Still Life (2013) with Sinhala Subtitles | නොමියෙන ජීවිත [සිංහල උපසිරැසි සමඟ]

හැමෝටම මතක ඇතිනෙ 2008 ආපු “මචං” ෆිල්ම් එක. බයිස්කෝප් එකේ මචං බලපු නැති කව්රුත් නං ඉන්ඩ විදියක් නැහැ කියල හිතනව. ඉතිං මචං ෆිල්ම් එක අද්‍යක්ෂණය කරපු ඉතාලි ජාතික “උබෙටෝ පාසොලිනි” (Uberto Pasolini) මහත්මයගෙ තවත් චිත්‍රපටියක් තමයි “Still Life” කියන්නෙ. IMDB දර්ශකයෙ 7.4 ක අගයක් දිනාගෙන තියනව. 2013 අව්රුදෙදි තිරගත වීම ආරම්භ උනේ එංගලන්තෙදි. ඒ වගේම වැනිසියේ චිත්‍රපට උළලෙදි (Orizzonti Award) හොඳම අද්‍යක්ෂනයට හිමි සම්මානය දිනාගෙන තියනව. මේක නාට්‍යමය චිත්‍රපටියක් වගේම ටිකක් සංකීර්ණ ගණයෙ චිත්‍රපටියක්. ඒකෙන් අදහස් කරේ තේරුම් ගන්න අමාරු චිත්‍රපටියක් කියන එක නෙමෙයි. මේකෙ ප්‍රධාන චරිතය හරිම අපූරු, ඒ වගේම අමුතු රැකියාවක් කරන අමුතුම පුද්ගලයෙක්, එයා තමයි “ජෝන් මේ”. මෙයාට පැවරිලා තියෙන්නෙ  තනියම ජීවත් උනු, ඥාතීන් හොයාගන්ඩ අමාරු මිය ගිය පුද්ගලයන්ගෙ අවමංගල්‍ය කටයුතු සංවිදානය කිරීම. ඔහුගෙ රැකියාවට අදාල ඒ ටික විතරක් උනාට ඒ මිය ගිය පුද්ගලයන් වෙනුවෙන් මෙයා ඊටත් වඩා දෙයක් කරන්ඩ මහන්සි වෙනව. ඉතිං ඒ අමතර කාර්ය තමයි චිත්‍රපටියට අපුර්වත්වයක් එක් කරන්නෙ. චිත්‍රපටිය මතුපිටින් ගලන් යන්නෙ බොහොම නිවීසැනසිල්ලෙ උනත් බලන කෙනාගෙ හිත හැම විනාඩියක් ගානෙම වගේ ජීවිතේ ගැන වැඩිපුර හිතන්න ඕන දේවල් වලින් පුරවනව. ඉතිං ක්‍රියාදාම වලට වඩා දැහැන්ගත වෙලා නාට්‍යමය කතා රසවිඳින්න කැමති කට්ටියට නං මේක රත්තරන් වටින චිත්‍රපටියක් වෙයි කියල බය නැතුව කියන්ඩ පුලුවන්. තවත් දෙයක් තමයි මේක බලල ඉවර උනහම මේ වගේ මිනිස්සු මේ ලෝකෙ  ඉන්ඩ පුලුවන්ද කියලත් සමහරවිට  හිතෙයි. හැබැයි ඒකට උත්තරයක් පහුගිය ඉරිද ලංකාදීප පත්තරේ තිබුණ. අවුරුදු හැත්තෑ ගානක් වයස සීය කෙනෙක්, එයාට අවුරුදු 15 ඉඳන් දකින හැම මරණ දන්වීමක්ම එකතු කරල. ඒක එයාගෙ විනෝදාංශයක් වෙලා. ඉතින් මේ වගේ මිනිස්සු ඉන්ඩ පුලුවන්ද කියන සැකේනං ඇති කරගන්ඩ එපා. වැඩිදුර විස්තර කීමම රසවින්දනයට බාදාවක් වෙන හින්ද මේ ටික හොඳටම ඇති චිත්‍රපටිය කොයි වගේද කියල තේරුම්ගන්ඩ. එහෙනං අපි හැමෝටම අනිවාර්යෙන් මුහුණදෙන්ඩ වෙන මරණය ගැන මෙතෙක් හිතපු නැති විදියකට හිතන්න පටන්ගන්න.

ඔබට ජය! තෙරුවන් සරණයි!

 

 

 

 

 

Still Life (2013) DVDrip XviD – Italian English Ac3 5 1 Sub ita iCV-MIRCrew

මෙම උපසිරැසිය ඉහත පිටපත සඳහා අදාළ වේ.

791 downloadsDownload Still.Life_.2013.Baiscopelk.com_.rar25 KB

 

https://d36zzuvfojr38z.cloudfront.net/wp_content/uploads/2013/12/wayantha.jpg මේ ලබා දී ඇති සිංහල උපසිරැසි පිළිබද “වයන්ත සදරුවන්” සොහොයුරාට අප සැමගේ ස්තූතිය හිමි විය යුතු අතර උපුටාගැනීම් සියල්ලම ඔහුගේ අවසරය මතම සිදුවිය යුතුය.