Stay (2005) Sinhala Subtitles | දෙලොවක් අතර… [සිංහල උපසිරසි සමඟ]

මුලින්ම ස්තූතිවන්ත වෙන්න ඕනෙ මම කලින් කරපු ” The Snow Walker (2003) සුබ ගමන්, මා සොයුරානෙනි. ” උපසිරැසියට එක වචනෙකින් හරි මට ස්තූති කරපු හැම දෙනාටම. මොකද ඒ දිරි ගැන්වීම් නිසා තමයි මොන තරම් කාර්යබහුල උනත් මේ වෙනුවෙනුත් කාලය වෙන් කර ගන්න පුලුවන් උනේ.

මම මේ පාර උපසිරැසියක් කරන්න තෝර ගත්තෙ මටත් අහම්බෙකින් වගේ බලන්න ලැබුන පට්ටම ෆිල්ම් එකකටයි. IMDb දර්ශකයේ 6.9 ක් ලබා ගත්තු සම්මානනීය සිනමා සිත්තමක්. මටත් මේ ෆිල්ම් එක ගැන කිව්වේ Sajmadu නමින් කමෙන්ට් කරපු කෙනෙක්. අවංකවම කියනවා නං ඒ කමෙන්ට් එක දකින තුරුම මේ ෆිල්ම් එක මම බලලාවත් අහලාවත් තිබ්බෙ නෑ. නමින් නොදන්නවා උනත් Sajmaduට ඒ වෙනුවෙන් ස්තූතිවන්ත වෙනවා. මේ ෆිල්ම් එක The Sixth Sense, Shutter Island, If I Stay ෆිල්ම් වර්ගයේ එකක් කියලා දැනගත්තු ගමන්ම බාගත්තු මම ෆිල්ම් එක ඉවර වෙනවත් එක්කම සබ් එකත් කරන්න බාර අරගෙනයි වැඩේ නතර උනේ. plot twist එහෙමත් නැත්තං බැලුවාම උස්සලා පොලේ ගැහුවා වගේ වෙන ෆිල්ම් බලන්න කැමති අයට මේක සුපිරියටම සෙට් වෙයි. කොටින්ම කිව්වොත් පැය 1යි විනාඩි 40ක් යනකල් උඩට ගත්තු හුස්ම පහලට දාන්න අමතක කරවන ජාතියේ ෆිල්ම් එකක් ලඟදි බලන්න බැරි උනා නං අනිවා මෙන්න හොයපු ෆිල්ම් එක.

සෑම් ෆොස්ටර් කියන්නේ මනෝවෛද්‍යවරයෙක්. එක දවසක හදිසියේම එයාව හම්බ වෙන්න කෙට්ටු සුදුමැලි පාට කලහකාරී තරුණයෙක් එනවා. ඒ හෙන්රි ලේතම්. හෙන්රිට එක එක කටහඩවල් ඇහෙනවා. ඒ වගේම හරිම පුදුමාකාර විදියට හෙන්රිට අනාගතේ ගැන හරියටම අනාවැකි කියන්න පුලුවන් හැකියාවකුත් තියෙනවා. හෙන්රිගේ 21වෙනි උපන්දිනේ යෙදිලා තියෙන සෙනසුරාදා දවසේ හරියටම රෑ 12.00ට එයා සියදිවිනසාගන්න බව සෑම්ට කියනවා. එතනින් පස්සේ තමයි හොදම ටික පටන් ගන්නේ. මොකද සෑම්ට ඕන වෙනවා කොහොම හරි හෙන්රිගේ ජීවිතේ බේර ගන්න. ඒ වෙනුවෙන් දිවා රෑ නොබලා වෙහෙසෙන සෑම්ට මහ පුදුමාකාර විදියේ අත්දැකීමකට මුහුණපාන්න සිද්ද වෙනවා. මෙතනින් එහාට මම මේ ෆිල්ම් එකේ කතාව ගැන කිසිම දෙයක් කියන්නෙ නෑ. මොකද මේක බලලා මිසක් කියවලා රසවිදින්න පුලුවන් ෆිල්ම් එකක් නොවෙන නිසා. වෙනස්ම විදියේ ෆිල්ම් එකක් බලන්න හිතන් ඉන්නවා නං මෙන්න ඔයාලා හොයපු ෆිල්ම් එක..

