Sleepless (2017) with Sinhala Subtitles | නිදි නැති මෙහෙයුම. [සිංහල උපසිරසි සමඟ]

කිලෝ 25ක කොකේන් වලට මොනාද කරන්න පුළුවන්? මිනිහෙක්ගෙ ජීවිතයක් නැති කරන්න? මිනිස්සු දෙන්නෙක්ගෙ ජීවිත නැති කරන්න? මිනිස්සු ගොඩ දෙනෙක්ගේ ජීවිත නැති කරන්න? මිනිස්සුන්ගේ විශ්වාසය බිඳින්න? මිනිස්සුන් අතර විශ්වාසය ගොඩ නගන්න? එහෙමත් නැත්නම් කෙනෙක්ට ජීවිතයක් දෙන්න? මෙහෙම කියනකොට මං මොකාටද එන්නෙත් කියල ඔයාල හිතනවා ඇති.

එහෙනම් ඔන්න මේ ගේන්නේ මගේ දහඅට වෙනි උපසිරැසිය. Sleepless (2017) එහෙමත් නැත්නම් “නිදි නැති මෙහෙයුම (2017)” මං ඔයාල වෙනුවෙන් නිදි මරන් පරිවර්තනය කලේ කතාව ඉක්මණටම දෙන්න ඕන නිසයි. (ඒත් වෙනද වගේම ටිකක් පරක්කුයි). 

එහෙනම් වැඩි කතා නැතුව හසන්ත අයියට ස්තූති කරන ගමන් කතාව ගැන වෙනදා වගේ පොඩ්ඩක් කියන්නම්.

වින්සන්ට් ඩවුන්ස් (Jammie Foxx) කියන්නේ ඇමෙරිකානු පොලීසියේ ලුතිනන් කෙනෙක්. මිනිහා තමන්ගේ රස්සාව පවුල් ජීවිතයට වඩා ඉහලින් තියාගෙන රෑ දවල් නොබලා වැඩ කරනවා. මිනිහයි මිනිහගෙ සගයා ෂෝන් කාස් (T.I) දවසක් කොකේන්  වැටලීමකින් කොකේන් කිලෝ 25ක් හොයා ගන්නවා. ඒ කොකේන් තොගය මේ දෙන්න උදුරා ගන්නේ රුබිනෝ (Dermot Mulroney) කියන කැසිනෝ ව්‍යාපාරිකයාගෙ ගෝලයෝ එක්ක මාරක සටනක් කරලා. ඒත් මේ කොකේන් ඇත්තටම අයිති නොවැක් (Scoot McNairy) කියන දරුණු අපරාධකාරයට. මේ ගැන ඩවුන්ස් දන්නේ නැති උනාට කාස් නම් දන්නවා (ඒක ඔයාලට පස්සේ තේරෙයි).

රුබිනෝ, නොවැක්ගෙ තාත්තගේ යාළුවෙක් උනාට මිනිහ නොවැක්ට බයයි. ඉතිං කොකේන් තොගය ඩවුන්ස් උස්සපු නිසා රුබිනෝ කරන්නේ ඩවුන්ස්ගෙ පුතා තෝමස්ව (J. Johnson) ව පැහැරගෙන කොකේන් ආපහු බාර දෙනකල් එයාව හිර කරන් ඉන්න එකයි.

ඩවුන්ස්ට කොකේන් වලට වඩා තමන්ගේ පුතාව වටින නිසා මිනිහ පුතාව බේරගන්න කොකේන් අරං රුබිනෝ හම්බවෙන්න යනවා, ඒත් ඉතිං බ්‍රයන් (Michelle Monaghan) කියන පොලිස් පරීක්‍ෂකවරිය මේ වැඩේට හොට දාල ඔක්කොම වනසනවා. එයාගෙ සගයා ඩෙනිසන් (David Harbour) ඊට හපන් පොරක්. ඒ නිසා ඩවුන්ස්, නොවැක්, රුබිනෝ, බ්‍රයන් වගේම ඩෙනිසන් අතර නිර්මාණය වෙන්නේ පුදුම සටනක්. මෙතනින් අන්තිමට ඉතුරු වෙන්නේ කවුද?

කතාව ගැන කියන එක මං ඔතනින් නවත්තනවා. ඉතුරු ටික කිව්වොත් ඔයාලට බලන්න දෙයක් නෑනේ. මේ කතාව අධ්‍යක්ෂණය කලේ Baran Odar කියල කෙනෙක්. ලෝකප්‍රසිද්ධ Universal Pictures සමාගමේ නිපැයුමක් වෙච්ච මේ කතාවේ IMDb අගය 5.5ක් වෙනවා. මට නම් ඒ ගාන හොඳටම මදි.

මත්ද්‍රව්‍ය ගැන නිර්මාණය වෙච්ච චිත්‍රපට ඔයාල ඕන තරම් බලලා ඇති. මමත් බලල තියනවා. ඒත් මේ තරම් මුල, මැද, අග මේ කුතුහලයෙන් පිරුණු මත්ද්‍රව්‍ය ගැන කියවෙන කතාවක් මං නම් ඇත්තටම බලලා නෑ. මං එහෙම කියන්නේ අවංකවමයි කියලත් කියන්න ඕන ඉතිං. තව දෙයක්. සමහර වචන අමු අමුවේම සිංහලට හැරෙව්වා හොඳේ. නැත්නම් ගතියක් නෑ.

එහෙනම් මේක බලන්න. මං මේ Boyka-Undisputed කොරන ගමන්. ඒකත් හෙට අනිද්දට බලන්න පුළුවන්.

එහෙනම් ජයින් ජයිම වීවා පුතී.!!!

 

 

 

 

Due to copyright issues, we do not provide any torrent links.

මෙම ලබා දී ඇති උපසිරැසිය WEb / Br පිටපත් සඳහා අදාළ වේ.

5,633 downloadsDownload Sleepless.2017.zip102 KB

https://d36zzuvfojr38z.cloudfront.net/wp_content/uploads/2016/02/ChamikaraV.jpg මේ ලබා දී ඇති සිංහල උපසිරැසි පිළිබද “චාමිකර විදානගේ (චාමි)” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.