකට. ඉතින් එයා මේ ගමේ මිනිස්සු ඒ අයගේ ගම්මානෙන් එලවන්න නොයෙකුත් දේවල් කරනවා. ඒත් සුරා එයාව අතාරින්නෙ නෑ. සුරාත් එයත් එක්ක කරට කර සටන් වදිනවා.එහෙම යන අතරේ තමයි සුරාට පුර්ණිමා හම්බවෙන්නේ. ඒ එයා සියදිවි හානි කරගන්න මුහුදට පනින්න හදනකොට(කොහොමත් දැන් ඉතින් ඒක  trend එකක් වෙලානේ). ඔහොම යනකොට ඉතින් පුර්ණිමාගේ හිතේ සුරා ගැන ආදරයක් ඇති වෙනවා. ඒත් සුරා එයාට කැමති වෙන්නේ නෑ. ඒකට එයාට හේතුවක් තියෙනවා. ඒක බලන්න නම් ඉතින් බෑමක් තමයි තියෙන්නේ. කතාව කොච්චර ලස්සන උනත් ඒක මේ විදිහට වචනයෙන් ලස්සන කරන්න අමාරුයිනේ.  සුරා ගම බේරා ගන්න කොච්චර සටන් කරනවද? පුර්ණිමාට කැමති වෙනවද? සුරාගේ හීනය සැබෑ කරගන්න පුළුවන් වෙනවද? යන ප්‍රශ්න ඔක්කොටම පිළිතුරු ඔයාලට චිත්‍රපටය බලනකොට හම්බ වෙයි(ඒක ඉතින් කියන්න ඕන නෑනේ).

නිදිමත නැතුව ආසාවෙන් හිනා වේවි බලන්න පුළුවන් චිත්‍රපටයක් වේවි කියලා  විශ්වාසයෙන් කියන ගමන් අවසාන වශයෙන්  Admin සහෝදරයින් තමන්ගේ මිල මුදල්, කාලය හැමදේම කැපකරමින් සුවහසක් චිත්‍රපටි, ටෙලිකතා රසිකයින් වෙනුවෙන් නිහඬව කරන කාර්යයද අගය කරන ගමන් ඒ අයවත් මතක් කරමින් බයිස්කෝප් වෙබ් අඩවියට පිවිසිලා උපසිරසියක් බාගෙන, කමෙන්ට් එකක් දාගෙන යන හැමෝටම ස්තුතිය පුද කරමින් අදට කොටි වලිගය අතාරිනවා. හැමෝටම වාසනාවන්ත සුභ දවසක්. ජය වේවා…. !

 

 

700 MB (DVD) කොපිය මෙතනින් බාගන්න

 

3,964 downloadsDownload Shark-2010.zip77 KB

 

https://d36zzuvfojr38z.cloudfront.net/wp_content/uploads/2014/12/තාරක-නුවන්-දිල්හාර.jpg මේ ලබා දී ඇති සිංහල උපසිරැසි පිළිබද “තා‍ර‍ක ‍නු‍වන්‍ ‍දිල්‍‍හා‍ර” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.