” අදුරු සීතල රැයක බෲක්ලින් පාලම මත සිදුවන රිය අනතුරක්…..
නිලියකට සිතින් පෙම් බැදි තරුණයෙක්….
සියදිවි නසාගැනීමට උත්සාහ කල සිත්තරාවියක්…..
කලාවේ නාමයෙන් සියදිවිහානිකරගත් සුප්‍රසිද්ධ චිත්‍ර ශිල්පියෙක්…..
අන්ධ චෙස් ශූරයෙක්……
සිහි විකල්වූ මනෝවෛද්‍යවරියක්……..
සිය දෙමාපියන් මරාදැමූ තරුණයෙක්…..
මේ සියල්ල එක්කරමින් සිය අවසන් සුසුම්පොද වා තලයට එක් කල තරුණයෙක්….
අවසරයි නරඹන්න ” දෙලොවක් අතර…..”

තවමත් මේ ෆිල්ම් එක බලන්න ඕනෙ කියල හිතුනෙ නැත්තන් ෆිල්ම් එකේ ට්‍රේල බලලම තීරණයක් ගන්න. නැත්නම් මගේ ලිපි ලිවීමේ අදක්ශතාව හින්දා ඔයාලට පට්ටම ෆිල්ම් එකක් මිස් වෙයි.

ප.ලි
ෆිල්ම් එක මගක් බලාගෙන යනකොට කුතුහලය උපරිම වෙලා දරා ගන්න බැරුව ෆිල්ම් එකේ අන්තිම ටික බලලා එන්න හිතෙයි. මටත් එහෙම හිතුනා. ඒ නිසයි මේ අවවාදය, මොනම හේතුවක් නිසාවත් ෆිල්ම් එකේ අග බලලා මුල බලන්න නං
හිතන්නවත් එපා.. ඒ වගේම සබ් කරන්න මග ඇරුන පරන උනත් හොද ෆිල්ම් තියෙනවා නං පහලින් කමෙන්ට් එකක් දාලා යන්න. පුලුවන් විදියකට කරන්නම්. !

 

 

 

 

Due to copyright issues, we do not provide any torrent links.

මෙම ලබා දී ඇති උපසිරසි BR පිටපත් සඳහා අදාළ වේ.

4,378 downloadsDownload Stay-2005.zip50 KB

මේ ලබා දී ඇති සිංහල උපසිරැසි පිළිබද “හසිත මධුෂාන්” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.

 

Subtitle Contributor Rank

BRONZE MEMBER
JOINING DATE – 2017-01-07
SUBMAKER RATING BY ADMINS

ඉහත තරු මගින් පෙන්නුම් කෙරෙන්නේ උපසිරසිකරුවා මෙම උපසිරැසිය ඔබ වෙත ගෙන ඒම සඳහා දැක්වූ කාර්යක්‍ෂමතාව මත ඇඩ්මින් මඩුල්ල ලබාදෙන ඇගයුම් මට්ටමයි. උපසිරැසියේ ගුණාත්මක බාවය උපසිරැසි නරඹන ඔබට මෙම ලිපියේ ඉහල ඇති ස්ථානයෙන් ඇගයුම් මට්ටම ලබාදිය හැක. මෙම නිර්ණායක දෙක මත මෙම උපසිරසි කරුවා හට ඉදිරි ජනප්‍රිය චිත්‍රපට සඳහා උපසිරසි සකස්කිරීමට අවස්ථාව හිමි වනු ඇත. මෙය වඩාත් ගුණාත්මක ලෙස උපසිරසි සකස් කිරීම සඳහාත් ඔබට වඩාත් හොඳ තත්වයේ උපසිරසි ඉතා ඉක්මනින් ලබාදීමටත් අප ගන්නා ලද තවත් එක උත්සාහයක ප්‍රතිපලයකි.