Shrek (2001) with sinhala subtitles | කුමරියකට පෙම්බැඳි රාක්ෂයෙක්… [සිංහල උපසිරසි සමඟ]

හැමෝම දන්න හුඟ දෙනෙක් බලල තියෙන චිත්‍රපට මාලාවක් වන Shrek හි පළමු වැන්න මගේ උපසිරැසි එකතුවේත් පළමු වැන්න ලෙස ඔබට සතුටින් මෙසේ ඉදිරිපත් කරනවා. මේ චිත්‍රපටය උපසිරැසි ගැන්වීමත් සමග ඔබට Shrek චිත්‍රපට මාලාවම සම්පුර්ණයෙන් උපසිරැසි සහිතව නැරඹීමේ අවස්ථාව බයිස්කෝප් වෙබ් අඩවිය හරහා හිමිවෙනවා.

මේ  චිත්‍රපටය 2001 වසරේ තිරගත වූ පරිගණක සජීවිකරණ, මනංකල්පිත හා හාස්‍යයෝත්පාදක ගණයේ ඇමරිකානු නිර්මාණයක්. Andrew Adamson හා Vicky Jenson අධ්‍යක්ෂණය කළ මෙහි හඬ දායකත්වය Mike Myers, Eddie Murphy, Cameron Diaz සහ John Lithgow යන අය විසින් සිදුකර තිබෙනවා. DreamWorks Pictures හි බෙදාහැරීමක් වන මෙය ඩොලර් මිලියන 60ක වියදමක් දරා ඩොලර් මිලියන 484.4ක අදායමක් වාර්තා කර ඇත. IMDB දර්ශකයේ 7.9 සටහන් කරමින් මිනිත්තු 90ක් පුරා දිවෙන මෙම චිත්‍රපටය මියුරු ගීත ගණනාවකින්ම හැඩවුණු විශිෂ්ට නිර්මාණයක්.

චිත්‍රපටයේ කතාව ශ්රෙක් කියන රාක්ෂයා  ගැන ගෙතුණු එකක්. මිනිස්සුන්ව බය කරගෙන ඉන්න රාක්ෂයෙක් වුනත් එයාලගෙ ආදරය, ගෞරවය ලබන්න කැමැත්තෙන් ඉන්න ඒත් ඒක නොලැබෙන කෙනෙක් ශ්රෙක්. කැලෑව මැද තියෙන තමන්ගේ නිවහනේ තනියම ඉන්න ශ්රෙක්ට තොරතෝංචියක් නැතුව කියවන බූරුවෙක්ව මුණගැහෙනවා. පස්සේ තමන්ගේ වගුරු බිමට ගෙනත් දාපු සුරඟන කතා දේවල් හිටපු තැන්වලටම යවන්න ශ්රෙක් සහ බූරුවා තවමත් රජ නොවුණු පාලකයෙක් හොයාගෙන යනවා. ඒ පාලකයා ශ්රෙක්ට සහ බූරුවාට වීර වික්‍රමයකට මග පාදනවා. ශ්රෙක්ගේ ආදර අන්දරයත් බූරුවාගේ සිනා සාගරයත් එක්ක කම්මැලිකමක් නැතුව ඔබට මෙය නරඹන්න පුළුවන් වේවි.

මෙම චිත්‍රපටයේ ගීත මේ වනවිට ඉතා ජනප්‍රිය වන අතරම එහි භාවිතා වන පසුබිම් වාදනයන්ද සුමියුරු රසයක් ඔබට ලබාදෙනු ඇත. මෙය මගේ පළමු උපසිරැසි ගැන්වීම වන නිසා වැරදි, අතපසුවීම් තිබිය හැකි අතර එලෙස තිබේනම් ඒවා පෙන්වා දෙන ලෙස කාරුණිකව ඉල්ලා සිටිනවා. මේ සඳහා සියලු අයුරින් සහය දැක්වූ සැම වෙත  ස්තූතිය පුද කර සිටිමි.

 

 

 

Due to copyright issues, we do not provide any torrent links.

 

Shrek.2001.720p.BluRay.x264.YIFY

මෙම ලබා දී ඇති උපසිරසි ඉහත පිටපත සඳහා අදාළ වේ.

505 downloadsDownload Shrek.2001.Baiscopelk.com_.zip45 KB

 

https://d36zzuvfojr38z.cloudfront.net/wp_content/uploads/2017/01/RavinduSachintha-e1483828444945.jpg මේ ලබා දී ඇති සිංහල උපසිරැසි පිළිබද “රවිඳු සචින්ත” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.