Sonic the Hedgehog (2020) Sinhala Subtitle | සොනී……….ක් ! [සිංහල උපසිරැසි සමඟ]

කොහොමද හැම කෙනෙක්ටම, සෑහෙන දෙනෙක් බලාගෙන හිටිය අලුත්ම ෆිල්ම් එකක් අරගෙන ආව. ඇත්තටම මේ තරම් ඉක්මනට මේකේ කොපියක් ඒවි කියල බලාපොරොත්තු උනේ නැහැ. කොහොම උනත් ඔන්න ආව මෙන්න ගෙනාව. 😀

සොනික් කිව්වම සෑහෙන දෙනෙක් දන්නා කියන චරිතයක්, ලංකාවේ රුපවාහිනී නාලිකාවකින් සිංහල හඬ කවා ප්‍රදර්ශණය කරපු නිසා මේක ගොඩක් ජනප්‍රිය වෙලා තියෙනවා. ඉතිං මම ලොකුවට මේ ගැන කියන්න යන්නෙ නැහැ. ඇත්තටම ඉස්සර වගේ ඒ විදියට ලොකු විස්තරයක් එක්ක ලිපියක් දාන්න තියා ෆිල්ම් එකක් බලන්නවත් වෙලාවක් ලැබෙන්නේ නැති කාල සීමාවක් පහු කරමිනුයි ඉන්නෙ. ඒ නිසා සරලව විස්තර ටිකක් කියාගෙන කතාව දිහාවට යන්නම්.

සොනික් කියන්නෙ Sega කියන ජපන් පරිඝණක ක්‍රීඩා නිර්මාණය කරන ආයතනය මගින් නිර්මාණය කරපු මේ නමින්ම තියෙන වීඩියෝ ගේම් එකක් ඇසුරින් නිමවුණ ලස්සන සිනමාපටයක්. කාටුන් එකේ තියෙන විදියටම සොනික්, රෝබෝටික්කා සහ ජිරිබිරිස් ඉන්නවා, ඊට අමතරව තවත් සහය චරිත විදියට මැඩි සහ ටොම් කියල දෙන්නෙක් එකතු වෙනවා සිනමාපටය වෙනුවෙන්ම. රෝබෝටික්කා කියලයි මම sinhala සබ් එකේදී පාවිච්චි කලේ, මොකද අපිට හුරු පුරුදු ඒ නම නිසාත් මේකෙදි ඒ චරිතයේ නාමයත් Dr. Ivo Robotnik වෙන නිසාත්. ජිරිබිරිස්ගේ චරිතය මෙහි එන්නෙ ඒජන්ට් ස්ටෝන් කියල. ඒ නිසා මම ඒ නම එහෙම්ම තිබ්බා.

IMDB 6.8ක අගයක් ලද ඩොලර් මිලියන 95ක වියදමක් දරල නිමවුණ මේ සිනමා නිර්මාණයට ලැබුව කල දසාව නම් හරිම සවුත්තුයි. තවමත් චීනයේ හරි හැටි ප්‍රදර්ශණය වෙන්නේ නැහැ කොරෝනා වෛරස් එක නිසා. ඒ නිසාමදෝ මන්දා බොක්ස් ඔෆිස් ආදායම ඩොලර් මිලියන 270ක අගයක් තමයි සටහන් වෙන්නේ. කොහොම උනත් මේ සිනමාපටයට මුල ඉඳලම ලබපු කල දසාව ඒ හැටි හොඳ නැහැ. මොකද මේක නිකුත් වෙන්න තිබ්බේ 2019 වසරේදී, ඒත් පලවෙනි ට්‍රේලර් ඒක නිකුත් වෙච්ච හැටියෙම සොනික් චරිතයේ ස්භාවය සම්බන්ධයෙන් ප්‍රේක්ෂකයින්ගෙන් ලැබුනේ හොඳ ප්‍රතිචාරයක් නෙමෙයි. ඒ නිසා නිර්මාණකරුවන්ට සිද්දවුණා සම්පුර්ණයෙන්ම සොනික්ගේ පෙනුම වෙනස් කරන්න. ඒ නිසා සිනමාපටය 2020 වැසේ වැලන්ටයින් දවස දක්වාම කල් ගියා. එහෙම කල් ගියාට පස්සේ ලෝකය පුආම කොරෝනා වෛරසය පැතිරෙන්න ගත්තා. ආදායම බලාපොරොත්තුවෙච්ච තරම් ලැබුනේ නැහැ. ඒ මේ අස්සේ HC-HD කොපියකුත් නිකුත් වුණා. එහෙම වෙනවා කියන්නෙ මේකේ ආදායමට සෑහෙන බලපෑමක් වෙනවා කියන එක.

ඒ දේවල් කොහොම උනත් මෙහි දෙවැන්නක් ගැන බලාපොරොත්තු අත් නොහැර ඉන්න පුළුවන්. මොකද යාන්තමින් කසු කුසුවක් යනවා මෙහි දෙවැනි දිගහැරුමක් ගැන. මොකද මේ ෆිල්ම් එකේ අවසන් දර්ශන දෙකක් තියෙනව, ඒ දෙකෙන්ම පෙන්නුම් කරන්නෙ නිර්මාණකරුවන්ට දෙවැනි දිගහැරුමක් කරන්න තදින්ම උවමනයි කියලමයි. මොකද මේකේ ඉන්නෙ සොනික් විතරක් උනාට අන්තිමේදී සොනික් එක්ක ඉන්න තව කෙනෙක් අවතීර්ණ වෙන වීදිය බලාගන්න ලැබෙයි ඔයාලට ක්‍රෙඩිට් සීන් වලදි. ඉතිං සොනික් වෙනුවෙන් Ben Schwartz, ආචාර්ය රෝබෝටික්කා විදියට Jim Carrey, ජිරිබිරිස් ව්දියට අපි දන්න ඒජන්ට් ස්ටෝන් චරිතය වෙනුවෙන් Lee Majdoub, සොනික්ගේ මිත්‍ර පාශාවය වෙනුවෙන් මැඩි සහ ටොම් විදියට Tika Sumpter සහ James Marsden ප්‍රධාන වශයෙන් එකතු වෙන මේ සිනමාපටයේ අධ්‍යක්ෂණය Jeff Fowler විසින් සිදුකෙරිලා තියෙනව.

“කතාව ගැන කිව්වොත්, සොනික් කියන්හෙනෙ පිටසක්වල ජීවියෙක්. එයා මේ ලෝකයට එන්නෙ එයාගේ බලය උදුරගන්න හදන සතුරන්ගෙන් බේරෙන්න හිතාගෙන. හැබැයි මෙහෙදී එයාට හොඳ මිතුරෙක් වගේම ප්‍රභල සතුරෙක් මුණගැහෙනව. මිතුරු සහ සතුරු බලපෑම් හමුවේ විනෝදකාමී සොනික් කොයි විදියට තමන්ගේ ප්‍රශ්න වලට මුහුණ දෙයිද කියන එක බලාගන්න ඔයාලට බාරයි! “

නැවත උපසිරසියකින් මුනගැහමු. ජය…. 🙂 

ඒ වගේම දැනුම් දීමක් කරන්න තියෙනවා අපේ නවතම බයිස්කෝප් සිංහලෙන් වෙබ් අඩවිය වෙනුවෙන් නිර්මාණය කල ෆේස්බුක් පිටුව ගැන. මොකක් හෝ අහේතුවකට 130,000 අධික ලයික් ප්‍රමාණයකින් යුතු අපේ ෆේස්බුක් පිටුව මකා දමා තිබෙනවා. ඒ වෙනුවෙන් අපි නැවත ෆේස්බුක් පිටුවක් ආරම්භකොට තිබෙනවා. මුහුනුපොත තුල උපසිරැසි පළකිරීම් ගැන දැනුවත් වෙන්න ඒ පිටුව සමහ මෙතනින් එක්වෙන ලෙසින් හැමෝටම ආරාධනා කරනවා.

 

 

 

 

Due to copyright issues, We do not provide any torrent links.

මෙම ලබා දී ඇති උපසිරසිය HC-HD / WEB /Blu-Ray පිටපත්  සඳහා ලබා දි ඇත.

 

90,031 downloadsDownload Sonic-the-Hedgehog-2020-Blu-Ray.zip241 KB

 

මේ ලබා දී ඇති සිංහල උපසිරැසි පිළිබද “ශාන් විමුක්ති [විමා]” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

 

Subtitle Contributor Rank

ADMIN MEMBER
JOINING DATE – 2013-02-27
SUBMAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.